8 Wanəyogoko, wanərban suk tive məs kədazba, wanəpsuk pepete, wanəzi haraw akoko.
Nəgdukuko, nəppu'uk aba Yawe; nəfetik aka Yawe, Maŋgəlva na Abraham daya nawa, dəku aka tive an təstəs nawgəmət wətən məlmən daya naw sən wətəni.
Maŋgəlva yi təki nawɗam naw an gədakə, tay əntar tive an gərakə.
nok, kəprəm sitgən sə disiŋ, kəvvuyon sitgin mambray net belemɗe noko gəm net ɗiy nok mə Israyelɗe, kərban sitgin tive moggon an adazbaŋgə, kəziygən buwən aka dələv nok məs kəpsit ɗiy nok ka neti.
Aprəman su əɗɗa moggon nok də mompummo ləŋgə, vi akok nədawbay vawa. Arban su tive nədaddawa, vi azok nəbay zuwa.
An ɗəf tay əgeslne' sən Yawe, nan warban sən tive an adawele.
Hara Yawe yaŋ aket məgeslne'eŋ sənəni, aket məzuganən moggon nani,
May warme kirtit ɓooliɗi, wassoŋ də wəray na zəga nawzəma net məkayanən Yawe hara na, zəga tay nakkpap aket ɓa.
Wətuwa, kədazgət ki ərba naw ɓa, mokrok dərme mahenziŋɗe nawa.
Aŋki an Yawe məzukõhguk, Salala na Israyel anahə: Intə Yawe, Maŋgəlva noko. Intə məzuyogok ka kəndərehgəni; intə məzədawguk aka tive məs kədazba.
May ade na ɓa, meme adetin na ɓa. Təki kakãh aɗɗe na ɓa gəm kəɓak-kəɓak na pay ɓa. Vi ɗəf məzula sahã aket wadawgiti, wake a met iŋkile miyma.
An slaybuwən anziyək aka təki nassa pakə, dəsan əvoŋ sula may təla awaniɓa ənziya diyɗa zlaŋgə, mə Israyelɗe əssoŋ dikke awmbataŋ ɓa; an slaybuwən aslanək zəni, ndəɗaŋ əmbataŋgə.
Məslan zuk naw akokum, məyak azawa, vi zay nani, makraw barə, wakərahaŋ əffet na zeŋgilokum.