7 Yawe waguk səza mbərayən pakə. Waga zeŋgiloko.
Ya awle! In tat də isi, wanəguk də təki kədaddok pakə, wanəmilguk aka dələvəŋka, vi nəzgok na firik ɓa, hã gap in grak əgrak an nənah suko.»
Yabes akkamanək Maŋgəlva na Israyel dawnəh na: «An əzaɓ kəzaɓaw gesiŋ, asna wakəzlzleten su dələv nawa, vok wasan akaw ɗayɗayə, wakəzargən tatwãh səzaw nədawzəm sahã ɓa.» Maŋgəlva aɗɗa sənək an assõhu.
Yawe tay əge məzəŋglunən pakə, ya wazet məsdarawɗe pak hara.
Mambray wabay məsdaraw zamə, məzelenən ɗəf təstəs wassoŋ də wən aketi.
Ənneki aza ɗəf məzəɗɗum aka ɗəf məddakni! Pay na tatwãh na, Yawe wakõhgəni.
Mənokum məs kəŋglunən Yawe, mizel mbərayni. Tay əga zeŋgilet məzbanən mani, də wəkõhgit səvet məsdarawɗe.
Tatwãh tay nawrəh ɗəf an təstəs ɓa; ya məsdarawɗe na, tatwãhɗe wakinən meti.
“Kəta Yawe dəprikgin əzaɓ akokum, dəgukum!
Akõhgəm səddəv əraka. Ya agilgəm səddəv mbərayən. Vi məlĩ noki də gbogboŋgo də gagdaka, hã faɗə. Amen.
Məsənək na, Maŋgəlva tay əɗɗa zəga pak vi moggon net ɗiy en dəngluwəni, viyit ɗiy en ayə va aza an aziwgini.
Daya wakõhgu səza wəza mbərayən pakə, wakõhgu vi kawku addəv məlĩ nan a disiŋ. Gagdak nani va sayit ɗiy amə pakə. Amin.
