Hose'a 11:3 - Bible en Guidar

³ Intə niyagan sən ədaw sən Efrayim, nərma veti. Ya dəsənən na nəzəgək sləma aketi ɓa.

Hose'a 11:3 ပူးပေါင်းရင်းမြစ်များ

Gəlyaɗe 107:20

Aslənək əpel nani, anzeɗke akõhgitik səddəv magamas neti.

Əgilye 15:26

Amna: «An kəprəmək ma Yawe, Maŋgəlva nok moggoni, an kaɗɗa zəga təstəs ama harani, an is tat əpak sləmok ammba əpel na ənziya, an is tat ərma wən an aynə pakə, gbəgba nəki aket mə Eziptiɗiŋ ade na akok ɓa, vi intə Yawe nawmbəlguko.»

Əgilye 19:4

Kulanənək munokum sən kiykum an nəgəɗ sit mə Eziptiɗi, nəslokumuk aka persleke gazla, yas nəkikum azawa.

Əgilye 23:25

Kəɗaŋgən wəza sən Yawe Maŋgəlva nokum, vasna waɗɗa wəzaɓ nan aka peŋ nokum gəm aket iŋkile nokum, wanəzargən gbəgba' suwalaŋkum;

Isaya 1:2

Disiŋ, aprəma! Dəlvafuŋ, apak sləmoko, ha'aw Yawe dəpeli: Nəɓaygitik kirni akkpaŋgaŋgək ɗiy gugriɗe yas net aɓoŋgoŋ akawa.

Isaya 30:26

Pay Yawe adaynan huwa net ɗiy nan, an anzeɗik huweɗi, təla wakasak va paya, ya pay wawiɗ təl buhul va əkeɗeɗe na pay təl buhul.

Isaya 46:3

Məprəmwa, uwa na Yakob, mənokum məs kəppaŋ na Israyel, mənokum məs məslokum təŋ səddəvət mokum mənokum məs məslokum tak kulanən pay ɓa.

Isaya 63:9

Addəv əzəmsahã net pakə, maslən tay aslən aban dəkõhgitgin ɓa, addəv əŋgla nani gəm addəv ulasahã nan abite, ndən dəsleti, adawgit pay pak addivit əvoŋɗe məs dətoŋgoŋ lahəŋka.

Yeremiya 30:17

Də adanzlaŋ vaŋvəl na: Siyon məzgani yi ɗəf tay məzukayan ɓa zlaŋ na, wanəɗɗa huweɗ nok dərmanəngən hereti, wanənzeɗ huweɗ noko Yawe aɗiymani.

Yeremiya 8:22

Miha' nawɗan gəla əssa tay a Galad ɓa sa? Awaniɓa zloktor tay adak ɓa sa? Vimi huwwa net ɗiy naw anzaɗ ŋgbəlay ɓa di?

Hose'a 14:4

Asiri aɓap na kawkõhgəm ɓa, məpeŋ na aka pələs ɓa gəm wamənah əmpa na “Maŋgəlva namə” sən an məgəɗ də vam ɓa, vi azoki mitiwe adawrəh ula sasãh kaka'ə!»

Hose'a 2:8

Vini, nədamsan tive nat dit gedirgeɗi, wanəmpa mambara, tərəh na batamət əmpa ɓa.

Hose'a 7:1

Gala nədaŋgla ənzaɗ Israyel, yaŋ heslepe na Efrayim arbə gəm mbərayən na Samari: ha'aw, aɗɗaŋgək wəza də tepelke; mahãla tay ətoŋ addəvit gəleɗe, masapeɗ tahəŋ əmõhẽtin ɗiy aka tive.

Hose'a 7:15

Naw nəyegetike, nəsɓanək veti, ya tahəŋ əɗɗumoŋ mbərayən akawa.

Wəza net Masləŋɗe 13:18

Wagəɗ əzva kaklaw poɗo aɓəs ədaw net a kapta-muyã.

Əmsak aka Mahenziŋ 1:31

Gəm va kulanən Yawe Maŋgəlva nokum aslokum a kapta-muyã va ɗəf adawslan wətəni, tive kədawaŋ pak hã mənokum gap a təkiyəŋka.»

Əmsak aka Mahenziŋ 33:27

Far na, Maŋgəlva yi təki nawɗam noko; van tay əkasluk pay pakə; arɓehetik məzuzelɗe nok səboko, anah suk na: azeti!

Əmsak aka Mahenziŋ 8:2

Kəɗɗumongən tive məs Yawe Maŋgəlva nok abbolok əzva kaklaw poɗo a kapta-muyã pakə, vi kawtoŋguk addəv sahã; kawsluko, kawla an na mokroko, kawsənən na wakərma əpelɗe na ənziya nanəŋ sa, kərme na ɓa?