Hose'a 11:1 - Bible en Guidar

¹ Gala Israyel asan gawla na, nəŋgluwəka, sə Eziptə nəya wətuwa.

Hose'a 11:1 ပူးပေါင်းရင်းမြစ်များ

Gəlyaɗe 129:1

Gəlya nawpəŋ ədda əkkam a Yerusalem. Asərnənək maw təŋ səka gawlawa, Israyel dəmsak ənahən:

Əgilye 19:4

Kulanənək munokum sən kiykum an nəgəɗ sit mə Eziptiɗi, nəslokumuk aka persleke gazla, yas nəkikum azawa.

Əgilye 4:22

Kənah səngən Farawən na: Vaŋki Yawe anahə: Israyel iyi wətu uwa maddaabəŋ nawa;

Əgilye 4:23

nənah sukuk na: Appan wətu dəmbat əgəɗ su wəza, yaŋ kəɓoŋ dappan əmbata! Ya asna wanəbay wutuk uwa maddaabəŋ noko.»

Isaya 43:4

Adan ɗəf na sləma kənan a maharawa, məɗi kiyuk kənani naw nəŋglukuko, ndəni nədawfaɗ də ɗəf titir a guloko, gəm dit ɗiy naket dəlveŋge aguloko.

Yeremiya 12:7

Nəppanək gəla nawa, nəzganək zəganawzəmgəla nawa, nəppanək zəga məs nəŋgəl avet meseŋgiɗni.

Yeremiya 2:2

Doko, kəpelgən a sləmet ɗiy na Yerusalem də wənah na: Vaŋ Yawe anahə: In tat əɗɗumon moggon nok aka kəsok gore. Aka əŋgla na gəre noko! Gala kədazbaw a kapta-muyã, aka dələv məza guli adak ɓa.

Ezekiyel 16:22

Zəga naɗɗa nok daryaw də polkoyeɗ nok pak kəɗɗumon aka pay na gawla nok ɓa, gala kəsok zuk mekeleŋ sirndiwwe, gala kədazgan zuk aret mbel noko.

Ezekiyel 16:6

Yaŋ nədawtoŋ kəlazoko, nuluk əzgan zuk addəvit mbel noko, yaŋ nənah suk səddəvit mbel nok na: Asok madoroko! Nənah suk səddəvit mbel noko: Asok madoroko!

Hose'a 10:15

Aski Betel agəɗ sukum vi mambray nokum man awsla ɓa: a bapummo məlĩ na Israyel adawbay mani.

Hose'a 12:13

Yakob anzanək aka muyã na Aram, Israyel agəɗək wəza ammbat gulku, viyət gulki ataɗə.

Hose'a 12:9

Efrayim amna: «Sessel nəbək arya, nərahək arya sən kiywa, addəv wəza naw pak kawrəhi heslepe nawnəh na mambrayi ɓa.»

Hose'a 13:4

Intə, Yawe Maŋgəlva nok far səka dələv na Eziptə, Maŋgəlva tay kədawsən abbəru ɓa, məzukõh mbərən tay an intə ɓa ɓa,

Hose'a 2:15

Wanəzga' sət pay net Ba'alɗe, a təki tədawzlə sit tursan: aka təzaɓanək zət də ndama nata, dit verzleɗ nata, tənzat ammbet gəreŋgiɗta, naw ndət zəgət kiywa! Vaski Yawe aɗiymani.

Malakiya 1:2

Yawe amna, nəŋglukumko, ya mənokum wənahaŋ na: «mbarmbar kəŋgluwəm di?» Esaw məlmən Yakob yi ɓa sa? Yawe aɗiyman na, Yakob nəŋgələ

Matiye 2:15

Asanək adak hã gap Herodə zamə. Vasna vi kaknahan an Daya anah də ma məskəleŋ nani, sə Eziptə nəya wətuwa.

Əmsak aka Mahenziŋ 33:3

Suwayə, istə kəŋglu ɗiyi, ɗiy salala pak ammba vokəŋgə. Net, assoŋguk ammba tulko, kawyagan əpel noko.

Əmsak aka Mahenziŋ 7:7

Yawe aŋglukum na, vi kədayaŋ kiyit ɗiy meɓɓet də wəŋɗa nokumi ɓa. Vi ŋgbəra' kənanaŋ daykiyit ɗiy mbərit pakə.