Filipi 4:8 - Bible en Guidar

⁸ Milmiŋgiɗwa, aŋki məs dəmbərə: an moggon, an nawgagdakani, an təstəsə, an saksakə, an naŋgla, an na sləma, an nawtafa gəm an nawɗi kiyni, zəgeɗis dəssoŋ aka maɗɗulokum.

Nouveau Testament en Guidar

⁸ Milmiŋgiɗwa, aŋki məs dəmbərə: Məzi zukum aza an mogoni, məs dəgap naw gakdakani, zəga an də goŋga məs dəslə, məs salala*, məs dəgap naŋgla də wə gakdakani.

Bible en Guidar

⁸ Milmiŋgiɗwa, aŋki məs dəmbərə: an moggon, an nawgagdakani, an təstəsə, an saksakə, an naŋgla, an na sləma, an nawtafa gəm an nawɗi kiyni, zəgeɗis dəssoŋ aka maɗɗulokum.

Filipi 4:8 ပူးပေါင်းရင်းမြစ်များ

Va'Atəŋ 18:19

Vi nəsənka, waɗi wən nan sit kirtin də gəla nan dərɓagan dəzbanəngən tive na Yawe, də wədaw təstəs məza əmzlah ɓa; vasna Yawe waknahan an anah far sən Abraham.»

2Samiyel 1:23

Sawlu də Yonatan aŋgluwənək ziti, addəv əssa neti, addəv əmta neti, dəgohoŋ ɓa, kakara net day ki na gazla, makra net day ki net ɓooliɗi.

2Samiyel 23:3

Maŋgəlva na Israyel dəpel suwa, milɓe na Israyel dəpeli: «Tay əzəm məlĩ aket ɗiy təstəsə, də geslne na Maŋgəlva adawzəm məlyã.

Gəlyaɗe 82:2

Hã dewe kədappanən ətawwən məza aka təssa ɓa, mənokum əbbah sit ɗiy en dəraygənən di? Əziwe

Wənməkkpaŋga 11:1

Məsləgagdak na zəga an də vurum na, zəga daryawi aza Yawe, məsləgagdak na zəga an təstəs na, neki azani.

Wənməkkpaŋga 12:4

Guluk akən tektek na, mətərkiya na zələttə; akən məza wil arat ɓa na, yorotə addivit sleŋsleŋɗe nani.

Wənməkkpaŋga 16:11

Məsləgagdak na zəga də hilu nakan pak na Yawe əŋgə, ndən dədawɗi gagadak na təbəz nawslan dəndəni.

Wənməkkpaŋga 20:7

Ɗəf an təstəs na, tive an təstəs adazba; kirtin wassoŋ zay dərɓagani!

Wənməkkpaŋga 31:10

Guluk akən na sləma na, nawãy nawrəhət di? Əlbəh nat adayək kiyit everzleɗ na sləma.

Wənməkkpaŋga 31:29

Gil diyɗa dərbanən əssa nat guluk na sləma; ya nok kədayək kiyit beymeti.

Wənməkkpaŋga 31:31

Məpsət zəga na vata, wəzeɗe nat wapsətən gagdak a walaŋgəla-metiŋ.

Gəlya net Gəlyaɗe 5:16

Man neki; Ya ziw na zən na tay əvay ezlezle. Vaski gəraw na makraw asani, vaski baynaw vani, Kirin muguliŋgit na Yerusalem!

Isaya 26:7

Tive na ɗəf təstəs na, sararay yi; kəziyanək tive na ɗəf təstəs sarara.

Matiye 22:16

Asləninik gewleɗ net dit ɗiy na Herodə azan dawnəh na: Mərbəzəga, məsənək na təstəs kənani, is tat ərban tive na Maŋgəlva də gegesiŋ kawgeslne sit ɗiy ɓa, vi nok kawelet ɗiy ɓa.

Markus 6:20

Vi Herodə tay əgeslne sən Yohanna, asənək na ɗəf təstəs gəm salala yi; tay ətaɗni. Ya an aprəməka tay əttap sawɓa, də as pak tay əprəm wən nan də zən neki.

Luka 16:15

Yesu aɓsit na: Nokum, mokum aka kəsoŋgən ɗiy təstəs a maheret ɗiyi, ya Maŋgəlva asənək mokrokum, vi an məs ɗiy adawlaŋ va zəga metiŋgini, daryawi aza Maŋgəlva.

Luka 2:25

Ɗəf maɓɓan tay a Yerusalem adaka, iya nan na Simeyoŋ, ɗəf nan təstəsi, məgeslne' sən Maŋgəlva, tay əga əkõh na Israyel. Zeŋgile Salala tay akani,

Luka 23:50

Ɗəf tay iya nan na Yosef, taka naret ɗiy məsɓeti, ɗəf moggoni, təstəsi.

Yohanna 7:18

Ɗəf məzupel na kiyən na, gagdak nan adawkayani, ya ɗəf məzukayan gagdak na məs dəsləna, nan təstəsi, mambray tay azan ɓa.

Wəza net Masləŋɗe 10:22

Net aɓɗaŋ na: Korneliyus yi daya net məzəlpaŋ səkat, ɗəf təstəs, məgeslne' sən Maŋgəlva, məs mə Yudeɗ dəwən net pak adawpeleŋ akan moggoni, maslay salala dənah sən na dəsləngən əkoyok kəlgən ananda kaprəm əpel səmoko.

Wəza net Masləŋɗe 22:12

Ɗəf tay adaka, iya nan na Ananiyas, ɗəf məgagdakan Maŋgəlva va aza mahenziŋ namə, mə Yudeɗ nadak pak tay əpeleŋ moggon akani.

Wəza net Masləŋɗe 6:3

Vasna, milmiŋgiɗwa, muwel ɗiy məza wən aket ɓa buhul sə walaŋkum, məknehit də əmpəsa gəm də maɗɗula, məɗigin vi wəzaŋka.

Roma 13:13

Mədawsəm va məs dəslə, va kapaya, məza əzəm də əsa mbazla day ɓa, əkuh a gizbe mãy ɗarɗar ɓa, əgaya gəm kotorok ɓa.

Roma 13:3

Vi məlyeŋge na nawgəslne' sitiŋ an ɗəf tay əɗɗa moggon ɓa, an ɗəf tay əɗɗa mbərayni yi. Mok tay aka əgeslne sən daya na dələv ɓa sa? Agəɗ moggoni, asna wakərah əɗi kiya səzani.

Roma 14:18

Vi ɗəf məs dəgəɗ sən wəza sən Kristu addəv as pak na, tay lew aza Maŋgəlva, ɗiy wannekeŋ dəndəni.

Roma 2:29

Ya əssa mə Yuda təstəs na addəv mahaɗamay, əskəlawra nan na a makrani, səza an məverin asil ɓa, səza Əmpəsi, əɗi kiyən səzet ɗiy ade ɓa səza Maŋgəlva yi ade.

1Korintus 4:5

Vi vaski kədatawaŋ wən dafsən tak əzza na Daya ɓa, ndəni nawkekeɓe an dəɗam ara guzliyo gəm narban an dəsan a makret ɗiyi. Asna naway pak warah hara gagdak nan səza Maŋgəlva.

2Korintus 13:7

Əŋgla nam aba Maŋgəlva na, kədaɗɗaŋ mbərayən ɓa. Məde vi karban təstəs nam ɓa, vi kəɗɗaŋgən moggoni, də məsam məddakəm pakə.

2Korintus 6:8

Addəv əɗi kiya awaniɓa addəv əzele, addəv əpel moggon akamə awaniɓa addəv əpel mbərayən akamə; məɗimi ka məwaŋ wəna, dəka addəv gesiŋ mənani.

2Korintus 8:18

Məslən məlməm məs ɗiy na məzutafaŋ pak adagagdakanən vi wəza na Alabara Nenek məs adarban dəndəni.

2Korintus 8:21

Vi nam mənam tat əzga sləma aka əɗɗa zəga moggon ama hara Daya kaka ɓa, ama heret ɗiy pakə'e yi.

Galatiyen 5:22

Ya uwa na Əmpəs na ndəni: Əŋgla, ənneke, zazaya, əɓəsa, ulasahã, əɗɗa moggoni, ətafa,

Efesus 4:25

Vi vaski məppan uwa wəna! Ɗəf pak dəpel gesiŋ aza meggeni, vi gəɓa zəm taka mənani.

Efesus 5:9

Vi uwa na əkeɗeɗe'e: ndəni moggoni, təstəssə də gesiŋ.

Efesus 6:14

Məziw ziw kana, miynan dadakkum də gegesiŋ, mugul təstəs ka lukut na təbəza,

Əmsak aka Mahenziŋ 16:20

Təstəsə, əɗɗa zəga təstəsə, anan kədawkayani. Vi kəsokgən modoroko gəm kəmõhgən dələv məs Yawe Maŋgəlva nok adapsuko.

Filipi 3:1

Kakaŋ na milmiŋgiɗwa, mənneken zukum addəv Daya. Nəppan na gabba əver sukum zəga məs nəver sukum səkay ɓa, wasɓokum.

Kolosi 4:5

Mədaw də maɗɗula a walaŋgit ɗiy nappaka. Kədawzanən pay ɓa.

1Tesaloniki 4:12

ka ədaw nokum dərbəgən va an dəslə azet ɗiy-ɗarə, kədassoŋ vi ɗəf ɓa.

1Timote 2:2

viyit məlyeŋge dit deyeɗe vi məsamgən addəv zazay fendeŋ, də geslne na Maŋgəlva gəm də əɗikiya.

1Timote 3:11

Gil pak vaska'e, dəssoŋ də maɗɗulet moggoni, adassoŋ məgeyetin ɗiy ɓa, dəssoŋ mətaɗən ziti, məɗɗaŋ zəga pak aka tələn.

1Timote 3:4

Dədawgən gəla nan moggon moggoni, dərme kirtin addəv əprəm ma gəm əɗikiya.

1Timote 4:12

Ɗəf adawzelok vi kəsok gawla ɓa. Asok azet ɗiy məs dətafaŋ pak va zəga narban sit tive, də əpele, də ədawa, də əŋgla, də ətaf gəm də əssa salala.

1Timote 5:10

ɗiy dəsəntən sən wəza moggon nata: Vi təzgələk kirni, tətafək melekeɗi, təskoɓək tilit ɗiy en salala, təbbah siti ɗiy en dəssoŋ addəv əzəmsahã, təppanək kiyət ammba wəza moggon awandi pakə.

1Timote 5:2

sit gil məsɓeti, va sit mãy moko; sit gil en kirin kirini, va sit milmiŋgiɗuk məguluŋgiti, də mokrok barə.

Titus 1:8

Ya dəsan mətaf melekeɗ annanda, məŋgəl əɗɗa moggoni, məs maɗɗulani, ɗəf təstəsə, salala, mərəm ki zəni,

Titus 2:14

məs dəppan kiyən viyəm vi kamam səka mambray pakə, abbur ɗiy kanan dəssoŋgən məs kotorokɗe naɗɗa wəza moggoni.

Titus 2:2

mezeɗ dəslanən ziti, dəssoŋ məɗiyaŋ kiya, məpeleŋ naprəma, dəziwweŋ addəv ətaf an salala, addəv əŋgla gəm addəv əsok zə ɗəfa.

Titus 2:7

addəv zəga pakə. Is sən kiyuk aslək kəsokgən va zəga nawla azok addəv moggoni, addəv əyaka, addəv əssa salala, addəv əɓe'e.

Titus 3:14

Ka ɗiy nam tam dəsokəngən zit əyagan əɗɗa wəzeɗe moggeti, vi dəbbahaŋ sitingin ɗiy meɓɓeti an wəray nan tay, adassoŋ məza atəraŋ na ɓa ɓa.

Ibriɗe 11:2

Ətaf vani dəɗɗa məpel aket ɗiy en lahəŋ moggoni.

Ibriɗe 13:18

Məkkaman Maŋgəlva viyəm pay pakə. Vi məsənka makram bari də əɗɗum nawdaw də tiven addəv zəga pakə.

Yakob 1:27

Aba Maŋgəlva Afən na, əzba an dəslə yaŋka: əzga sləma aket mitiwɗeŋge gəm aket gil net gəbayɗe addəv əzəmsãhã neti, gəm ətaɗ kizə ɗəf ka adawraygən zən dit zəgeɗ negge ɓa.

Yakob 3:17

Ya maɗɗula an nawsən zəga məs dəde sə disiŋ, nan salalayi. Nan tay əki əssa zay də ɓatɓatə, də bayna, awɗeket ɗiy ɓa, awa tepelke aket ɗiy ɓa.

1Piyer 1:22

Kubburunək megenegenekum də əɓe' sən gegesiŋ vi kaŋgliw milmiŋgiɗkum məs dətafaŋgə məza muluvuluvu ɓa. Məŋglu zukum də mokrokum bar pay pakə.

1Piyer 2:12

Wədaw nokum dəsan moggon awaleŋgit ɗiy məs dəsənən Maŋgəlva ɓeŋki, vasna an aɗikumənək va məɗɗaŋ mambray daydayə, an tahəŋ ulanən wəza moggon nokum, wagagdakanən Maŋgəlva pay adazani.

1Piyer 4:8

Ya an dəday pak na, məŋglu zukum mokrokum taka, vi wəŋgla awsərət kiyit mambrayɗe diyɗa.

2Piyer 3:1

Bayneŋgiɗwa, letər masula'ən nədawver sukum yaŋ ləŋgə, addiviti, nəŋgəl kafɗahan sukum əɗɗum moggon addəv maɗɗulokum.

1Yohanna 3:18

Kirin nawa, mədaŋgla də əpel ɗar awaniɓa də ma ɓa, dəsan də wəza gəm də gegesiŋ.

1Yohanna 3:3

Ɗəf məs də əɗɗum vas akan pak wabbur zən va nan van asan mubburun.

1Yohanna 4:1

Bayneŋgiɗu na makrawa, kədawtafən əmpəs awandi pak ɓa; mule əmpəsɗe vet lewlewi, kawsənən an səza Maŋgəlva azzoŋgu, vi məskəleŋɗe na uwawən agulyoŋguk diyɗa ammba dəlva.

Ɗerewel nat Rut 3:11

Gəgaŋ kan na wətuwa, kəsok də geslne ɓa. An kənah pak wanəɗɗa suko. Vi ɗiy sənamda pak asənnək lewlew na, guluk na sləma kənanə.