Gəlyaɗe 9:10 - Bible en Guidar

¹⁰ Yawe dəsan təki nawɗam na məsərmani, təki nawɗam pay nawzəm sahã!

Gəlyaɗe 9:10 ပူးပေါင်းရင်းမြစ်များ

2Samiyel 22:3

Maŋgəlva milɓe nawɗam naw adaki, baray nawi, gulom naska wəla nawi yi. Təki nawɗam nawa, ndəni məkõhgu səvet məsgagayɗe.

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

Gəlyaɗe 37:28

vi Yawe zəga də tiven aŋgələ, awndol ɗiy nan mogget ɓa, tay əget pay pakə, ya mazlãlwẽt məsdarawɗe wazə.

Gəlyaɗe 37:39

Əkõh net ɗiy təstəs səza Yawe adazzani, təki nawɗam neti yi pay na tatwahã.

Gəlyaɗe 5:11

Maŋgəlva, arban sit na araygənənka! An aɗɗumoŋ naɗɗa pak wazlbe! Arɓehet aka əɓoŋ net diyɗaŋka, vi aɓoŋgoŋ akoko.

Gəlyaɗe 57:1

Səza daya net məyaŋgəlya. Məyan də wəla məs adawyaŋ na: «Kəraygən ɓa.» Gəlyanalva səddəv gəlya na Davit. Gala adanzan səba Sawlu a bətəŋ.

Gəlyaɗe 91:14

Adan azaw asapə, wanəpəla, wanəɗi kiyən foŋgo, adan asənək iya nawa.

Wənməkkpaŋga 18:10

Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.

Isaya 25:4

Vi təki nawɗam net ɗiy məddekit, gəm net məzurayɗe kənani, an tahəŋ addəv tatwãha. Təki nawɗam sən buwən maŋgalaw kənani, zeŋgile nasa ammban sən əzla na paya. Vi ədagədəv net məsdarawɗe tay gədak va əzi na buwən maŋgalawə.

Isaya 45:19

Nəpel mahaɗama ɓa a təki məs guzli naka dələv ɓa. Nənah sən zev Yakob na dəkayawəngən addəv səmyã ɓa. In Yawe na, an təstəs nədawpele, an sarara nədarba.

Yeremiya 29:13

Wakəkayawəni ya wakərəhwəni vi wakəkayawən də mokrokum pakə.

Nahum 1:7

Yawe moggoni; təki nawɗam pay na tatwãhĩ. Asinik en dəɗamaŋ azani,

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

2Korintus 4:6

Maŋgəlva məs dənah na: Əkeɗeɗe wawiɗ ara guzliyo, ndəni dəwiɗ a makramə. Vi kawiɗgən əsən na gagdak na Maŋgəlva aka məɗahara Yesu Kristu.

2Timote 1:12

Vini nədawzəm sahãŋka. Ya wil aduwən na viyən ɓa, vi nəsənək ɗəf an nəɗi ətaf naw akani, nəsənək gesiŋ na tay də əɓap nawga zəga an məvay hã gap pay nawtaw wəna.

1Yohanna 2:3

Aza aski mədawsənən na məsənəka an mənam tat ərme mahenziŋɗe nani.

1Yohanna 5:20

Məsənka Wətən Maŋgəlva adeke, apsəmək maɗɗula vi məsəngən Maŋgəlva an gesiŋ. Ya mənam tat addəv Maŋgəlva an gesiŋ, addəv Yesu Kristu Wətəni, ndəni Maŋgəlva an gesiŋ gəm zeŋgile an faɗə.