Hose'a 10:10 - Bible en Guidar

¹⁰ Aza əŋgla naw na, wanəzga' siti, ɗiy wasapaŋ aketi aka wən na mambray net wəlan sulaŋka.

Hose'a 10:10 ပူးပေါင်းရင်းမြစ်များ

1Milyeŋge 12:28

Məlĩ arahək əɗɗum mbərən, avotuk kirit wasliɗe mezeŋgleket na meleŋge sula, yaŋ aɓsit ɗiy na: «Ədda nokum a Yerusaleməŋ məki; meŋgilveɗ nok yeŋ məs dəgilgukun səka dələv na Eziptə Israyel.»

Ɗerewel na Yob 39:10

Wakəɓap əkyak təgənə də helege dəbot sukgən ma sa? Awaniɓa, waziyan təki kitikke dərɓogok də zonso sa?

Isaya 1:24

Vini Daya Yawe Məzuɓappak Məzuɓap na Israyel aɗiyman na: «Haya əraya, wanəmpəlkiya aket məzuseɓɗe nawa wanəfaɗ sit məzuzelɗe nawa.

Yeremiya 15:6

Yawe aɗiyman na, istə kəzgawa gəm kuktu' dəɓok suwa. Nəslanək vaw akoko, nəzokko, vi nəyək dawla sasãhko.

Yeremiya 16:16

In yakəŋ əslən mərmaŋ ɗiy diyɗa də zəva, Yawe aɗiymani, warmenini, səbbər asna, wanəslin mətəvəlaɗe diyɗa wateketin aket mossorgoɗe gugriɗe dit mossorgoɗe pakə hã gap a poporit gərmeŋge.

Yeremiya 21:4

Vaŋki Yawe Maŋgəlva na Israyel anahə: Gulomɗe nalpa nammba vokumiŋki, məs kədawgayaŋ də məlĩ na Babilon gəm mə Kaldiyeɗiŋki inyakəŋ əmndeget akokumu. Ɗiy en dəvoŋgoŋ sukumən də baŋla, wanəkkelet addak walaŋgəla-metiŋginiŋka.

Ezekiyel 16:37

Vini, in yakəŋ əkkelet gəreŋgiɗuk pak məs kəppan mayũk aketi, en kəŋgəl pakə sap azet en kəzel pakə; wanəkkelet akok sə təki pakə, wanərban sit gobbok mekeleŋ; wawlanən zuk dandawayə.

Ezekiyel 16:42

Wanəffeten makraw səkoko, nəgəɗ na kotorok viyuk ɓa, wanəsaw fendeŋ makraw assaw na əmpa ɓa.

Ezekiyel 23:46

Vi vaŋ Daya Yawe anahə: «Vanday net ɗiy dəderze aketi, kappet sən geslne də popoho;

Ezekiyel 23:9

Vini nəppat avet gəreŋgiɗita, avet mə Asiri məs mayət asan aketi.

Ezekiyel 5:13

Ədagədəv naw wambat ŋgbu'u, wanəfəh herɗe naw aketi, wanəmpəl kiywa, wasənnən na intə Yawe nəpel addəv kotorok naw pay nədawka herɗe naw aket ŋgbu'u.

Hose'a 10:9

Təŋ də wən na Gibeya kəgəɗ mambraya Israyel, kədder səkan ɓa, təsi yi wəlpa dərufgin məbayaŋ gəbayəŋ a Gibeya ɓa sa?

Hose'a 4:19

Səmyã wake aka perslekeni, wil wabeynin aka əzaɓ-Maŋgəlva net adaŋgə.

Hose'a 4:9

Əray məstaka dədawrih ɗiy də məsdələv pakə. Wanəzga'sit aka wən na ədaw neti, wanəmndagan sit aza wəza neti.

Hose'a 8:1

Affon gozloro! Va gazla, vaski wəray adawteh aka gəla na Yawe, adan aggaraŋ ki wənmiyna nawa gəm aggaraŋ ki mahenziŋ.

Hose'a 8:10

Də əvəl na makaryam adapsitin dəlveŋge dayday na, kakaŋ wanəkkeleti, abe siɗikke wakkereŋ sən əslan gagdak na məlĩ net deyeɗe.

Matiye 22:7

Gədəv məlĩ adəka, aslənik məzəlpaŋ nani azet məbayaŋ gəbay neki, azla walaŋgəla-metiŋ neti.

Əmsak aka Mahenziŋ 28:63

Vaski Yawe anneken zən nawgəɗ sukum moggon də uwokum hõyõ' hõyõ'u, vaski ye'e Yawe agəm wən nawzokum kakãhə, karɓahokumi səka dələv an kədawtoŋgoŋ addəvən kawmõhən ka nokuməŋka.