Haggay 2:17 - Bible en Guidar

¹⁷ Nəraygənək wəza na vokum, də wəslən muŋgus, doŋgoyoŋ gəm ɓeɓrezleɗi, ya kəmulyoŋ azaw ɓa, Yawe aɗiyman na.

Haggay 2:17 ပူးပေါင်းရင်းမြစ်များ

Va'Atəŋ 42:23

Net dəsənnən na, Yosef tay əprəmni ɓa, vi məzuman ma tay ta' aka waleŋti.

Va'Atəŋ 42:27

A təki navoŋ aka tive na, taka səmmbet akol ma gabal nan kapsən əzəm sən koro nani, yaŋ awla koɓeɗ nani! Məɗiyit ama mazlambay nani!

Va'Atəŋ 42:6

Yosef iyi daya aka dələv vani, ndəni məzuvəl zoŋgoro sit ɗiy nadak pakə. Milmiŋgiɗ Yosef azzoŋko, appu'oŋ aban mirbizit afuŋ nisi.

1Milyeŋge 8:37

Pay may adaɗɗa, gəbaymərma adazzan, doŋgoyoŋ adampan haya, milif adaɗɗa, sesɓekeɗ dit zarayɗe adazzoŋgu, məzuzelɗe adampanən walaŋgəla-metiŋgin naka dəlva, zev wəray awandi pak, zev gəbaymərma awandi pakə,

2Alabaraɗe Də Mabərkiziti 28:22

Aka pay asan addəv ənziya tatwãhəs pak, məlĩ Akaz azbanək əggbak ma Yawe day ki lahəŋka:

2Alabaraɗe Də Mabərkiziti 6:28

Paysən may agəɗ aka dəlva, awaniɓa gəbaymərma, doŋgoyoŋ, muŋgusu, an zaray may deberzeɗek azziyaŋka, an meseŋgiɗit mə Israyelɗe asərŋgəslənək walaŋgəleɗe gugriɗ naka dələv neti, əray awandi də gbəgba awandi pakə,

Ɗerewel na Yob 36:13

Məs mambrayɗe tay əppanən zit addəv ədagədəva; akkamanən gala adaɓrukit ɓa.

Gəlyaɗe 128:2

Də hanza na mirbizuk kədawzəmgən kiyko. Əzaɓi azoko! Moggoni azoko!

Gəlyaɗe 78:46

Apsit zəga na mabardaw net sit heyɗeŋɗe, wəza an aɗɗaŋ sən zaray.

Isaya 28:2

Ɗəf gbogboŋ gagdak na Daya yaŋka, tay əvoŋgən zəga pak afuŋ də van va buwən maŋgalaw də ɓeɓrezle, gəm səmyã məraygən təkiya, va buwən maŋgalaw məmet iŋkile hã ənzoŋ lokloku.

Isaya 37:27

Ɗiy dəssoŋ adak tahəŋ vet ngalɓay-ngalɓayə, geslne armeke tahəŋ dit wil areti. Tahəŋ va kevile nawra, gəm va kəvile dəgil aket təgbalkeɗe, dədakla məza əsɓa ɓa.

Isaya 42:25

Ndəni aggbo' ədagədəv nan gəm gəgay nawgay aketi. Aɗisənək offo kiyit suləkə, ya dəsənən ɓa; azleke, ya dəɗinən aket ɓa.

Isaya 62:8

Də dəzəŋ nani, də va gbəgboŋ nani Yawe aswayək na: Nipsit na haykəmari nok ka zəga nawzəm net məzuzelɗe nok əmpa ɓa; molhõyeɗ asaŋ na mbazla na meketepe nok məs kəyə vinəŋ ɓa.

Isaya 9:13

Yas Daya arsla kiya də kutur sə Israyel kiva gogozlo gəm vəlar aka pay taka.

Yeremiya 3:24

Matuya na Ba'al, maŋgəlva net wil azanənək wəza net efiŋgiɗmə, gilew neti, wasliɗe neti, kirtit mezeŋgleket dit muguluŋgiti, far səka sawã namə.

Yeremiya 5:3

Yawe horok tay ɗəhərra ammba ula ədaw təstəs ɓa sa? Kərgeke, ya dəttəmanən azet va zəga ɓa. Kəkgrekke, aɓoŋgoŋguk dawtaf əzga'a. Aɓɓəlanənək heret day ki gərma, aɓoŋgoŋguk dawmilye azoko.

Amos 4:6

In nəkisukum sahã na zəga nawgul a borokum a walaŋgəleɗe gugriɗ nokum baymeti, gəm may addivit gəleɗe nokum, yaŋ kəmulyoŋ azaw ɓa, Yawe aɗiymani.

Haggay 1:11

Nəɗɗak koloy aka dəlva, aket mossorgoɗe gugriɗe, aka haykəmari, aka mbazla na meketepe, aka mẽlẽ gəm aka zəga na mabardaw pakə; aket ɗiyi, zəgeɗ memeyẽɗi də aka ərah na wəza nokum pakə.

Haggay 1:6

Kəzlgaŋgək diyɗa, ya məkkalan nan siɗikke kərahaŋgə; mənokum tat əzəmaŋgə ya kawbaŋ ɓa; mənokum tat əsaŋgə ya zukum appar ɓa; mənokum tat əguloŋgu ya zukum akkpaŋ kãh ɓa, ərah na məgəɗ wəza tay əmbat addəv taɓak mətilik gabbani.

Haggay 1:9

Mənokum tat əganən ka kərahaŋgən diyɗa, ya an məkkalən nan tay siɗikke: səza kəkannən eŋgil anokumda nəffu'uk səmyã akani. Vimi di? Yawe Məzuɓappak aɗiyman na: vi gəla nawa nan tay məɓzluwən, naway pak tay ətatrak aka ərka gəla nani.

Haggay 2:16

miy dədawrəhkumuŋ di? An ɗəf ambatək a mahã wəkay haykəmari, wəsla kaklaw sula na ndən ərah wəsla kəlawə; an ɗəf ambatək wəmbaɗ mbazla məɗawa kaklaw sle səddəv hiŋziw na ndən ərah kaklaw sula.

Malakiya 3:11

Wanətak zəga məzəm guli nokum, araygən na zəga na guli nokum ɓa gəm guli na megezlembirke nokum asan na ndarzlay ɓa, Yawe Məzuɓappak anahə.

Əmsak aka Mahenziŋ 28:22

Yawe watarguko, waki wənsla akoko, mamalə, wəzla noffo, koloy, doŋgoyoŋ gəm muŋgusu, wazbokun hã is həhəyə.

Hənhən 2:21

Nəpəl sətək tive təɗigən marava, ya təŋgəm kawɗi marava aka polkoyo nat ɓa.