Gəlyaɗe 146:9 - Bible en Guidar

⁹ Yawe tay əge molhõyẽɗi, tay əbbah sən mitiwe dət gagəbaya, tay əslokoron tive net məsdarawɗe.

Gəlyaɗe 146:9 ပူးပေါင်းရင်းမြစ်များ

2Samiyel 15:31

Davit anahə, amna: «Ahitofel tay aret ɗiy en dəslerin met də Absalom.» Davit amna: «Yawe, in tat əkkamoko, adərwa'an pepet na Ahitofel!»

2Samiyel 17:23

Adan Ahitofel awla pepet nan an atawan mulani va wən ɓa, aynan mazaŋga na koro nani, amndan ananda, a walaŋgəla-metiŋ; yaŋ aman man sit ɗiy neŋgil ananda, ndən zən lawə, zamə. Məndəkni addəv magamas na afəni.

Ester 5:14

Yaŋ Zeres guluk nani gəm beyneŋgiɗin pak aɓsənən na: «Ɗiy dəzaɓaŋ wəlaŋga məs əɓay nan metər kaklaw sula kiyən sle'i, də pummo na, kənah səngən məlĩ dəlawəngən Mardokay van akani, kedegən əzəm waynabaya də məlĩ də zuk neki.» Əpel van asanək nek aza Haman, yaŋ azaɓ wəlaŋga vani.

Ester 7:10

Alawənək Haman aka wəlaŋga an azaɓ ammba Mardokay naka. Yaŋ kan herɗe na məlĩ affeteŋgi.

Ester 9:25

Səza wən nan agap aza məlyã, averik wən nan dəver na: Əɗɗum nan mbərayən aɗum aket mə Yudeɗiŋki dəkkpaŋ akani; ndəni kan məlawən dit kirtin aka wəlaŋga.

Gəlyaɗe 10:14

Kulaka, is məzula tatwãh də wəzəmsahã na məssahã, kawgəm wən nan avoko. Avok ɗəf məddakən adappan zəni, istə kədabbah sən mitiwe.

Gəlyaɗe 145:20

Yawe tay əge məzəŋglunən pakə, ya wazet məsdarawɗe pak hara.

Gəlyaɗe 147:6

Yawe tay əbbah sit ɗiy məddekti, tay əɓegit məsdarawɗe hã afuŋ burusu.

Gəlyaɗe 18:26

Də ɗəf an moggoni, is tat əɗɗa moggoni; də ɗəf an təstəs-gərakə, is tat əɗɗa təstəs-gərakə.

Gəlyaɗe 68:5

Miyə sən gəlya sən Maŋgəlva, məlvan iya nani; məkol tive sən məs dəsan kərəkka aka slaybuwna. Iya nan na: Yawe; mənneken zukum abani.

Wənməkkpaŋga 15:25

Yawe gəla net məzuguzloɗe adabzla, ndən əziwgin meŋge na təki nat gagəbaya.

Wənməkkpaŋga 4:19

Tive net məsdarawɗe tay va guzluyo, awsənənən na aza miyi adawtaŋgbayaŋ di ɓa.

Yeremiya 49:11

Appet mitiweɗ noko wanəsgile, gil net gəbayɗe nok waɗiyən əɗɗum net akawa.

Hose'a 14:3

Məmil aza Yawe, məgapgən sən əpeləŋka, mənah na: «Avviyon mbərayən pakə, ataf an moggoni; waməpsuk əpel na mam ka zəga nawzaɓ-Maŋgəlva a gəlet medgeɗgeɗe.

Malakiya 3:5

Wanədder azzokum vi kawtaw wəna. Wanəsaw məziwe nawgəm zən əpel aket məɗɗaŋ tetele, aket məkuwa a gizbe, aket əswayɗe na tepelke, aket ɗiy məzutakən hanza na məgəɗ wəza, nat gagəbaya gəm na mitiwe, məzəzəmgənən sahã na molhõyõ gəm en awgeslne'eŋ suwən ɓa, Yawe Məzuɓappak anahə.

1Korintus 3:19

Vi maɗɗula naka dəlvəŋ va dərway aza Maŋgəlva. Vi məverni na: Ndəni məzərme məsmaɗɗulet addəv pepet neti.

Əmsak aka Mahenziŋ 16:11

Kənnekgən aba Yawe Maŋgəlva nok də wutuko, dət wutuko, də balam noko, dət balamək noko, də mə levi na walaŋgəleɗe gugriɗ noko, də molhõyõ, də mitiwe dət gagəbay məs dəssoŋ awalaŋkum a təki an Yawe awel ka iya nan dəsangən adaka.

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.