Gəlyaɗe 27:6 - Bible en Guidar

⁶ Ya kakaŋ na, wəlaw tay ɗiliwwe aket məzuzelɗe naw məs dəkaraŋ kiywa. Wanəzaɓ-Maŋgəlva addəv gizlirke nani, əzaɓ-Maŋgəlva də wəɗɗəla, wanəyə gəlya, a nəlvan Yawe.

Gəlyaɗe 27:6 ပူးပေါင်းရင်းမြစ်များ

Va'Atəŋ 40:13

Addəv əvoŋ hoku əmpa na, Farawən waɗi kiko wamndogok a gəloko. Wakəpsənət huloŋguk na zəga nawsa nan va kədapsən lahəŋka.

Va'Atəŋ 40:20

Pay mohokon nak agapə, pay wəzləra nawwa na Farawən, agəɗək waynabaya sit məɗɗaŋ wəza nan pakə, akiyik ɗiy gugriɗ nawzəm də an nawsa neki.

2Samiyel 22:1

Davit pel sən Yawe də əpel naddəv gəlyaŋka, gala Yawe akõhgən səvet məzuzelɗe nan pak gəm səva sawlu.

2Samiyel 22:49

Is tat əmõhu səvet məzuzelɗe nawa, səvet məzusilyoŋ akawa, gəm is tat əkõhgu səvet məsgagayɗe.

2Samiyel 7:9

Nəsawək də is a təki kəmbat pakə: nəzetik məzuzelɗe nok səbok pakə, wanəgilgin sləmok va ɗiy gugriɗ en naka dəlvafuŋ.

2Milyeŋge 25:27

Aka əzva makaklaw hoku kiyən buhul səza məka Yoyakin məlĩ na Yuda aka balam, aka təla makəlaw kiyən sula də əvoŋ kaklaw sula kiyən buhul na təla, Evil-Merodak məlĩ a Babilon, aka əzva an agəm məlyã, awlak sasãh Yoyakin məlĩ na Yuda, agilgin sə fərsəna.

1Alabaraɗe Də Mabərkiziti 22:18

«Yawe Maŋgəlva nokum tay də mənokum ɓa sa? Dəffetekum dahã dahã pak ɓa sa? Vi apsiwik ɗiy naka dəlvəŋ məs məvoŋgən kiyən aba Yawe gəm abet ɗiy nan ammba vawa.

Gəlyaɗe 107:22

Dəzaɓaŋ-Maŋgəlva nawɗikiya, gəm dərbetin wəzeɗe nan də wəɗɗəla nanneke.

Gəlyaɗe 110:7

Sə lolohõ adawsa iŋkile tive tive, vini adawsilgən kini.

Gəlyaɗe 119:108

Kamə ataf əvəl na əkkam nawa Yawe, ayagaw wətawwən nok temtemi.

Gəlyaɗe 138:5

Dərbetin tiveɗ na Yawe də gəlya: «Vi gagdak na Yawe metiŋgini!

Gəlyaɗe 21:1

Səza daya net məyaŋgəlya. Gəlyanalva na Davit.

Gəlyaɗe 21:13

vi wakərɓeheti, wakuhẽt herɗe nok aketi.

Gəlyaɗe 3:3

diyɗaŋ məzupeleŋ akaw na: «Wəkõh nan tay aba Maŋgəlva ɓa!».

Gəlyaɗe 3:4

Nok baray naw kənan hara Yawe; gagdak naw kənani, is kədawsilgin kiywa.

Gəlyaɗe 47:1

Səza daya net məyaŋgəlya. Gəlya net kirtin Kore, Gəlyanalva.

Gəlyaɗe 57:8

Asɓan makrawa Maŋgəlva, asɓan makrawa, wanəyə gəlya, wanəlvə.

Gəlyaɗe 81:1

Səza daya net məyaŋgəlya, na Asaf məyan də gəzləŋtəndəŋ sə Gat.

Gəlyaɗe 95:1

Məde! Məŋgəzl səm vaŋvəl nannek sən Yawe, mətibiren səm milɓe nawkõh namə;

Isaya 12:6

Ɗiy na Siyon, mərban ənnek nokum, məŋgəsl vaŋvəl sən ənneke, vi Salala na Israyel metiŋgini yi, awalaŋkum.

Yeremiya 31:7

Vi vaŋ Yawe anahə, məŋgəsl vaŋvəl nannek sən Yakob, mənnek babyak-babyak sən daya naket dəlveŋge, mərban ənnek nokum, məgagdakani, mənah na: Yawe, akõhgit ɗiy noko, madambirgit na Israyel.

Yeremiya 33:11

gogoyo na əpepɗeke, gogoyo na ənneke, gəlya na məɓel gulku də əɗɗəla nat məɓelta, wəlet ɗiy məzunəhaŋ na: məɗi ki Yawe Məzuɓappakə, vi Yawe moggoni yi, vi moggon nan hã faɗi yi. Kaprəmi wəlet məkiyaŋ zəga nawfet addəv gəla na Yawe. Vi wanəzaɓan wən na dəlvəŋ va asan lahəŋka» Yawe anahə.

Zakarya 9:9

Anneken zuk diyɗa, waŋ na Siyon! Aɗɗəl nanneken zuko, waŋ na Yerusalem! Məlĩ nok yaŋ tay əzzan azoko; təstəsi yi gambaray, avoŋgənək kini, apeŋgik aka koro, aka wət koro.

Ibriɗe 13:15

Də iya na Yesu, məpsən səm əvəl nawɗi kiya sən Maŋgəlva məza əppan gabban ɓa, va ənəh na əpel na mam məzuya iya nani.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

Hənhən 15:3

Tahəŋ wəyaŋ gəlya na Moyis məgəɗ wəza na Maŋgəlva, gəm gəlya nat ndargayãkə na Maŋgəlva, ənahaŋ na: Wəzeɗe nok gugriɗəŋ, nawsimiŋgə, Daya məlĩ Maŋgəlva. Tiveɗ nok təstəsəŋ gəm gegesiŋgəŋ, Məlĩ net ɗiy-ɗarə.

Hənhən 5:9

Yaŋ adawyaŋ gəlya meleketeni: Istə kəgap nawgəm ɗereweləŋka. Gəm nawhok tampoŋɗe nani, vi mətawni wəloko, kəmetik ɗiy sən Maŋgəlva dit mbel nok səddəv mahəlfa pakə, səddəv ma pakə, də zemvit ɗiy temtem pakə.