Haggay 2:19 - Bible en Guidar

¹⁹ Zeŋve tay dəpəl a maha əmpa ɓa, vaski ɓa sa? Megezlembirke, sokoyo, tonzoku gəm hereme dayday duwaŋ ɓa. Ya təŋ dəpaŋka wanəɗɗa əzaɓa.»

Haggay 2:19 ပူးပေါင်းရင်းမြစ်များ

Va'Atəŋ 26:12

Isak azləgək aka dələvəska, arahək zəga na mabardaw əzva nan ndoɗoɗ ndoɗoɗu. Yawe aɗɗak əzaɓ akani,

Ɗerewel na Yob 39:12

Ɓəɓəluk akan kəmpa vi dəki sukgən hay noko, dəkkalan sukgən a kelle sa?

Gəlyaɗe 133:3

Va minɗe naka Hermon, məzupirkeŋ səket mossorgoɗe gugriɗ na Siyon. Adaki Yawe aɗi wən nawzaɓa: zeŋgile an faɗə!

Gəlyaɗe 84:12

Vi Yawe Maŋgəlva, pay yi, baray yi; Yawe tay əpsəm mbəlembəle də gagdaka, awzle məzudawaŋ aka təstəs-gərak də moggon ɓa.

Yeremiya 31:12

Wamilyoŋ də əŋzla vaŋvəl sən ənnek aket mossorgoɗe na Siyon; wazzoŋ zletete aka zəga na va Yawe: Haykəmari, mbazla na meketepe, mẽl məɗotun kakaŋka, gilewi gəm wasliɗe. Wassoŋ va guli net wəleŋɗe məpsən iŋkile; azəmaŋ na sãhã əmpa ɓa.

Yeremiya 31:14

Wanəbet məsdəlveŋge də səlhã, ɗiy naw wabaŋ də zəga vawa Yawe aɗiymani.

Yo'el 1:12

Megezlembirke aklaŋka, sokoyo tay əŋkəla; tonzoku, gogozlo, goɗoŋgoy, wəleŋɗe na guli pak aklaŋka. Wənnek arslək sə weleŋgit ɗiy.

Yo'el 2:14

Nawa dəsən di, kuzuŋ wappan wən nani, wapəl wəzaɓ dərɓagani, əvəl də mbazla nawpesl sən Yawe Maŋgəlva nokum.

Haggay 1:11

Nəɗɗak koloy aka dəlva, aket mossorgoɗe gugriɗe, aka haykəmari, aka mbazla na meketepe, aka mẽlẽ gəm aka zəga na mabardaw pakə; aket ɗiyi, zəgeɗ memeyẽɗi də aka ərah na wəza nokum pakə.

Malakiya 3:10

Məki makəlaw zəga nokum pak addəv gəla nawzaɓa. Zəga nawzəm dəsangən addəv gəla nawa. Əŋga məslu kan aka wənəska, Yawe Məzuɓappak anahə, kulanəŋgən an kpak nəkol ma disiŋ vikum də wəɗɗa zazay akokum diyɗa ɓa.

Matiye 6:33

Məkayan məlĩ na Maŋgəlva də təstəs nan daabəŋ, asna wapsukum zəgeɗis pakə.

Əmsak aka Mahenziŋ 15:10

Kəpsəngən dəmən də mokrok taka. Aka wəvəl nokəs na, Yawe Maŋgəlva nok waɗɗa əzaɓ nan akok addəv an kədaɗɗa də an kədaɗɗum naɗɗa pakə.

Əmsak aka Mahenziŋ 28:22

Yawe watarguko, waki wənsla akoko, mamalə, wəzla noffo, koloy, doŋgoyoŋ gəm muŋgusu, wazbokun hã is həhəyə.