Haggay 2:7 - Bible en Guidar

⁷ Wanəɓlet ɗiy-ɗar pakə, arya net ɗiy-ɗar pakə wade, wanəknah gəlaŋ də lalawa, Yawe Məzuɓappak aɗimani.

Haggay 2:7 ပူးပေါင်းရင်းမြစ်များ

Va'Atəŋ 22:18

də mazlalwõk nədaɗɗa əzaɓ aket ɗiy naka dələv gboŋgu, vi kəprəmək mawa.»

Va'Atəŋ 3:15

Wanəɗiy əseɓ a waloŋguk dət ɗakə, a weleŋgit kirtuk dit kirtita. Waklopnən kiyko, wakəbəl motokpotokpo tilti.»

Va'Atəŋ 49:10

Zleŋge na məlĩ azar na sə Yuda ɓa, may zleŋge na əssel sə walaŋ tələn ɓa, hã gap afən zleŋge adazzan sə Silo, anan ɗiy adaprəman mani.

1Milyeŋge 8:10

Adan məsdəlvəŋge agilyoŋ sə təki salala, slaybuwən aknəhək gədəv Gəla na Yawe,

1Milyeŋge 8:11

məza məsdəlveŋge dəɓap əziweŋ naɗɗa wəza net ɓa sən slaybuna, vi gagdak na Yawe aknəhək Gəla na Yawe.

2Alabaraɗe Də Mabərkiziti 5:14

Məsdəlveŋge dəɓap əziweŋ agəla wəza net əmpa ɓa sit erneneski, vi gagdak na Yawe aknahək Gəla na Maŋgəlva.

Gəlyaɗe 80:1

Səza daya net məyaŋgəlya, əpel na miziwe Asaf məyan də gaŋgara, gəlyanalva.

Gəlyaɗe 85:9

In tat əprəm mi Maŋgəlva Yawe adawpel di, vi tay əpel wən na: «Zazay» sit ɗiy nani gəm sit en dətafnəni, ya adamndoŋ addəv dərwa ɓa!

Isaya 2:19

Asna watoŋgoŋ addəv bətəŋ aggərma, addivit vovɗe ənzagəslne səba ədagədəv na Yawe faraɗa səza gagdak na məlĩ nan pay adawsilye əki geslne' aka dəlvafuŋ!

Isaya 60:4

Abbalan horok kiyuk tərwəslə, ya awla kirtuk pak tahəŋ əmilyoŋgu əkkal azoko. Tahəŋ əzzoŋ sə faraɗa, kirtuk muguluŋgit slək-slək a persleketi.

Isaya 60:7

Gilew na Kedar wakkalaŋ pak suko, ndergeyẽɗ sə Nebayot wassoŋ sukun naɗɗa əvəl nawzla kurmbuɗuku. Kawzaɓi-Maŋgəlva an nəŋgəl aka təki nawzaɓ Maŋgəlva naw dənɗaŋgə, wanərban gagdak na gagdak na gəla nawa.

Ezekiyel 21:27

Aka van dəzəŋ, zəga naska heliki, Yerusalem yi, “nawziwgit zəgeɗ nabzlu gəla adaka, kawtəŋ əlpa naŋgroɓ ɗiyi, kaŋsla vaŋvəl nalpa, kawziwgit zəgeɗ nabzlu gəla heret sek aket maddambeɗe, kakkpot təkiya, kawso' vov nawɗama.”

Ezekiyel 31:16

Nəzlahgənək mekret ɗiy-ɗar də ɓaɓəlma əɓzla nan pay nəprikgin a təki net ɗiy mimtit dit en dədeprikeŋ a vovu. Wəleŋɗe na Eden pak mekret azzayək addəv kpukpum na dəlvafuŋ: Wəleŋɗe məwele, en lelewɗe day na Liban, məs dəsaŋ iŋkile pakə.

Ezekiyel 38:19

Addəv kotorok nawa, addəv offo net herɗe nawa, nənah dəpas na, sessel, dəlvafuŋ waɓəl aka dələv na Israyel.

Ezekiyel 44:4

Ɗəf nak atoŋguwək də maddamba na kəla disiŋ, gap aba gəla na Maŋgəlva. In təm na, gagdak na Yawe yaŋka, aknəhək gəla na Yawe. In kup də ma gədəvwa.

Haggay 1:8

Yawe amna, məpeŋ aka mossorgo metiŋgini, məki wəleŋɗe, məmsak ərka gəla nawa: wanənan neki gəm wanərban gagdak nawa.

Malakiya 3:1

Yaŋ in tat əslən maslən nawa. Wazaɓan tive abawa. Gurzik na watoŋ addəv gəla na Maŋgəlva, mərbəzəga an kədawkayanəni, maslay na wənmiyna an kəŋglaŋgi, yaŋ əzzani, Yawe Məzuɓappak anahə.

Luka 19:47

Tay ərban wən pay pak addəv Gəla na Maŋgəlva. Ya ɗiy deyeɗe net məsdəlveŋge dit mərbaŋ-mahenziŋ gəm ɗiy tektek naweleŋgit. Akayaŋgək tive nawbayni.

Luka 2:27

Əmpəs areɗik addəv Gəla na Maŋgəlva. Adan migil Yesu akinənək vi kaɗɗa sən va mahenziŋ anahə,

Luka 2:46

Aka pay ma hoko'ən, arəhənək addəv gəla na Maŋgəlva, ɗewwe a weleŋgit mərbaŋ zəga. Ndən əprimti gəm əssõhẽti.

Luka 20:1

Pay maɓɓani Yesu tay ərban wən sit ɗiy addəv Gəla na Maŋgəlva, anah sitik alabara neneke. Deyeɗe net məsdəlveŋge dit mərbaŋ-mahenziŋ gəm ɗiy gugriɗ azzoŋko,

Luka 21:38

Ɗiy pak əzzoŋ bapummo azan addəv Gəla na Maŋgəlva vi kaprəmni.

Yohanna 1:14

Əpel nak akkpaŋgək ɗəf də gəɓa zəni, asanək də gəla a walaŋgəmə. Mulak gagdak nani, gagdak va na Karmalay dəknah də mbəlembəle gəm də gegesiŋ arah səza Afəni.

Galatiyen 3:8

An məverin awlak far na, Maŋgəlva wakkpaŋget ɗiy-ɗar təstəs də ətafa. Anah sənək Alabara Nenek vanəs far sən Abraham na: Ɗiy pak warahaŋ əzaɓ ammboko.

Kolosi 2:9

Vi addəv gəɓa zə Kristu gərak na Maŋgəlva asani.