2 Yaŋ amna: Nəŋglukuko Yawe, gbogboŋ naw kənani.
Maŋgəlva milɓe nawɗam naw adaki, baray nawi, gulom naska wəla nawi yi. Təki nawɗam nawa, ndəni məkõhgu səvet məsgagayɗe.
In tat əŋglu Yawe, vi tay əprəm wəlaw dəkkamani,
Adaki nədawgilgin mohõ Davit, nəɗiyək lalam ta' sən mesiya nawa.
Ndəni baynawa, gbogboŋ nawa, təki nawɗam naw gəm məzupəlwa, naw na, baray nawi yi, aran nədawɗama; tay əvoŋgən kiyit ɗiy naw ammba vawa.
Azargən balam nok səret məɗiyaŋ kiziti: adaskanən wəlaw ɓa, vasna, wanəsaw təstəsə, wanəsaw maw bartata səza mambray diyɗa.
Səza Davit. Yawe, anok nədawya. Milɓe nawa, kəsuk sləmok su ɓa! Vi an kəsokuk ɓatɓat su na, wanəsaw va məpurkoŋ addəv vov kpukpumo.
Maŋgəlva məgəɗ moggon tay əzzan abawa Maŋgəlva dədarbet su məzusekeɗwəni.
Aza Maŋgəlva na wanəsaw fendeŋgi, əkõh naw səzan adazzani.
Vaski, ndəni milɓe nawa, əkõh nawi gəm təki nawɗam nawi. Nəkker na ɓa.
Naw wanəbbalan wən nan pay pakə, wanəlvan Maŋgəlva na Yakob məzunəh na:
Wanənah aka Yawe na: «Təki nawɗam nawi, korgu nawi, Maŋgəlva nawi: akan nəɗi əɗɗum nawa!»
Də deɗeken adawzaɓ təki nawɗam noko, wakəɗam ammba perslekeni. Gegesiŋ nan baray yi gəm lukut-na-təbzi.
Gbogboŋ naw də gəlya naw na Yawe yi. Əkõh naw na Maŋgəlva yi. Wanəgagdakan Maŋgəlva net afiŋgiɗwa də wəɗi kini.
Iya na Yawe na, gəla gboloŋgboloŋ məɓayən nawɗam addəvni yi. Ɗəf an təstəs adak adanzan əssan kiyən foŋgo.
Ɗiy en təstəs na, tay əpsit əsən aka an naɗɗa. Tay va baray sit ɗiy en mekret barə.
Nawaydi pak səret wasan, va təki nawɗam sən barkataŋ va zlava aba buwən maŋgalaw, va iŋkile mədawaŋ aka təki məklakani va zəŋgile milɓe gagdak aka dələv məs pay adazla sla'sla'.
Yawe istə gbogboŋ nawa, təki nawzeŋ nawa, təki nawɗam naw aka pay na tatwãha. Azoki ɗiy-ɗar adazzoŋ hã səket meŋge na dəlva. Wanahaŋ na: Uwawəni kaka' efiŋgiɗim armaŋgə awziweŋ aka wən taka ɓa tay an nawtər wəray azet ɓa.
Gəm anah əmpa na: Akan nəɗi əɗɗum nawa. Gəm əmpa na: In yakəŋkə, in dit kirin məs Maŋgəlva avayə.
