Hose'a 11:8 - Bible en Guidar

⁸ Mbar nədapsuk di Efrayim, mbar nədawɓap əppok di, Israyel? Mbar nədakkpoŋgok va walaŋgəla-metiŋ na Adma di? Nəgəɗ suk va na Seboyim sa? Makraw tay əgəbəɗa, də as pak əŋgla naw akok ɓəlɓəli yi.

Hose'a 11:8 ပူးပေါင်းရင်းမြစ်များ

Va'Atəŋ 14:8

Yaŋ məlĩ na Sodom areɗ abe, milyeŋge na Gomorra, na Adma, na Seboyim, gəm na Bela, va wənəh na, So'ar; agohinik məzəlpaŋ neti, atəŋgaŋgək əlpa aka walaŋ na Siddim,

2Samiyel 24:16

Adan maslay atəl van kəla Yerusalem, aslak zən nawzani, ma Yawe agəɗək nzok dawki əraya. Aɓsən maslay məzuzet ɗiy nak na: «Məki kana, avoŋgən voko!» Pay nan na, maslay na Yawe tay go'o də kelle na mə Yebus adawyaŋ na Arawna.

1Milyeŋge 3:26

Guluk ma muzliya madaran tənah sən məlĩ na: «Vi tulak sasãh wətəta, təmna: Kamə, daya nawa! Məpsət mepriŋge madaranəŋka, kəbayən ɓa!» Maɓɓatkəŋ təmna: «Kərəh na ɓa, nərəh na ɓa, mərslani!»

2Milyeŋge 13:23

Yaŋ Yawe agəɗ sit moggoni, awla sasẽhti, akkpaŋgək azet vi wənmiyna nan də Abraham, də Isak gəm də Yakob; dəŋgəl əzet kakãh ɓa: hã kakaŋka dəzget faraɗa sə maharan ɓa.

2Alabaraɗe Də Mabərkiziti 36:15

Ya Yawe Maŋgəlva net efiŋgiɗit dəyə dawslən maslənɗe nan əsəɓ sit ɓa, vi ɗiy nan də təki nassa nan tahəŋ sãh arani.

Gəlyaɗe 106:45

Yaŋ aɗɗumon wənmiyna nan dənɗaŋgə, aɗiyək marava va aza mẽmẽtiŋ na moggon nani.

Isaya 16:11

Vini zəga naddəvu pak adawhəm va gəzləŋtendəŋ ammba Mo'ab. Makraw tam əhəm ammba Kir-Heres.

Isaya 63:15

Sə disiŋ, awələ; hã sə təki nassa na salala noko, gəm gagdak noko, awla an dədawrəhmə: Ngay əŋgla noko, gurom nalpa nok di? Ulasahã nok gəm əŋgla metiŋgin nok viyəm na agrakaŋgək sa?

Yeremiya 18:8

an ɗiy naka dələv nəpel aket vet appanənək mambray net məs dədan su gədəvu vani, asna wanəppan tatwãh an niynan nawgəɗ siti.

Yeremiya 3:12

Dok əpel wənəŋ aka dələv na kəla disiŋ kənahgən na: Amili Israyel məs man sula sula, Yawe aɗiymani. Wanətok haraw akok ɓa, vi ɗəf təstəs nani, narma wən a makraw faɗ ɓa, Yawe aɗiymani.

Yeremiya 31:20

Efrayim, wətu an na makrawi sa? Wətu an nəŋgəl dayi hara nəpelgən akan nəɗɗum əɗɗum akan əmpa sa? Vini makraw adaɗɗa birbir vini, ulasãh na, nulak sasãhni. Yawe aɗiymani.

Yeremiya 42:10

An kəzbanənək əsso aka dəlvəŋka, asna wanərkukum nəɓzlukum na ɓa; wanəmpukum nəptukum na ɓa. Vi wanəppan gabba əki əray akokum.

Yeremiya 9:6

Vini kana, aŋki an Yawe Məzuɓappak anahə: Wanəhĩs akoffo, kawlan an təstəsəŋgə. An vaski ɓa na mbar nədawgəɗ sit ɗiy naw əmpa di?

Yeremiya 9:7

Herzlimit tay va har mətakaɗən də muhun azani an adawpeleŋ pak uwawəni yi: Əpel nenek tay əgilyen səmet sən bayneti, addəv kpukpum na mekret hara na tahəŋ ənslənaŋ sənən peweŋ.

Əɓuhma 1:20

Awla, Yawe, va nəsaw addəv əzəmsahã, makraw tay hoɗhoɗ aka wən nani. Makraw arayka! Vi nəkgbakək ma! Sə kəlappaka, masalam azetik kirni. Eŋgili, va ana əmtada.

Əɓuhma 3:32

Dənda meme ɗəf zlaŋ na, tay də ulasahã sən moggon nan diyɗaŋka.

Əɓuhma 3:33

Vi na makrani adawtoŋgit ɗiy addəv tatwãh gəm adawzimgit sahã ɓa.

Ezekiyel 33:11

Anah sit na: Va nəsaw madarawa Daya Yawe aɗiymani, nəŋgəl məsdaraw əmta ɓa, neŋgəl na məsdaraw dəmilgin səka ədaw nani, dəsangən madaran dərəŋgə! Məmili, məmil səket tiveɗ nokum mbəreytiŋki: Viymi kədamtaŋ di mə Israyelɗe?

Ezekiyel 6:9

Məs dəndəwəɗaŋ nokum waɗɗumowən aret ɗiy-ɗar a təki mərmet misimgit adaka, wanəddəɗaŋ mekret məs dəkkpaŋ səkawa gəm heret kululu aziyaŋ ammbet zəgeɗmeŋgilveɗ netiŋ akawa. Met wasan nzok sən wəza net daryaw pakə.

Hose'a 6:4

Efrayim, mi nədawgəɗ suk di? Is Yuda, mi nədawgəɗ suk di? Moggon nokum akaw tay va slaybuwən na mompummo, va minɗe məzuziyaŋ, məzəssaraŋ go'u.

Hose'a 7:1

Gala nədaŋgla ənzaɗ Israyel, yaŋ heslepe na Efrayim arbə gəm mbərayən na Samari: ha'aw, aɗɗaŋgək wəza də tepelke; mahãla tay ətoŋ addəvit gəleɗe, masapeɗ tahəŋ əmõhẽtin ɗiy aka tive.

Amos 4:11

Nəzokumək va Maŋgəlva azan Sodom gəm Gomorra. Kəssoŋguk va seseme məkdəhən sə koffo, ya kəmulyoŋ azaw ɓa. Yawe aɗiymani.

Amos 7:3

Yaŋ Yawe addəɗan əɗɗum nani: «Zəga van agəɗ na əmpa ɓa», Yawe anahə.

Amos 7:6

Yaŋ Yawe addəɗan əɗɗum nani: «Zəga van agəɗ na əmpa ɓa», Yawe Maŋgəlva anahə.

Mika 5:3

Wasili, wateɗ timeŋgiɗ nan də gbogboŋ na Yawe, də gagdak na iya na Yawe Maŋgəlva nani. Wassoŋ zay vi kawsənni mẽmẽtiŋ nan hã gap meŋge na dəlvafuŋ.

Sefanya 2:9

Yawe Məzuɓappak na disiŋ, Maŋgəlva na Israyel, aɗiyman na, va nəsaw madarawa! Mo'ab wakkpaŋ va Sodom gəm mə Ammonɗe va Gomorra: təki net dewregeɗe, təki nawso' bətuwa, dəlvafuŋ məraygən hã faɗə. Ɗiy naw en dəppaŋ wamohẽtini, ɗiy na mahəlfa naw dəppaŋ wagəmnən ka neti.

Matiye 23:37

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken di, ya kəŋgereŋ ɓa.

Əmsak aka Mahenziŋ 29:22

«Dələv nan mondorom də meleme gəm busuk azlanənka, kazlgay akan ɓa, zəga tay nawgilyan akan ɓa, kevile tay dədawɓay dayday ɓa, səɗek va wəray dəde aka Sodom, Gomorra, Adma gəm Seboyim, məs Yawe aɓzliw addəv wədagədəv nan gəm herɗe na makrani.»

Əmsak aka Mahenziŋ 29:23

Ɗiy na guw gboŋ pak wanahaŋ na: «Vimi Yawe agəɗ sən dəlvəŋ vaŋ di? Vimi aki herɗe akan gbaŋ di?»

Əmsak aka Mahenziŋ 32:36

Yawe wataw wən net ɗiy nani, wawla sasẽhit belemɗe nani, pay awle addakaŋgə, balam tay ɓa, ɗəf na kiyən tay ɓa.

2Piyer 2:6

Gəm azet walaŋgəlaɗe gugriɗ na Sodom də Gomorra azlak kpaŋ moŋglo, vi məɗɗaŋ mambray pak dulanəngən an dədazzan aket tamə.

Zuda 1:7

Va mãy Sodom də Gomorra gəm walaŋgəleɗe gugriɗ en tuwəɗ kiyit akuhwaŋ a gizbe, azbetinik maslayɗe, assoŋguk va zəga narban əzga də offo məs amta ɓa.

Hənhən 11:8

Gəbay net wasan aka tive na walaŋgəla-metiŋ, məyan də kəleŋ na Sodom gəm Eziptə, a təki məs məkkpa Daya net aka məzliwrihe.

Hənhən 18:18

anzlaŋgək vaŋvəla, adan awlenin enene məs dədagilyoŋ sə təki məs walaŋgəla adawzlaŋka. Aɓɗaŋ na: Walaŋgəla-metiŋ maɓɓan awani nawsla dəndən di?

Mətawaŋwəna 10:16

Ndəɗaŋ zargitin meŋgilveɗ naguw sə weleŋti, azbanən Yawe, nan zlaŋ əzəmsahã net mə Israyelɗe aknəhək makran.