Haggay 1:14 - Bible en Guidar

¹⁴ Yawe afɗahanək Zorobabel wətən Salatiyel, guverner na Yuda addəv əɗɗum nani gəm Yosuwa wətən Yosadak daya net məsdəlveŋge, gəm maɗɗulet ɗiy en dəppaŋ pakə: Azzoŋko, atəŋgən wəza addəv gəla na Yawe Məzuɓappak Maŋgəlva neti.

Haggay 1:14 ပူးပေါင်းရင်းမြစ်များ

1Alabaraɗe Də Mabərkiziti 5:26

Yaŋ Maŋgəlva na Israyel, asilgən maɗɗula Pul, məlĩ na Asiri, də maɗɗula Tilgat-Pilneser, məlĩ na Asiri, andek mə Rubenɗe, mə Gadɗe, də pəɗak na mahəlfa na Manase asimgit a Hala, a Habor, a Hara, gəm a ma məlpa metiŋ na Gozan, hã dəpaŋka.

2Alabaraɗe Də Mabərkiziti 36:22

Aka wəzva maddaabəŋ na Sirus məlĩ na Persiya, vi kaknahan əpel na Yawe sə ma Yeremiya na, Yawe akol sənək ki Sirus məlĩ na Persiya vi kawtəl ma may kawver dəver ənəh na:

Ezra 1:1

Aka wəzva maddaabəŋ na Sirus, məlĩ na Persiya, vi wəpel na Yawe dəgəɗgən va məskəleŋ Yeremiya apeli, Yawe akoluk kiy Sirus, məlĩ na Persiya, vi kawtəl ma aka dələv nan pak, gəm də əver wən nan vi kaprəman na:

Ezra 1:5

Yaŋ migil gəla na Yuda də Benyamin, məsdəlveŋge gəm mə leviɗe asilyoŋgu, məza kazzeken wən ɓa na, en məs Maŋgəlva akol kiyit nadda ərka Gəla na Yawe an dəsan a Yerusalem.

Ezra 5:2

Zorobabel, wətən Salatiyel, gəm Yosuwa, wətən Yosadak, atəŋgənək ərka Gəla na Maŋgəlva a Yerusalem; məskəleŋɗe na Maŋgəlva tahəŋ əbbahaŋ sitini.

Ezra 5:8

Məlĩ dəsən na, məmbatək aka va na Yuda, addəv Gəla na Maŋgəlva metiŋ. Dit gərmeŋɗe məslmet adarkanəni, gəm dədəkeɗ gəsl gəsl addəvit en adarkaŋ veti. Wəza nan minya' minya' adawmbat aveti.

Nehemi 4:6

Mə Yudeɗ məs dəssoŋ də gəla a meŋgevet azzoŋguk ənah səm təl kəlaw dayday na: «Sə təki temtem an kedawmulyoŋ pak na, məde kəlazamə!»

Gəlyaɗe 110:3

Na mekret ɗiy noki yi gala gbogboŋ nok adarba də gagdak salala, gewleɗ azzoŋ azok va minɗe məs dəziyaŋ də bapummo.

Haggay 1:1

Wəzva masulan na Dariyus aka məlyã, aka əvoŋ maddaabəŋ na təla masləre'ən, Maŋgəlva aslənək məskəleŋ Hagay əpel sən Zorobabel wətən Salatiyel, Guverner na Yuda gəm Yosuwa wətən Yosadak, daya net məsdəlveŋge na:

Haggay 1:12

Ndəni Zorobabel wətən Salatiyel gəm Yosuwa wətən Yosadak daya net məsdəlveŋge də medembirgit ɗiy pakə aprəmən an Yawe Maŋgəlva net apeli, gəm əpel na məskəleŋ Hagay, va Yawe Maŋgəlva net asləna. Yas ɗiy ageslnesənən Yawe.

Haggay 1:15

Də əvoŋ kaklaw sula kiyən poɗo na təla masləre'ən addəv əzva masula'a na Dariyus aka məlyã.

Haggay 2:2

«Apel sən Zorobabel wətən Salatiyel guverner na Yuda gəm sən Yosuwa wətən Yosadak, daya net məsdəlveŋge də madembirgit ɗiy pak anah sit na:

Haggay 2:21

«Apel sən Zorobabel guverner na Yuda, anah sən na: Wanəɓlan disiŋ gəm dəlvafuŋ.

1Korintus 15:58

Vini, milmiŋgiɗu na makrawa, məssoŋ ɓəlɓələ, kədaɓlaŋ ɓa. Məddoŋ abe abe addəv wəza na Daya pay pakə, məsən na əzəm sahã nokum asan na ɗar addəv Daya ɓa.

2Korintus 8:16

Soko sən Maŋgəlva məs dəpsən əsok zə ɗəf sən Titus məstaka də an nam vikum.

Ibriɗe 13:21

dəkkpaŋgokum nawɓap əɗɗa an moggon pak naɗɗa əŋgla nani; dəɗɗa an nannek zən gesiŋ addəvəm də Yesu Kristu, məs gagdak asan ka nan na sete hã faɗə. Amin!