Hose'a 11:6 - Bible en Guidar

⁶ Masalam wakəlvəɗ a walaŋgəleɗe gugriɗ nani, wazet məzuganəni, wazim aka an armaŋ a mekreti.

Hose'a 11:6 ပူးပေါင်းရင်းမြစ်များ

Gəlyaɗe 106:39

Arnokonənək zit də wəza neti gəm azbetinik meŋgilveɗ meɓɓeti.

Gəlyaɗe 106:43

Təl ɓaɓay akohgit səvet ɗiyi, də as pak tahəŋ hərək hərək də əggbak ma neti, aguloŋguk də metiŋgin addəv heslepe neti.

Isaya 18:5

Vi tak mawala dəgəɗgəni, an uffiyeɗ ayyo'oŋko, an uwa net wəleŋɗe tay əsɓaŋgə, tay əgəmən slogoy kawkel kiva wəlaŋga an tay də ətər ɓa də gaslamba nani

Isaya 27:10

Vi walaŋgəla-metiŋ gbogboŋ wasan də mani, va təki nawtaɗ məppan firik va Kapta-muyã. Kirtit wasliɗe wataɗaŋ adaka, wadikeŋ adaka wazəmən vet geslemɓeɗi.

Isaya 30:1

Yawe aɗiyman na: əray aket kirin məɓoŋti! Minaŋ wən məza dəde səzaw ɓa; minaŋ wənmiyna, məs tay addəv əɗɗum naw ɓa vi kakkalan mambray aka mambraya.

Isaya 9:14

Ɗəf məsɓan də gagdaka ndəni dəsan kiya. Məskəleŋ mərbə wən na uwa wəna, ndəni kuturo.

Yeremiya 5:17

Ya wazəmnən zəga na mabardaw nok gəm way noko, wazimnin kirtuk mezeŋgleket dit muguluŋgiti, wazimnin wasliɗe dit gilew noko, wazimnin megezlembirkeɗ dit sokoyeɗ noko; wapuwetin walaŋgəleɗe gugriɗ nok na korgu məs kədawlan na zəga tay nawrəhuk sədak ɓaŋ də masalam.

Yeremiya 50:35

Masalam aket mə Kaldiyeɗi, Yawe aɗiymani! Gəm aket ɗiy na Babilon, aket ɗiy gugriɗ nan gəm aket məsmaɗɗulet nani

Əɓuhma 2:9

Maddambeɗe nan pak atoŋgoŋguk afuŋ, areygitik təbzeŋge nawkəɗəslit petepete. Məlĩ nani dit ɗiy gugriɗ nan pak tahəŋ ammba vet ɗiy ɗarə, mahenziŋ tay ɓa, məskəleŋɗe nan dayday awrəhaŋ ula məs dəde səza Yawe ɓa.

Hose'a 10:14

Gogoyo wasil aweleŋgit ɗiy noko, hã gap walaŋgəleɗe gugriɗ na korgu nok adakkahãŋ kakãhə̃, va Salman azan Bet-Arbel pay nalpa, atakeɗ may met kirin aket kirtiti.

Hose'a 10:6

Nan van pak kawkani a Asiri ka əvəl sən məlĩ Yareb. Efrayim waslet wil akani, wil wadannən Israyel aka wən na keket nan an azbə.

Hose'a 4:16

Va wasli məɓoŋni, vaski Israyel aɓoŋgu. Kakaŋ kan na, Yawe dəlgən ətaɗən awra va time.

Hose'a 4:17

Na Efrayim azbetik meŋgilveɗi: nan appani.

Məsdəlveŋge 26:25

Wanəsilgin masalam akokum nampəl ki wənmiyna, wakəkkalaŋ addivit walaŋgəleɗe gugriɗ nokum. Wanəslən gəbaymərma a walaŋkum, kappokumi ava məzuzel nokum.

Məsdəlveŋge 26:31

Wanəkkpaŋget walaŋgəleɗe nokum kiməskiya, wanəpzlu gəla nakkam nokum; məŋgən tursan nenek nokum affok na nek akaw ɓa;

Məsdəlveŋge 26:33

Wanətrayokum aret ɗiy nammba dəlva, wanəptu masalam akokum; dələv nokum wakkpaŋ muyã ɗarə gəm walaŋgəleɗe nokum kiməskiɗe.

Amos 6:8

Yawe, Maŋgəlva aswayək ndən sən kiyən Yawe Maŋgəlva Məzuɓappak aɗiyman na: «Maw tay aka əkaɓ na Yakob ɓa, nəzelik gəleɗe lelewɗe nani. Wanəppan walaŋgəla-metiŋ van də an naddəvən pak avet məzuzelɗe.»

Mika 5:11

Wanəzet teteleɗ noko məsənaŋ wən net ŋgərzleɗ təttaka assoŋ na anok da ɓa.

Əmsak aka Mahenziŋ 28:52

Wasərŋgislnin walaŋgəleɗe gugriɗ nok pakə, hã gap zleveɗe mərket nok gboloŋgboloŋ ɓəzle'i, məs kəɗi əɗɗum nok aketi; wasərŋgislnin walaŋgəleɗe gugriɗ naka dələv nok məs Yawe Maŋgəlva nok apsuk beymeti.

Əmsak aka Mahenziŋ 32:25

Appaka, masalam wande kirtiti, addəvit gəleɗe, wamtaŋ sənən geslne; gewleɗ dit gorɗeŋge pak məstaka, mezzeɗ mətukputukpu'ɗe dit məzuwaɗaŋ pak waskotoŋgu.