1 Səza daya net məyaŋgəlya. Gəlyanalva na Davit.
Apsitik məssehẽŋɗe də van viŋŋge: təstəs nan tay hã faɗə, wadaŋ kiyən də gagdaka.
Yawe tay go'o dit ɗiy məzəmaŋ sãhã, tay əkõhgit ɗiy məs zit baybayə.
Arbaŋ na wil pay nawray ɓa, wabaŋ pay na mayã.
Pay pak tay ula sasẽhit ɗiyi, tay əpsit dəmna, əzaɓ tay aket kirtini.
Ɗəf dəzel ɗəf na, agəɗək mambraya; ya an dəwəl sahã aka məssahã, əzaɓ tay viyən.
Herɗe na məlĩ na, maslən na əmtaŋgə! Ya ɗəf məsmaɗɗula waffeteti.
Dəwəl sãhã aka məssãhã na, dəmən apsən Yawe, wapsən zəga navan.
Aɗɗumon an dəzəməɗuk pay kədawman zuk na gawla, tak əzza na pay daryaw gəm əzva məs kədawnah na: Nattəman moggon nassa addəv ənziya egge ɓa.
Pay nani wanəkõhguko Yawe aɗiymani, kappoki avet ɗiy məs kədawgeslne sit ɓa.
Məssehẽŋɗe tahəŋ də munokum pay pakə, wakəɓapən wəɗɗa sit mogon pay kəŋglaŋ pakə. Ya naw na, kərəhwən na pay pak azokum ɓa.
Zəga pak nərban sukumko, də tatwãh adah nabbah sit ɗiy məddekti, də əɗɗumon əpel na Daya Yesu, vi ndən sən kiyən anahək na: Ənnek addəv əvəli dayki addəv ərəh zəga.
Məssehẽŋɗe kaka mədaɗɗum aketi, ndəni vani yi'e nəgəɗ də kakara.
Mənam tat əkkamokum milmiŋgiɗwa, məhayet mətampəlɗe, məsəɓ sit ɗiy məs makret məmtəni, məbbah sit ɗiy məddekti, məɓəs wən net ɗiy pakə.
Maŋgəlva mbərayni ɓa, azgət na ki wəza nokum ɓa gəm əŋgla məs kərbanən aka iya nan kəbbahaŋ sit ɗiy salala lahəŋka hã gap kakaŋkəŋka.
Vi ɗəf məs awla sahã aka ɗəf ɓa, Maŋgəlva pak watawwən akan məza ulasahã akan ɓa, ya an kawla sahã aket ɗiyi, asna nok pak wən armuk na ɓa.
Vi kərmak əpel naw də əsok zuko, naw pak wanəguk pay na tatwãh məs dədazan aket ɗiy pak vi kawsle ɗiy naka dəlvafuŋgu.
Atət təɓsət na: «Aŋga kəffek dəpaŋ di? Aŋga kəgəɗ wəza di? Əzaɓ dəsan aka ɗəf məs dəzgə sləma akoko!» Yaŋ təŋɗan ɗəf məs təgəɗ wəza ananda sət atəta; təɓsət na: «Ɗəf məs nəgəɗ wəza dəpaŋ ananda van iya nan na Bo'ez.»
