Hənhən 2:2 - Bible en Guidar

² Nəsinik wəzaɗe noko, əzəmsahã noko gəm zuk məs kədawsoko, nəsənka kəɓap na əzi horok sit məsdarawɗe ɓa. Kəslak nazet məzunahaŋ na maslənɗeŋ ya mbaraka maslənɗeŋ ɓa, kərəhək na məwaŋ wənəŋgə.

Nouveau Testament en Guidar

² Nəsənək wəza noko, də wəzəm saha noko, də an kədaw ɓəsa. Nəsənka kəɓap na wəɓəs wənnet ɗii mbreyit ɓa, ya kəslak wən net ɗii məzu ɗiyən zit na masləŋɗeŋ, amma masləŋɗeŋ ɓa, kərəhək wənnan na məwaŋ tepelkeŋ.

Bible en Guidar

² Nəsinik wəzaɗe noko, əzəmsahã noko gəm zuk məs kədawsoko, nəsənka kəɓap na əzi horok sit məsdarawɗe ɓa. Kəslak nazet məzunahaŋ na maslənɗeŋ ya mbaraka maslənɗeŋ ɓa, kərəhək na məwaŋ wənəŋgə.

Hənhən 2:2 ပူးပေါင်းရင်းမြစ်များ

Gəlyaɗe 1:6

Vi Yawe asənək ədaw net ɗiy en təstəsə, ya tive net məsdarawɗe na əzay yi.

Matiye 7:23

Asna wanəzlan sit na: Nəsənkum ɗah ɓa, məzar səzaw faraɗa, mənokum məɗɗaŋ wəza mbərayən.

Yohanna 6:6

Anah vasna vi kawslani, vi nan asənək an adaɗɗa.

Galatiyen 1:7

Zeŋvin na tay maɓɓani yi ɓa, vi ɗiy meɓɓet tay əzlzlaɓokuməni. Tay əŋglaŋ əkkpaŋ Alabara Nenek na Kristu.

Efesus 4:14

Vi mədawsam va kirin memeɗeŋɗe, məs səmyã adawka də təki aŋgəl pak poŋgolpoŋgol addəv əyak ɓa, məs adasmayamən kawmbəɗam də kuket net kawzam ɓa.

1Tesaloniki 1:3

Mənam tat əɗɗumon wəza nawtaf nokum aba Maŋgəlva Afəmə, də əŋgla nokum də əsok zukum əga məs dəde səm səza Daya nam Yesu Kristu.

1Tesaloniki 5:21

Məkoson gabba zəga pakə, mərma an moggoni.

2Timote 2:19

Də as pak gabban məs Maŋgəlva aɗi tay ziw ɓəlɓələ, məver əpeləŋ akani: Daya asinik ɗiy nani. Gəm əmpa na: Məzuya iya na Daya pak dəzar səza mambraya.

Ibriɗe 6:10

Maŋgəlva mbərayni ɓa, azgət na ki wəza nokum ɓa gəm əŋgla məs kərbanən aka iya nan kəbbahaŋ sit ɗiy salala lahəŋka hã gap kakaŋkəŋka.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.

Hənhən 2:5

Aɗɗumon kana, sə təki kəzə ki tive, aɗimarava, aɗɗa an məs kəgəɗ maddaabəŋ. Vas ɓa in tat əzzaw ərəhko, an kəɗimarava ɓa, wanəgəm zəga naɗi lalamɗe nok sə gəlani.

Hənhən 2:6

Ya an dədannek zu dənduk yaŋka: kəzelik wəza net Nikolawiɗe va nawa.

Hənhən 2:9

Nəsənək tatwãh noko gəm sãhã noko, ya məsarya kənani, nəsənək wən mbərayən məs ɗiy məzuɗinən zit va mə Yudeɗ adawpeleŋ akoko, ya mə Yudeɗiŋ ɓa, net ɗiy məzbanən Satan əŋgə.

Hənhən 3:1

Aver sən maslay na gəla na Maŋgəlva na Sardis: Aŋki məs dərme əmpəsɗe na Maŋgəlva buhul gəm ngərzleɗ buhul ammba vani: Nəsinik wəzaɗe noko: sləmok tay əbbal na modorok kənani, ya məmtuk kənani.

Hənhən 3:15

Nəsinik wəzaɗe noko; zay kənan ɓa, kãh kənan ɓa'a. Nəŋgəl kəta na kəsokgən zayə, awaniɓa kãh.

Hənhən 3:8

Nəsinik wəzaɗe noko. Awle, nəɗiyək metive kollo aboko, məs ɗəf tay nawɓap əmsan ɓa, gbogboŋ siɗikke yi azoko, də as pak kərmak əpel nawa, kəzelen iya naw ɓa.