Gəlyaɗe 4:5 - Bible en Guidar

⁵ Məkkeri, kədaɗɗaŋ mambray ɓa hara; məpel a mokrokum aka zəga nawvoŋ nokum, məssoŋ sləɓəkə. Əziwe

Gəlyaɗe 4:5 ပူးပေါင်းရင်းမြစ်များ

2Samiyel 15:12

Absalom slən aza Ahitofel mə Gilo mətawan wən na Davit, sə walaŋgəla nan a Gilo, gala adawtaw wəla zəga amatuya. Wəslerma ambatək abe, ɗiy diyɗa dəddoŋ ammba Absalom.

Gəlyaɗe 2:12

məɗi ki muzliya; vas ɓa wadəgədəva, wakəzaŋ aka tive, sən wən siɗikke wadə gədəva! Ənnek azet ɗiy en dəɗamaŋ azani.

Gəlyaɗe 26:1

Səza Davit. Ataw su wən nawa Yawe, vi aka təstəs nədawdawa, sən Yawe nəppan makrawa, nəɓəl na ɓa.

Gəlyaɗe 37:3

Aɗi əɗɗum nok aka Yawe, agəɗ moggoni, kəsokgən aka dəlva, kəssokgən zayə;

Gəlyaɗe 50:14

Afet aka Maŋgəlva a gəla əzaɓ-Maŋgəlva, gəm aɗɗa an mok aynə sən Məsəɗəɗə.

Gəlyaɗe 51:19

Əzaɓ-Maŋgəlva məs Maŋgəlva aŋgəl na, maɗɗula an lumbu'lumbu'u. Maŋgəlva, kəzelen na makra ɗəf an lumbu'lumbu' gəm məvoŋgən kiyən ɓa.

Gəlyaɗe 62:8

Aza Maŋgəlva yi əkõh də gagdak nawa. Milɓe naw an gboŋgboŋgu, təki nawɗam naw aza Maŋgəlva yi.

Gəlyaɗe 77:7

Dəfɗa, in əɗɗumon gəlya nawa, ndən əzzan aka maɗɗulawa, in əɗɗum akan gəm ənəh na:

Isaya 50:10

Naway suwalaŋkum məzugeslne sən Yawe di? Dəprəm ma gawla nani. Naway məs dədaw ara guzliyo, məza ndən gas təki we'we' ɓa di? Dəppan kiyən addəv iya Yawe dəges aza Maŋgəlva nani!

Isaya 61:8

Vi in Yawe, wən an tətəs nədaŋgla, naŋgla zəga məhãlən addəv əvəl nawzla kurmbuɗuk ɓa. Wanəpsukum zəga na vokum gesiŋgesiŋ, waniynan wənmiyna an faɗ də mənokum.

Malakiya 1:8

Ya an kəkiyaŋgək zəga mamayã daŋgar vi matuya na, as mbərayni ɓa sa? Ya an kəkiyaŋgək zəga mamayã vədal gəm məsgbəgba'a as nan mbərayni ɓa sa? Əŋga kamə apsən sən guverner nok ɗa, zən wasan nek də is sa? Watafuk də ulasahã akok sa? Yawe Məzuɓappak anahə.

Matiye 5:23

An kəkak əvəl nok a matuya, yaŋ kəɗɗumon adak na məlmuk tay də wən də isi na,

Əmsak aka Mahenziŋ 33:19

Wayenin ɗiy aka mossorgo, kawzaɓ-Maŋgəlva an dəslə adaka; vi warahaŋ arya sə pehe, gəm arya na sləma məɗemet ammba hoyoŋko.

1Piyer 4:19

Vasna, məzəmaŋ sahã dəka əŋgla na Maŋgəlva dəzbanən əɗɗa moggoni, dəppanən zeŋgilet ava məs dəzəməɗ zəga, akkpaŋgan man ɓa.