Gəlyaɗe 43:3 - Bible en Guidar

³ Aslən əkeɗeɗe'e gəm gesiŋ noko. Dərban suwəngən tive, wagapguwən aka mossorgo metiŋ nok salala, gəm a təki nassa nok temtemi!

Gəlyaɗe 43:3 ပူးပေါင်းရင်းမြစ်များ

2Samiyel 15:20

Na dəfɗaŋga kəde, yaŋ dəpaŋ nədagdohõk də mənam ɗar in sən kiyu nəsən təki an nədaddaw ɓa. Amili, amndeget milmiŋgiɗko. Yawe dəɗɗa suk moggon nan də wəzaɓ nani!»

2Samiyel 15:25

Məlĩ anah sən Sadok na: «Amndan akoti na Maŋgəlva a walaŋgəla-metiŋ. An Yawe wagəɗ su moggon na, wamndaw kawlani gəm təki nassa nani.

1Alabaraɗe Də Mabərkiziti 16:1

Akiynənək akoti na Maŋgəlva, aɗiynən addak gizlirke məs Davit ampə səni, sissiŋ adaŋ əvəl nawzla kurmbuɗuk gəm əzaɓ-Maŋgəlva nawrəh zazay aba Maŋgəlva.

1Alabaraɗe Də Mabərkiziti 16:39

Davit appanək məsdələv Sadok dit məsdəlveŋge en milmiŋgiɗin aba təki nassa na Yawe, addəv gəla-na-tuya na Gabawən,

1Alabaraɗe Də Mabərkiziti 21:29

Təki nassa na Yawe məs Moyis agəɗ a kapta-muyã gəm təki nawzaɓ-Maŋgəlva naɗɗa əvəl nawzla kurmbuɗuk dəpas na aka gəla na tuya na Gabawən nəŋgə.

Gəlyaɗe 119:105

Əpel nok lalam iyi ammba təlwa, əkeɗeɗe aka tive nawa.

Gəlyaɗe 143:10

Ayagaw əɗɗa wəŋgla noko, vi istə Maŋgəlva nawa. Əmpəs nok moggoni, dəkugən aka təki məpəlayya!

Gəlyaɗe 2:6

«Naw nəɗiyək məlĩ naw aka Siyon mossorgo metiŋ salala nawa.»

Gəlyaɗe 3:4

Nok baray naw kənan hara Yawe; gagdak naw kənani, is kədawsilgin kiywa.

Gəlyaɗe 36:9

Tahəŋ əbaŋ də waynabaya sənokda, iŋkile nenek na məlpa nok kədapsiti.

Gəlyaɗe 40:11

Nəɗaman təstəs nok a makraw ɓa, nəpelik aka gegesiŋ nok gəm əkõh kəvayə. Aba əkkal metiŋgini, nəɗaman moggon nok də gegesiŋ nok ɓa.

Gəlyaɗe 42:4

Kapay də dəfəɗ pak sin nawəŋgə way nawa, adan adawnahaŋ suwən pay pak na: «Ŋgay Maŋgəlva nok di?»

Gəlyaɗe 46:4

an iŋkile net tay əbayaŋ gagay maslsla tay aketi, mossorgoɗe gugriɗ əɓlaŋ gəm əɓzlaŋgə. Əziwe

Gəlyaɗe 57:3

In tat əhəm sən Maŋgəlva Məsəɗəɗə, sən Maŋgəlva məgəɗ su moggoni.

Gəlyaɗe 57:4

Sə disiŋ adawslən əkõhguwa, arbəsənək wil sən məzusər mawa, Maŋgəlva waslən moggon nan də gegesiŋ nani. Əziwe

Gəlyaɗe 78:68

Awelik mahəlfa na Yuda, mossorgo metiŋ na Siyon məs aŋgələ.

Gəlyaɗe 84:1

Səza daya net məyaŋgəlya; məyan də gəzləŋtəndəŋ na mə Gat. Kirtin Kore, gəlyanalva.

Gəlyaɗe 97:11

Əkeɗeɗe tay əkekeɓe' vi ɗəf təstəsə; ənnek tay viyit ɗiy en mekret barə.

Mika 7:20

Wakərban moggon nok sən Yakob gəm moggon nok sən zəv Abraham va kəsway sit efiŋgiɗəm aka far lahəŋka.

Mika 7:8

Məzuzelwa, kənnek aka an dərəhu ɓa! Nəskot zlaŋ na wanəsili! Nəsaw arah guzli zlaŋgə, Yawe yi əkeɗeɗe nawa!

Yohanna 1:17

Vi də va Moyis mahenziŋ ade, mbəlembəle də gegesiŋ tam azzoŋ dəza Yesu Kristu.

Yohanna 1:4

Azani zeŋgile asani, zeŋgile van dəki əkeɗeɗe aket ɗiyi.