Gəlyaɗe 11:1 - Bible en Guidar

¹ Səza daya net məyaŋgəlya. Na Davit. Aza Yawe nədawɗama. Mbar kədawnahaŋ suwən na: «Anzok aka mossorgo metiŋ nok va hunzurku di?»

Gəlyaɗe 11:1 ပူးပေါင်းရင်းမြစ်များ

2Alabaraɗe Də Mabərkiziti 14:11

Yawe arbə sitik mə Etiyopiɗe səba Asa dit mə Yudeɗi, yaŋ mə Etiyopiɗe anzoŋgu.

2Alabaraɗe Də Mabərkiziti 16:8

Mə Etiyopiɗe dit mə Libiɗe lahəŋ na, dəsapaŋ dula gədak dit mawteŋɗe nalpa, may məŋkoroŋ pilseŋge məza meŋge net ɓa ɓa sa? Adan kəbay zuk aza Yawe, apsukik ammba voko.

Nehemi 6:11

Yaŋ nəzlansən na: «Ɗəf va inəŋ na, kanzan sa? Ɗəf va in awani nazzan ətoŋ addəv gəla na Maŋgəlva kawsan madaran di? Naw nətoŋ na adak ɓa.»

Gəlyaɗe 16:1

Gəlya na Davit. Maŋgəlva, aguwa, vi azoki nədawɗama.

Gəlyaɗe 25:2

Maŋgəlva nawa, akok nəzi harawa; kədarbə su wil ɓa! Məzuzelɗe naw adaskanən wəlaw ɓa!

Gəlyaɗe 31:14

Vi nəprəmək ɗiy diyɗa əpel mbərayən akawa: «Geslne tay kiyu suləkə.» Tay əsapaŋ ətuvuroŋ wən akawa, aynanənək met akaw kawzan zeŋgilewa.

Gəlyaɗe 56:11

In tat əɗi ki Maŋgəlva vi əpel nani; in tat əɗi ki Yawe, vi əpel nani.

Gəlyaɗe 7:1

Əɓuhma na Daviti. Aya gəlya nan sən Yawe, aka əpel na Kus mə Benyamin.

Gəlyaɗe 7:2

Yawe, Maŋgəlva nawa, azoki nədawɗama; akõhgu səvet məzərmaŋ mama azaw pakə, atərwa!

Gəlyaɗe 9:10

Yawe dəsan təki nawɗam na məsərmani, təki nawɗam pay nawzəm sahã!

Wənməkkpaŋga 6:5

Amõh zuk səddəv bizwil va mune, va bəŋga səmmba va mərəm biŋgeɗi.

Yeremiya 48:14

Mbar kədawɓap ənahaŋ na: Məs makram mənani gəm məzəlpaŋ mənani di?

Luka 13:31

Dəpaska Farisaɗe meɓɓet azzoŋgu ənah sən na: Agil dok səŋka, vi Herodə man aka əbayko.

1Samiyel 19:11

Sawlu aslənək maslənɗe ana Davit da kataɗni, kawbayən də mompumo. Yaŋ Mikal, guluk na Davit, təprəman səni, təmna: «An kəkõhgən kiyuk dəfɗəŋ ɓa, mazayən də mompumo na, kawboyki yi!»

1Samiyel 20:38

Yonatan apel sən wiyən nak dayadaya na: Agəm zuk gogo'u, kədawziw ɓa.» Wiyən na Yonatan gim igim herɗe neki, buryok aza daya nani.

1Samiyel 22:3

Davit ambatək sədak a Mispe na Mo'ab. Aɓsən məlĩ na Mo'ab na: «Kamə appet may əbba dət əmma dəzzoŋ əssoŋ aŋ də mənokum hã gap pay nədawsən an Maŋgəlva adaɗɗa viwa.»

1Samiyel 23:14

Davit asanək də gəla a kapta-muyã, asanək də gəla aka təki mə surohho na gərəm a kapta-muyã na Zif. Sawlu akayan pay pakə, ya Maŋgəlva dəppan avan ɓa.

1Samiyel 27:1

Davit anah də makran na: «Laha laha pak Sawlu wade wəzawa. Tay nədaɗɗa abbər əkõhgən kiyu aka dələv net mə Filistiɗe ɓa. Vasna Sawlu wappan gabba əkayaw aka dələv na Israyel pakə, vaski nədawkõh səvani.»