Gəlyaɗe 101:6 - Bible en Guidar

⁶ Haraw wasan aket ɗiy en təstəs naka dələv dəssoŋgən də iyna. Məs ədaw nan təstəs-gərakə, nan wasan aka wəza nawa.

Gəlyaɗe 101:6 ပူးပေါင်းရင်းမြစ်များ

Gəlyaɗe 119:63

In tat əsap azet məgeslne'eŋ sukun pakə, məzərmenin wəsəɓɗe noko.

Gəlyaɗe 15:4

Tay əzel məgəɗ mambraya: tay əɗi kiyit en məgeslne'eŋ sənən Yawe. Adder dirɓe səka an asway akan ɓa, kəta dəsan waki sən tatwãh zlaŋgə.

Gəlyaɗe 34:15

Aɓaŋga' sən mbərayni, agəɗ moggoni, akayan zazaya, azbani!

Wənməkkpaŋga 28:28

An məsdarawɗe asilyoŋko, nawãydi pak əɗama; an amtaŋka, ɗiy en təstəs əwanən ziti.

Wənməkkpaŋga 29:2

An ɗiy en təstəs tahəŋ aka məlĩ na, ɗiy ənnekeŋgi; ya an məsdaraw dədawzəm məlyã, ɗiy ənɗəsaŋgə.

Məsdəlveŋge 14:42

Dəndaŋgən gərmeŋge mbirti, dəkiningin a gilet en neki gəm dəndəgən dələv maɓɓan dəkkəɗgən zə gəla vani.

Matiye 24:45

Balam awani kan moggon pepet məs daya nan aɗi aket məɗɗaŋ wəza nan pak vi dəpsitigin zəga nawzəm də pay nan di?

Yohanna 12:26

An ɗəf aŋgələk əgəɗ su wəza, dəzbawa, vi a təki naw nəsawa adaki məgəɗ wəza an naw adawsani. An ɗəf tay əgəɗ su wəza, Afən wagagdakani.

Yohanna 14:3

An nəmbatək əzaɓan sukum təkiya, wanəmili, wanəkukum azawa, vi a təki naw nəsawa, nokum pak kəssoŋgən adaka.

Yohanna 17:24

Aw Afəni, en məs kəvayə, nəŋgəl na a təki naw nəsawa, net pak dəssoŋgən də iyna, vi dulanəngən gagdak naw məs kəvayə, vi kəŋgluwək tak əɗi gabba dəlva.

Hənhən 21:3

Nəprəmək wəla ɗəf əzzan səka mazaŋga na məlĩ nak dayadaya adawnəh na: Təki nassa na Maŋgəlva aweleŋgit ɗiy yi! Wasan dənɗaŋgə, wassoŋ ka ɗiy nani, Maŋgəlva wasan Maŋgəlva dəsan dənɗaŋgə.