Gəlyaɗe 51:16 - Bible en Guidar

¹⁶ Akõhgu səzet mbeli en nəggbo'u Maŋgəlva, Maŋgəlva məkõhguwa; hərzlumu dəpelgən təstəs noko.

Gəlyaɗe 51:16 ပူးပေါင်းရင်းမြစ်များ

2Samiyel 12:9

Vimi kəzelen əpel na Yawe kaɗɗa mbərayən ama haran di? Kəbayək Uri mə Hitti də masalam, is gəm əgəmət guluk nan ka guluk noko, ndən sən kiyən is bay əbayən də masalam net mə Ammonɗe.

Gəlyaɗe 40:6

Sekeneɗ dit wəzeɗe kərəm naɗɗa viməŋ na, diyɗaŋgə Yawe Maŋgəlva nawa! Ɗəf tay nawslan də is ɓa. Wanətəl ma, wanəpel wən neti, vi diyɗaŋgə, adayaŋgək ki naŋɗa.

Gəlyaɗe 50:8

Aka əzaɓ-Maŋgəlva nok nədawhõyok ɓa, əvəl nawzla kurmbuɗuk nok tay tepelle abawa.

Gəlyaɗe 51:6

Azoki, azok kaka' nəgəɗ mambraya, nəgəɗək zəga mbərayən ama horoko. Təstəsi an kəpelke, kawzelen suki an kətawək wən nan ɓa.

Gəlyaɗe 71:15

Maw wapel wən na təstəs noko gəm wən nawkõh nok pay pakə, nəsən na əŋɗa nan ɓa.

Əgilye 21:14

Ya an pepet agəɗ vi kawbay meggeni, dətoŋ a təki nawzaɓ-Maŋgəlva naw dayday na, mərma məbaya.

Wənməkkpaŋga 15:8

Əzaɓ-Maŋgəlva net məsdarawɗe daryawi ara Yawe, əkkam net ɗiy en təstəs na, neki azani.

Wənməkkpaŋga 21:27

Əzaɓ-Maŋgəlva məsdarawɗe azaɓaŋ pak daryawi yi, səsak an akiyənək də əɗɗum mbərayən.

Yeremiya 7:27

An kəpel sitik əpelɗes pakə; waprəmkun ɓa; an kiyeke, wazlanaŋ sukun ɓa.

Hose'a 6:6

Ulasahã nəŋgələ, əzaɓ-Maŋgəlva yi ɓa, gəm əsən Maŋgəlva nəŋgəl dayki əvəl nawzla kurmbuɗuku.

Əŋɗa 15:27

An ɗəf taka dəɗɗa heslepe məza wa' ɓa na, dəkigən hãw na wəzva taka ammba əzaɓ-Maŋgəlva vi mambraya.

Əŋɗa 35:31

Kədawtafaŋ zəga nawbit ki məbaygəbay məs dədah namta ɓa; əbayi nawbayən zamə.

Əmsak aka Mahenziŋ 22:22

An məggbati aka ɗəf dawvoŋgət guluk nammba zile, adahək wəbeyit sulegiti, ɗəf an dəvoŋgəta dət guluk vat zəknat pak wəbeyti. Vaski kədawgilgin mbərayən sə Israyel.

1Samiyel 15:22

Samiyel amna: «Əvəl nawzla kurmbuɗuk də an nawda Yawe aŋgəl day ki əprəm ma Yawe sa? Vaski ɓa! Əprəm ma aŋgəl day ki əzaɓ-Maŋgəlva, əɓe'gən kiya day ki səlhã net ndergeyẽɗi.