Hose'a 11:5 - Bible en Guidar

⁵ Amndoŋ na a Eziptə ɓa, Asiri yi dədawsan məlĩ neti, vi aɓoŋgoŋgək damndoŋ azawa.

Hose'a 11:5 ပူးပေါင်းရင်းမြစ်များ

2Milyeŋge 15:19

Pul məlĩ na Asiri, aguluk dələv kulo'u, yaŋ Menahem apsən təbəz net koɓeɗ kilo gabal kaklaw hoku, vi dəbbah səngən dəsɓan məlĩ nani.

2Milyeŋge 15:29

Aka pay na Peka, məlĩ na Israyel na, Tiglat-Pileser, məlĩ na Asiri, adek əmõh Iyon, Abel-Bet-Ma'aka, Yano'a, Kedes, Hasor, Galad, Galile, gəm dələv na Neftali baymani; asimgit ake a Asiri.

Hose'a 10:6

Nan van pak kawkani a Asiri ka əvəl sən məlĩ Yareb. Efrayim waslet wil akani, wil wadannən Israyel aka wən na keket nan an azbə.

Hose'a 5:13

Efrayim awlak gbəgba' nani, Yuda tam yoro nani; Efrayim alək kəla Asiri, aslənik metiveɗ aza məlĩ metiŋgini, ya nan aɓap na əkõhgukum ɓa hara, anzaɗ sukum na yoro nokum ɓa.

Hose'a 6:1

«Mide, məmndamsəm aza Yawe, vi ndəni dəbakamə, ya wanzaɗmə, argəməka ya waynan səm huwweɗ namə.

Hose'a 7:16

Tay əkkpaŋgaŋgə, ya azawi ɓa, tahəŋ va bəle mbərayən. Deyeɗe net waskotoŋ a ma masalam sən əpel nawku na meti, mə Eziptiɗ wamasaŋ aketi.

Hose'a 8:13

Azaɓaŋ suwənək Maŋgəlva temtemi, ndəɗaŋ əzəm slu nani, Yawe dətef ɓa; kakaŋ na tay əɗɗumon heslepe neti, tay ətawwən aka mambray neti. Wamilyoŋ a Eziptə.

Hose'a 9:3

Aɓapaŋ na kassoŋ də gəla aka dələv na Yawe ɓa: Efrayim wamil a Eziptə, a Asiri wazəmaŋ zəga nawmə'a.

Hose'a 9:6

Yeŋ anzoŋguk sən əraya, Eziptə wakkeleti, Memfis wandike. Ŋzewɗe wataknən arya na sləma neti, tintif watak gizlirkeɗe neti.

Amos 4:11

Nəzokumək va Maŋgəlva azan Sodom gəm Gomorra. Kəssoŋguk va seseme məkdəhən sə koffo, ya kəmulyoŋ azaw ɓa. Yawe aɗiymani.

Amos 4:6

In nəkisukum sahã na zəga nawgul a borokum a walaŋgəleɗe gugriɗ nokum baymeti, gəm may addivit gəleɗe nokum, yaŋ kəmulyoŋ azaw ɓa, Yawe aɗiymani.

Amos 5:27

Vi aski kan nədawsimgukum balsən Damas, Yawe anahə. Iya nan na: Maŋgəlva Məzuɓappakə.

Əmsak aka Mahenziŋ 17:16

Məlĩ nok van adawsan dit pilseŋge gidigidi ɓa, may adawslən ɗiy a Eziptə vi kalbəh pilseŋge diyɗa, adan Yawe anah sukumək na: «Kədamndoŋ dəka tiveŋ əmpa ɓa!»