Gəlyaɗe 110:3 - Bible en Guidar

³ Na mekret ɗiy noki yi gala gbogboŋ nok adarba də gagdak salala, gewleɗ azzoŋ azok va minɗe məs dəziyaŋ də bapummo.

Gəlyaɗe 110:3 ပူးပေါင်းရင်းမြစ်များ

1Alabaraɗe Də Mabərkiziti 16:29

Məgagdakan iya na Yawe. Məki əvəl nokum, məde abani. Məppu' afuŋ aba Yawe, aka salala nan adarban zəni.

Nehemi 11:2

Ɗiy aɗɗaŋgək zəzay aket zel en dətafən əsso də gəla də əŋgla net a Yerusalem.

Gəlyaɗe 29:2

Məɗi ki gagdak na iya na Yawe! Məgul lukuɗe salala məvereti məppu' aba Yawe!

Gəlyaɗe 96:9

Məppu' afuŋ aba Yawe, aka salala nan adarban zəni; məkker abani mənokum nammba dələv pakə.

Ezekiyel 43:12

Vaŋki mahenziŋ na gəla na Maŋgəlva: aka dadwar ki gərma, aka va nan tərwəsl salalay diyɗa. Vaski mahenziŋ na gəla na Maŋgəlva asani.

Mika 5:6

Ɗiy na Yakob dənduwəɗaŋ a weleŋgit ɗiy-ɗar diyɗa wassoŋ va minɗe dəzzoŋ səza Yawe, va buwən maŋgalaw dəzi aka kevile, məza əɗɗum aka ɗəf ɓa məza əgan səmmba vet ɗiy ɓa.

Wəza net Masləŋɗe 1:8

Ya wakərəhaŋ gagdaka, an Zeŋgile Salala adek akokum, wakəssoŋ məpeleŋ wən naw a Yerusalem gəm a Yude baymani, a Samari gəm hã aket meŋge na dəlva.

Wəza net Masləŋɗe 19:20

Vaski də gagdak na Daya əpel na Maŋgəlva adawɓaya gəm asan də gbogboŋgo.

Wəza net Masləŋɗe 2:33

Maŋgəlva aslanək kan də va dəzən nani, arahək Zeŋgile Salala səva afən va aynan napsəni. Appasanəka, ndəni kədawlaŋ gəm kədaprəmaŋgə.

Wəza net Masləŋɗe 2:41

Ndəni ɗiy en dətafən əpel nan arahaŋgək baptem, ɗiy ammba gabal hoku asapaŋgək azet pay dəpaska.

Wəza net Masləŋɗe 21:20

Adan aprəmən vaska, agagdakanənək Maŋgəlva. Yaŋ anah sənən Pol na: Kulak va məs dəgəɗ aŋka məlmuwa. Ɗiy gabal kaklawɗe sə walaŋgit mə Yudeɗ akkpaŋgaŋgək ɗiy na Maŋgəlva, ya ndəɗaŋ pak appanənək zit sən mahenziŋ na Moyis.

Wəza net Masləŋɗe 4:4

Ɗiy diyɗa səret məs dəprəmən əpel van atafaŋka, əŋɗa net wagəɗ zel gabal sle'i.

2Korintus 13:4

Gesiŋ məkkpani aka məzliwrihe aka məddakən. Ya kakaŋ na madarani də əɓap na Maŋgəlva. Gesiŋ nam pak məddakəm mənan addəv əsap nam dəndəni. Ya waməsam madaram dəndən də əɓap na Maŋgəlva azamə.

2Korintus 8:12

Vi an əsok zə ɗəf tay, wataf də ula an navamə məza ula an tay avam ɓa ɓa.

2Korintus 8:16

Soko sən Maŋgəlva məs dəpsən əsok zə ɗəf sən Titus məstaka də an nam vikum.

Efesus 1:4

Vaski aweləm addəvən tak əzəməɗ dəlva vi məsamgən salala gəm məza də heslepe ama haran ɓa addəv əŋgla.

Filipi 2:13

Vi Maŋgəlva yi dədaɗɗan addəvkum, tay əpsukum əŋgla gəm əɗɗa wəza va an aziwgini.

1Tesaloniki 4:7

Vi Maŋgəlva dəyəm məsamgən addəv haramba ɓa, ya məsamgən salala iyi.

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Ibriɗe 13:21

dəkkpaŋgokum nawɓap əɗɗa an moggon pak naɗɗa əŋgla nani; dəɗɗa an nannek zən gesiŋ addəvəm də Yesu Kristu, məs gagdak asan ka nan na sete hã faɗə. Amin!

Hənhən 7:9

Ɗərɓaga aska, nəwəl na: Ɗiy diyɗa məza ɗəf aɓap na əŋɗet ɓaŋ, ɗiy net səret ɗiy naka dələv pakəŋ, səzet mahəlfaɗe gəm səddəvit maɗe awetdi pakəŋ. Tahəŋ ziwziw aba mazaŋga na məlyã gəm abat ndargayãk dit lukutɗe məsilip babarɗe azeti gəm va gugozlo aveti.

Mətawaŋwəna 5:2

«An məppani muhur kiya zlifsik-zlifsik a Israyel, an ɗiy appanək ki zit dəveti, məgəɗ soko sən Yawe.

Mətawaŋwəna 5:9

Naw, makraw tay dit deyeɗe na Israyel, gəm dit ɗiy en dəpsənən kiyzit də wəŋgla neti. Məgəɗ soko sən Yawe!