Gəlyaɗe 123:1 - Bible en Guidar

¹ Gəlya nawpeŋ ədda əkkam a Yerusalem. Nəslanək haraw kəlazoko, is məs kəsok a disiŋ:

Gəlyaɗe 123:1 ပူးပေါင်းရင်းမြစ်များ

1Milyeŋge 8:30

Kəprəmgən wəɓuh ma na balam nok dit ɗiy nok mə Israyelɗe dədakkamaŋ a təkiyəŋka! Nok kəprəmgən sə təki kəsok a disiŋ; kəprəmgəni, kəvvuyon səmgən mambray namə.

Gəlyaɗe 11:4

Yawe tay addəv Gəla nan salala; mazaŋga na məlĩ na Yawe a disiŋgi. Haran tay əsəŋgləkan təkiya, də wəzi haran ula an ɗəf adaɗɗa.

Gəlyaɗe 115:3

Maŋgəlva nam a disiŋgi; an aŋgəl pak tay əɗɗani.

Gəlyaɗe 120:1

Gəlya nawpeŋ ədda əkkam a Yerusalem. Nəyak Yawe addəv əzəmsahã nawa, yaŋ azlan suwa.

Gəlyaɗe 121:1

Gəlya nawpeŋ ədda əkkam a Yerusalem. In tat əslan haraw kəlaket mossorgoɗe gugriɗe: Səŋga əbbah naw adazzan di?

Gəlyaɗe 122:1

Gəlya nawpeŋ ədda əkkam a Yerusalem, səza Davit. Zu neki an mənah suwi na: «Dam addəv gəla na Yawe!»

Gəlyaɗe 124:1

Gəlya nawpeŋ ədda əkkam a Yerusalem, səza Davit. Israyel dəmsak ənah na, va Yawe asan dəzam ɓa na!

Gəlyaɗe 125:1

Gəlya nawpeŋ ədda əkkam a Yerusalem. Məs dəppanən əɗɗum net aka Yawe tahəŋ va mossorgo metiŋ na Siyon: aɓla ɓa, tay hã faɗə.

Gəlyaɗe 126:1

Gəlya nawpəŋ ədda əkkam a Yerusalem. Pay Yawe aziwgin wən na Siyon, azam na tay va əssine.

Gəlyaɗe 127:1

Gəlya nawpəŋ ədda əkkam a Yerusalem. Səza Salomoŋ. An Yawe dərka gəla ɓa na, məzərkanən zit adawyanən ɗarə. An Yawe dəga walaŋgəla-metiŋ ɓa na, məzugan ɗar adawgani.

Gəlyaɗe 128:1

Gəlya nawpəŋ ədda əkkam a Yerusalem. Əzaɓi aza məgeslne' sən Yawe pakə gəm məzudaw aka tive nani!

Gəlyaɗe 129:1

Gəlya nawpəŋ ədda əkkam a Yerusalem. Asərnənək maw təŋ səka gawlawa, Israyel dəmsak ənahən:

Gəlyaɗe 130:1

Gəlya nawpəŋ ədda əkkam a Yerusalem. Səddəv kpukpum na əzəmsahã nədawyuko Yawe:

Gəlyaɗe 131:1

Gəlya nawpəŋ ədda əkkam a Yerusalem. Səza Davit. Yawe makraw tay də əkaɓ ɓa; haraw dəsim zəga ɓa. Nəmbat ammbet zəgeɗ gugriɗ ɓa, may ammbet zəgeɗ nakgət dədayaŋ kiyu ɓa.

Gəlyaɗe 132:1

Gəlya nawpəŋ ədda əkkam a Yerusalem. Yawe, aɗɗum aka Davit, dit tatwãhɗe nan pakə.

Gəlyaɗe 133:1

Gəlya nawpəŋ ədda əkkam a Yerusalem. Səza Davit. Ə̃h awle! Va asan moggoni, va asan lelew aza məlma kazən əssan akki taka!

Gəlyaɗe 134:1

Gəlya nawpəŋ ədda əkkam a Yerusalem. Yaŋ na! Məfet aka Yawe, mənokum gewleɗ na Yawe pakgukum, məzuziweŋ addəv gəla na Yawe də dəfəɗ pakə.

Gəlyaɗe 141:8

Haraw akoki, Daya Yawe, Nəɗamək azoko; kəppaw avet ɓa;

Gəlyaɗe 2:4

Məs dəsan a disiŋ wamasə; Yawe wamas aketi.

Gəlyaɗe 25:15

Haraw tay sekke ɗayɗay aka Yawe, Vi tay əprət təlu səka bizwil.

Isaya 57:15

Vi vaŋki məs dəsan a disiŋ ki zəga pak məs təki nassan dəsan faɗə məs iya nan na Salala anahə: In tat a disiŋ salala nənani, ya in tat də ɗəf məs makran dəzlahə gəm məs dəɓe'gin kizəni vi kakkpaŋgan məs dəɓe'gin kizən madarani, kawmbəlgən ɗəf məs makran dəzlahə.

Isaya 66:1

Vaŋ Yawe anahə: Disiŋgi mazaŋga na məlĩ nawa, dəlvafuŋ tamə təki nawɗi təlwa. Gəla mi kədarkaŋ suwən di? Təki mi gala naffet naw di?

Matiye 6:9

Vaŋki kan kədakkamaŋgə: Afəm an na disiŋ, iya nok dəsan salala.

Luka 18:13

Məkkal nzalaka aziwik faraɗa, dəɗɗum naw slan haran a disiŋ ɓa, ya tay ərga makrani, amna: Aw Maŋgəlva awəl sahã akawa, in məs mambraya.