Gəlyaɗe 17:3 - Bible en Guidar

³ Kəkkesenək makrawa; də dəfəɗ kəkkosoni; kəsluwəka, tay an kərah azaw ɓa. An nəɗɗum dəgil sə maw ɓa.

Gəlyaɗe 17:3 ပူးပေါင်းရင်းမြစ်များ

1Alabaraɗe Də Mabərkiziti 28:9

Ya nok is wətu Salomoŋ na, asən Maŋgəlva na afuko, agəɗ sən wəza mokrok paparə, də megenegene zuko, vi Yawe tay əkkesen mekret ɗiy, tay uɗakan əɗɗumɗe pakə. An is tat əkayani, wappan suk zən kərəhgəni, ya an kəppanəka, nan wazgok faɗə.

1Alabaraɗe Də Mabərkiziti 29:17

Maŋgəlva nawa, nəsənəka, kakkesen makra ɗəfa, əssa təstəs kədaŋgla, naw makraw papar nəzi zəgeɗiŋ pakə, kakaŋ na ɗiy nok en neŋkiŋ in tat ulet əkisukun əvəl də zit nek mekret taka.

Ɗerewel na Yob 23:10

Vi asənək tive an nawa, an asləwək va adawslaŋ meleŋge, wanəgil saksakə.

Ɗerewel na Yob 24:14

Məbaygəbay wasil tak təki əddaŋga, wabay məssahã gəm məzuraya, də dəfɗa tay va məhala.

Gəlyaɗe 11:5

Yawe tay əɗi ki ɗəf təstəsə; tay əzelen məsdaraw gəm məs dəŋgəl gagay.

Gəlyaɗe 119:106

Nəswayka, nəmpak təlu narma wən temtem məs kətaw də təstəsə.

Gəlyaɗe 139:1

Səza daya net məyaŋgəlya; gəlyanalva na Davit. Yawe, kəkessenək an nazawa, kəsənka,

Gəlyaɗe 139:23

Maŋgəlva! Akkesen an nazawa, asən makrawa; asluwa, asən əɗɗumɗe nakawa.

Gəlyaɗe 16:7

In tat əfet aka Yawe, məzəzga' suwa, də dəfəɗ dayday əɗɗum na makraw tay əssak suwa.

Gəlyaɗe 26:2

Asluwa Yawe, awla nazawa, akkosson əɗɗum nawa gəm makrawa.

Gəlyaɗe 39:1

Səza daya net məyaŋgəlya, səza Yedutun. Gəlyanalva na Davit.

Gəlyaɗe 66:10

Aw Maŋgəlva, kəsləməka, kəsləmək va adawslaŋ təbəz babara.

Gəlyaɗe 7:4

Yawe Maŋgəlva nawa, an nəɗɗak zəgaska: an mbərayən tay a dakgrakay vawa,

Wənməkkpaŋga 13:3

Ɗəf məzərma man na, zeŋgilen adawga, mə wowo na, əray tay viyən.

Yeremiya 12:3

Kəsənwəka Yawe, is tat uluwa, is tat əkoson makraw an tay də isi. Net aɗi temme va timeŋgiɗ nawfoto, azi sek əga pay nawtaw wəleti.

Yeremiya 50:20

Əvoŋ nan aka pay dəpaska, Yawe aɗiymani: Kawkayani heslepe na Israyel ya kawrahi ɓa, gəm mambray na Yuda, zəga tay mərəhən ɓa. Vi wanəvvuyoŋ sən ɗəf an nədambra pakə.

Hose'a 7:6

Vi azaraŋgək go'o va offo na movoro, mekret tay aka əvoŋ tive neti: ədagədəv net kim gippe; də mompummo na tay əzla va hərzləm offo.

Mika 2:1

Tatwãh aket məɗɗumoŋ mbərayən, məslanən zit aka zəga nawvoŋ net kaɗɗa mbərayən, təki əddaŋ na, ndəɗaŋ əɗɗani, vi tahəŋ də gagdak naɗɗani.

Zakarya 13:9

Wanətoŋgən taka naret hokuŋ dəka offo, wanəhəs va adawhəsaŋ təbəz babara, wanəsla va adawslaŋ meleŋge. Nan waya iya nawa, wanəprəm səni. Wanənah na: «Ɗiy nawəŋgə», net tam wanahaŋ na: «Yawe yi Maŋgəlva nawa.»

Malakiya 3:2

Naway nawɓap pay nazza nan di? Naway nawsan ziwwe pay adarban zən di? Vi tay va offo məzuhə̃s zəga, va sapuna na məzəskoɓo.

Wəza net Masləŋɗe 11:23

Adan agapə, awla mbəlembəle məs Maŋgəlva agəɗ siti, zən anneke, yaŋ asɓet pak dəziwginingən a mekret nasso faɗ də Daya.

Wəza net Masləŋɗe 16:9

Ula adesənək Pol də dəfəɗ nani, awələk ɗəf na Makedoniya tay ziwe adak əkkaman dawnəh na: Atoŋ kəla Makedoniya, ade əbbah səmə.

1Korintus 4:4

Makraw tay əɗi su heslepe ɓa, ya də as pak na salala nan an faɗ ɓa: Ɗəf an nawtawwən akaw na Daya iyi.

2Korintus 1:12

Vi zəga nawkaɓ nam na, ndəni an əɗɗum na makram adarba, məsamək egge, sasak a walaŋkum də moggoni gəm də təstəs na Maŋgəlva məza əziw aka maɗɗula na ɗəf titir abbər aka mbəlembəle na Maŋgəlva ɓa.

Yakob 3:2

Mənam pak mənam tat əraygən wən pay pak də tive temtem diyɗa. Ɗəf məs awraygən wən də wəpel nan ɓa, nan ɗəf moggoni sawɓa, asənək ərma zən səza mambray pakə.

1Piyer 1:7

Vi ətaf nokum məs məslan dəsan na sləma dayki meleŋge məs dəsan zəga nawray məslan də offoŋ dərahgən əɗikiya, gagdaka gəm sləma pay Yesus Kristu adarban zəni.

1Samiyel 24:10

Davit anah sən Sawlu na: «Vimi kədaprəm met ɗiy, dədawnahaŋ sukun na, Davit yaŋ əkayan suk mbəraynəŋ di?

1Samiyel 24:12

Əbba nawa awla, awla gabba lukut nok avawa. Vi gala nətaw gabba lukut nok na, nəboyuk ɓa, asəna, awla na maw tay aka əgəɗ suk mbərayən də wəɓoŋ akok ɓa, nəgəɗ suk mambray ɓa. Istə kədawtakaw kawzan zeŋgilew dərəŋgə.

1Samiyel 26:11

Yawe dətaku ka nəgəmgən vaw aka mesiya na Yawe. Ya kakaŋ na, agəm tulhõ na disiŋ kiynəŋka, də bəbər net iŋkile nam məlgəni.»

1Samiyel 26:23

Yawe dəfaɗ sən ɗəf pak aza təstəs nan də əssa ŋgbak nani. Dəpaŋ Yawe apsukwək avawa, nəŋgəl əzan zeŋgilok ɓa, nəŋgəm əslan vaw aka mesiya na Yawe ɓa.