Filipi 4:9 - Bible en Guidar

⁹ Məs kəyakaŋgə, məs kərahaŋgə, məs kəpremaŋ sə mawa də məs kulaŋ səzawa, zəgeɗis pak məgəɗ wəza dənɗaŋgə. Maŋgəlva afən zazay wasan də munokum.

Nouveau Testament en Guidar

⁹ Məɗɗa an məs kəppremaŋ sə maw də an məs nərbə sukum də wəpel nawa də wədaw nawa. Maŋgəlva məs dədapsəm zam dəsan də munokum.

Bible en Guidar

⁹ Məs kəyakaŋgə, məs kərahaŋgə, məs kəpremaŋ sə mawa də məs kulaŋ səzawa, zəgeɗis pak məgəɗ wəza dənɗaŋgə. Maŋgəlva afən zazay wasan də munokum.

Filipi 4:9 ပူးပေါင်းရင်းမြစ်များ

Isaya 41:10

Kəgeslne ɓa, vi in tat də isi. Kədassok horok kilili ɓa, vi intə Maŋgəlva noko, nəsɓokuko, ha'aw, nədek kabbah suko, wanəpa'uk də va dəzəŋ na təstəs nawa.

Isaya 8:10

Miynan an naɗɗa, wazlzlaɓə. Məpel va kədawpeleŋ pakə, ya agəɗ na ɓa, vi Maŋgəlva tay də mənamə.

Matiye 1:23

Waŋ ŋgbuɓɓo watəɗi daway watəwə wiyna, kalvani na Emanuwel, va wənah na: Maŋgəlva tay də mənamə.

Matiye 28:20

Məyagan sit dərmanəngən an məs nəɗi sukum wən nan pakə. Wanəsaw də munokum pay pak hã əgrak na dəlva.

Matiye 7:21

Məzunah su na: Daya, Daya paki nawtoŋ məlĩ na disiŋ abbər məgəɗ əŋgla na Afu na disiŋ ɓa.

Luka 6:46

Vimi kədayuwən na Daya! Daya! Ya kaɗɗanən an məs nədawnah ɓaŋ di?

Luka 8:21

Yaŋ azlani, aɓsit na: Əmma dit milmiŋgiɗu na ndəɗaŋgə məzəprəmən əpel na Maŋgəlva məzazbanəni.

Yohanna 13:17

An kəsənənək vaska, zukum wasan neki, an kəɗɗanənka.

Yohanna 15:14

Bayneŋgiɗu kənanaŋgə, an mənokum tat əɗɗa zəga an nəɗi sukum naɗɗa.

Yohanna 2:5

Yaŋ man tənah sit məɗɗaŋ wəza na: An anah sukum pak məɗɗa.

Wəza net Masləŋɗe 9:6

Ya asili, atoŋ a walaŋgəla-metiŋ. Kawnah suk an kədaɗɗa.

Roma 15:33

Kəta Maŋgəlva afən zazay dəsan dəndəkum pakə. Amin.

Roma 16:20

Maŋgəlva, afən zazaya, aliy na daŋkən Satan ammba təlkum ɓa. Mbəlembəle na Daya nam Yesu dəsan akokum.

1Korintus 10:31

An əzəm kədawzəmaŋgə, an əsa kədawsaŋgə, zəga an kədaɗɗaŋ pak, məɗɗa vi gagdak na Maŋgəlva.

1Korintus 14:33

Vi Maŋgəlva na matakatakay ɓa na zazay yi. Va adaɗda addəv əkkal net ɗiy na Maŋgəlva en salala təki pakə.

1Korintus 4:16

In tat əkkamokum kana, məzban ədaw nawa.

2Korintus 13:11

Məlmiŋgiɗwa, mənneki, məgay ammba əssa salala nokum. Məsəɓ sən zukum, məssoŋ əɗɗum taka, mənzi də zazaya. Asna Maŋgəlva afən əŋgla gəm afən zazay wasan də munokum.

Əmsak aka Mahenziŋ 5:1

Moyis ayek mə Israyelɗe dəwən neti, aɓsit na: Mə Israyelɗe, məprəm mahenziŋɗe dit tiveɗnanziya, nədaprəman sukum a sləmokum dəpaŋka; miyegeti, mərme məgəɗ wəza dənɗaŋgə.

Filipi 3:17

Pakagukum milmiŋgiɗwa, məgəm təlwa, məzi horokum aket ɗiy məzudawaŋ va an kulan səzamə.

Filipi 4:7

Zazay na Maŋgəlva dədayki zəga məs ɗəf adawɓap əsən pak waga mokrokum də əɗɗum nokum addəv Yesu Kristu.

1Tesaloniki 1:6

Nokum, kəgəmənək təlmə də an na Daya, adan kətafən əpel na Maŋgəlva addəv tatwãh metiŋgin də ənnek dəde səza Zeŋgile Salala.

1Tesaloniki 2:14

Milmiŋgiɗwa, kəkkpaŋgaŋgək ɗit məs dəgəmən tilit məzutafaŋ na Maŋgəlva en na Yude məs dəssoŋ addəv Yesu Kristu. Vi nokum pak kəzəmaŋgək sahã vaska'e, avet hilfiŋgiɗkum, va neti'e azəmaŋ sahã avet mə Yudeɗi.

1Tesaloniki 5:23

Maŋgəlva afən zazay sən kiyən dubburkum tu'tu'u, gəm dəgagən zukum gərak lewlewi, əmpəs nokum, magenegenekum gəm gəɓa zukum, vi kəssoŋgən məza heslepe ɓa pay nazza na Daya nam Yesu Kristu.

2Tesaloniki 3:4

Məsənkumuk lewlew addəv Daya, vi zəgeɗ məs məver sukum aketi, anet kədaɗɗaŋgə gəm wakəɗɗenini.

2Timote 4:22

Daya dəsan də əmpəs noko, mbəlembəle na Maŋgəlva dəsan də munokum.

Yakob 1:22

Kədassoŋ məzaprəm wən na Maŋgəlva də sləmokum kaka ɓa, gəssi. An kaɗɗanən an wən na Maŋgəlva anah ɓa asna əmbəɗan ki zukumi.

2Piyer 1:10

Vi wənəski milmiŋgiɗwa məsok zukum məssoŋ ɓəlɓəl aka iya an məyukum gəm uwel an məwelkum. Vi an kəɗɗaŋgək vas na asna sessel kəzbəraŋ na ɓa.

1Yohanna 3:22

Asna, an məssõh pak wamərah səvani, vi mənam tat ərme mahenziŋɗe nani, mənam tat əɗɗa an məs aŋgələ.