Gəlyaɗe 1:1 - Bible en Guidar

¹ Ənnek aza ɗəf məs azban əsəɓ net məsdarawɗe ɓa, məs awziw aka tive net məs mambrayɗe ɓa məs awsan dəndit məmasaŋ aket ɗiy ɓa,

Gəlyaɗe 1:1 ပူးပေါင်းရင်းမြစ်များ

Va'Atəŋ 49:6

Nəŋger na əzzaw a təki ətawanwən net ɓa, megenegenew ade na addəv ətawanwən net ɓa; vi addəv makra net abayan ɗəfa ka nanneken zit abəlnən zlozloŋgboŋ medgeɗge.

Va'Atəŋ 5:24

Adan Henok adaw də Maŋgəlva, ahhika, vi Maŋgəlva yi dəslani.

1Milyeŋge 16:31

Wəzban təl Yerobo'am wətən Nebat addəv mambray nanəŋ pak gəsi azani, yaŋ ambat agəmət Izabel, wətən Etba'al, məlĩ net mə Sidonɗe ka goni, ndən mbat agəɗ sən wəza sən Ba'al, appu' abani.

2Alabaraɗe Də Mabərkiziti 22:3

Nan pak agəmək ənziya na gəla na Akab, vi man tədawsəɓsən naɗɗa zəga mbərayən;

Ɗerewel na Yob 10:3

Lawi azok kəzəmgugən sahã sa? Ka kazgan wəza na voko gəm kawɗi ki an məsdarawɗe aynaŋ sa?

Ɗerewel na Yob 21:16

Nenek net aveti mbaraka sa? Wəpel net ɗiy mbəreyit azarək faraɗa səzawa!

Ɗerewel na Yob 31:5

An nədawək də uwawəna, gəm əgəm zu aza vurum,

Gəlyaɗe 1:6

Vi Yawe asənək ədaw net ɗiy en təstəsə, ya tive net məsdarawɗe na əzay yi.

Gəlyaɗe 106:3

Wəzaɓ azet mərmanən mahenziŋ nani may məɗɗaŋ zəga təstəs pay pakə!

Gəlyaɗe 112:1

Məɗi ki Yawe. Wəzaɓ aka ɗəf məgeslne' sən Yawe mənneken zən diyɗa dit mahenziŋɗe nani.

Gəlyaɗe 119:115

Məɗɗaŋ mbərayin, məzar faraɗa səzawa, maw aka əzbet mahenziŋɗe na Maŋgəlva nawa.

Gəlyaɗe 144:15

Əzaɓ azet ɗiy məs dəsan sit vaska! Əzaɓ azet ɗiy məs Yawe yi Maŋgəlva neti!

Gəlyaɗe 146:5

Əzaɓ aza ɗəf məs Maŋgəlva na Yakob asan məzəbbah nani, məs dədawgan səva Yawe Maŋgəlva nani!

Gəlyaɗe 146:9

Yawe tay əge molhõyẽɗi, tay əbbah sən mitiwe dət gagəbaya, tay əslokoron tive net məsdarawɗe.

Gəlyaɗe 2:12

məɗi ki muzliya; vas ɓa wadəgədəva, wakəzaŋ aka tive, sən wən siɗikke wadə gədəva! Ənnek azet ɗiy en dəɗamaŋ azani.

Gəlyaɗe 26:12

Naw aka təstəs nəziwi, wanəfet aka Yawe addəvit əkkalɗe.

Gəlyaɗe 34:8

Maslay aziyək dibirgidik nan kiyit məgeslne'eŋ sənən Yawe tərwəslə, tay əbitti.

Gəlyaɗe 36:4

Əpel na man pak mbərayni, əraki; appanək gabba əsla zən də əɗɗa moggoni.

Gəlyaɗe 64:2

Maŋgəlva, aprəm əhəm nawa. Aga zeŋgilew səva məzuzel məzlahgən makrawa;

Gəlyaɗe 81:12

Ya ɗiy naw dəprəmnən maw ɓa, Israyel man tay akaw ɓa,

Gəlyaɗe 84:12

Vi Yawe Maŋgəlva, pay yi, baray yi; Yawe tay əpsəm mbəlembəle də gagdaka, awzle məzudawaŋ aka təstəs-gərak də moggon ɓa.

Wənməkkpaŋga 1:15

Wətuwa, kədaddok tive dənɗaŋ ɓa. Aɗi təluk faraɗa səket tiveɗ neti.

Wənməkkpaŋga 1:22

«Hã gap dewɗe mənokum mətiɓiɓ-tiɓiɓɗe kədassoŋ sən əŋglu tiɓiɓ-tiɓiɓi, məs fərkẽɗ tam sən əssim fərkã, may dərweŋge tam sən əzelenən əsən di?

Wənməkkpaŋga 13:15

Əsən moggon awki mbəlembəle'i; ya tive net məsvurumɗe na, addəɗ ɓa.

Wənməkkpaŋga 13:20

Mədaw dit məsmaɗɗulet wasan də maɗɗula, məmbat anet ɗiy dərweŋge da na, tatwãh warəha.

Wənməkkpaŋga 19:29

Məɗi əzga' na, ammbet məmasaŋ aket ɗiyi; ərga tam sən gəɓet dərweŋge.

Wənməkkpaŋga 2:12

Vi kawkõhguk səka tive mbərayən, gəm səza ɗəf məpel əpel mbərayən,

Wənməkkpaŋga 3:34

Dit ɗiy en məkaɓaŋgə, ndən əkaɓa; en mekret barə ndən əɗɗa sit əŋgla nani.

Wənməkkpaŋga 4:19

Tive net məsdarawɗe tay va guzluyo, awsənənən na aza miyi adawtaŋgbayaŋ di ɓa.

Wənməkkpaŋga 9:12

An məsmaɗɗula kənan na, maɗɗula sən kiyuk anoki. An məzəguzlo kənani, is kədarda takərguko.

Yeremiya 15:17

Nəsaw ɗah aweleŋgit məzumasaŋ əsmay ɓa. Sən kəska wəlawi nəsaw matakərguwa vi kədan suwək gədəvwa.

Yeremiya 17:7

Əzaɓ aka ɗəf məs dəɗi əɗɗum nan aka Yawe məs Yawe asan zəga nawges nan azani.

Ezekiyel 20:18

«Yaŋ nənah sit kirtit a kapta-muyã na: “Kədawaŋ va mahenziŋɗe net efiŋgiɗkum ɓa, kərmenin tiveɗnanziya net ɓa, kərnokonən zukum dit meŋgilveɗ net ɓa.

Matiye 16:17

Yesu apeli aɓsən na: Əzaɓ akoko, Simoŋ wətən Yonas; vi gəɓa zə ɗəf dit mbel dərban sukun ɓa, afu na disiŋgi yi.

Luka 11:28

Yaŋ nan amna: Əzaɓ aket məzəprəmən əpel na Maŋgəlva, məzərmanən wən nan dərəŋgə.

Luka 23:51

Dəsler dənɗaŋ addəv an aynaŋ naɗɗa ɓa, addəv wəza net ɓa. Ɗəf na Arimate yi, walaŋgəla-metiŋ net mə Yudeɗi, məzuga məlĩ na Maŋgəlva.

Yohanna 13:17

An kəsənənək vaska, zukum wasan neki, an kəɗɗanənka.

Yohanna 20:29

Yesu aɓsən na: Vi kuluwi kətafu sa? Zəzay azet məs dətafaŋ məza ulan ɓa.

Roma 5:2

Ɗəzani mərah mbəlembəle əŋ də ətafa, məs mədawziw gəm mədawɗi ənnek nam addəv əga gagdak na Maŋgəlva.

Efesus 6:13

Vi aski məgəm zəga nawgay na Maŋgəlva, vi kəɓapəngən əziw aba məzuzelkum pay an mbərayəni. An kətakənək wəla zəga pakə, asna akəziweŋ ɓəlɓələ.

Əmsak aka Mahenziŋ 14:6

Zəga mamayã eperkeperke nan wizlirihe, məzu oron zəga naddəvən, wakəɓap əzimini.

Əmsak aka Mahenziŋ 33:29

Mə Ibriɗe istə Israyel! Naway dəslə də mənokum, məs Yawe atərkuməŋ di? Baray nawturki yi, masalam na gbogboŋ noki yi. Məzuzelɗe nok warakokəni, ya wakəndapeti.

1Piyer 4:3

Vi, pay məs kəzanən lahəŋ də əɗɗa an nannek zit ɗiy məs dəsənən Maŋgəlva ɓaŋ məkki. Kəssoŋguk addəv əɗɗa ɗarɗarə, wəsim mbərayən, əbay na mbazla, əsmay mbərayən, wəsa mbazla diyɗa də wəzaɓ zəgeɗkamaŋgəlva.

Hənhən 22:14

Zəzay azet ɗiy məs dəskoɓən lukutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgile, warəhaŋ wətoŋ kla madambeɗe na walaŋgəla-metiŋ neki.