Gəlyaɗe 131:1 - Bible en Guidar

¹ Gəlya nawpəŋ ədda əkkam a Yerusalem. Səza Davit. Yawe makraw tay də əkaɓ ɓa; haraw dəsim zəga ɓa. Nəmbat ammbet zəgeɗ gugriɗ ɓa, may ammbet zəgeɗ nakgət dədayaŋ kiyu ɓa.

Gəlyaɗe 131:1 ပူးပေါင်းရင်းမြစ်များ

2Samiyel 6:22

Wanəvoŋgən kiyu day ki aska, wanəɓe'gən zu dəvawdəvawa, ya a ma heret belemɗe kənahəŋ na wanərah gagdaka.»

Ɗerewel na Yob 42:3

Vi kənahək na: «Naway as van məzəraygən su əŋgla naw məza əsən an məs adawpel ɓaŋ di?» Ha'aw! Nəpelik aket zəgeɗ na sekene məs dədayaŋ kiwa, məs nəsin ɓa!

Gəlyaɗe 101:5

Məndə gabba ɗəfa, wanəmpan man kpuɓu. Məsfərka də məɗi kizən pak nəɓis na ɓa.

Gəlyaɗe 122:1

Gəlya nawpeŋ ədda əkkam a Yerusalem, səza Davit. Zu neki an mənah suwi na: «Dam addəv gəla na Yawe!»

Gəlyaɗe 124:1

Gəlya nawpeŋ ədda əkkam a Yerusalem, səza Davit. Israyel dəmsak ənah na, va Yawe asan dəzam ɓa na!

Gəlyaɗe 133:1

Gəlya nawpəŋ ədda əkkam a Yerusalem. Səza Davit. Ə̃h awle! Va asan moggoni, va asan lelew aza məlma kazən əssan akki taka!

Gəlyaɗe 139:6

Wəsən na sekene dəday kiywa, kpumi day, nəɓap na əprəm gabban ɓa!

Wənməkkpaŋga 21:4

Ula nawkaɓa, makra na kiɓəɓəla, ndəni lalam net məsdarawɗe, as pak mambrayi.

Yeremiya 17:16

Naw nəɓoŋ dassaw məzutaɗa abok ɓa; Nok kəsənəka, nəŋglu pay na tatwãh əzzan ɓa. An dəgil sə mawa, tay aboko.

Yeremiya 45:5

Ya nok na, is tat əkeyet zəgeɗ gugriɗ ammba kizuko, Kədawkeyet ɓa, vi in tat əki əray aka zəga madaran pakə, Yawe aɗiymani. Ya in tat əpsuk zeŋgilok ka zəga nawrəh na ma əgay nok təki kəmbat adak pakə.

Əŋɗa 12:3

Ya Moyis nan, ɗəf məs dəɓe'gən kiyən aba Daya yi day ki ɗəf awandi pak aka dəlvafuŋgu.

Matiye 11:29

Məslan zuk naw akokum, məyak azawa, vi zay nani, makraw barə, wakərahaŋ əffet na zeŋgilokum.

Wəza net Masləŋɗe 20:19

Nəgəɗ sənək wəza sən Daya də makraw taka də sin arawa, gəm addəv tatwãh məs dərəwa, məs mə Yudeɗ atuvuroŋ wən akawa.

Roma 11:33

Arya, maɗɗula gəm əsən na Maŋgəlva kpumi. Ətawwən nan gabban akkos ɓa. Gabbet tiveɗ nan awsən ɓa.

Roma 12:16

Məssoŋ məslerkum a walaŋ zukum, kədawkayaŋ gagdak ɓa, dəɗah mətaf wəza an məs tay də gagdak ɓa, kədawɗiyən ki zukum na va kəsənənək zəga pakə ɓa.

Əmsak aka Mahenziŋ 17:20

adawla zən daykiyit milmiŋgiɗin ɓa, may əmzlah səka əpel na ənziya dəka dəzəŋ awaniɓa dəka zlaɓay ɓa, vi məlĩ nan də an net kirtin dənzigən aka Israyel.

1Tesaloniki 2:10

Miziwe nam kənanaŋgə gəm Maŋgəlva, məsamək va an dəslə, təstəsə gəm məza wən akam ɓa a walaŋkum munokum məs kətafaŋgə.

1Samiyel 16:13

Samiyel agəmək bəbər na mẽlẽ, appay sənək abet milmiŋgiɗni. Əmpəs na Yawe aprikik aka Davit təŋ dəpas ləŋgə hã nadda abe. Samiyel asilik alək a Rama.

1Samiyel 16:18

Taka naret gewleɗ nan amna: «Ya nulak wətən Yesse mə Bet-Lehem asənək əbayni; məs makrani, gəm məzəlpa moggoni. Də maɗɗula adawpele, ɗəf lelewiy. Yawe tay dəndəni.»

1Samiyel 16:22

Sawlu aslən ənah sən Yesse na: «Kamə, nəŋgəl kəta na Davit dəsangən aka wəza nawa, vi zu neki dəndəni.»

1Samiyel 17:15

Davit tay əmbat ana Sawlu da ɗayɗayə, ndən əmndan əteɗ gilew na afən a Bet-Lehem.

1Samiyel 18:23

Məɗɗaŋ wəza na Sawlu amndan sənənək wənəs a sləma Davit. Aɓsit na: «Azokum na, zəga nasmay yi əssa ka dəhən məlĩ sa? In ɗəf məssahã gabba foŋ ɗar di?»