Filipi 4:19 - Bible en Guidar

¹⁹ Maŋgəlva naw dəknahan sukum wəray nokum pak də Yesu Kristu va aza gagdak nan metiŋgini.

Nouveau Testament en Guidar

¹⁹ Maŋgəlva naw dətər sukum wəray nokum pakə, də gakdak nan metiŋgini, məs na dəv Zezu Krestu.

Bible en Guidar

¹⁹ Maŋgəlva naw dəknahan sukum wəray nokum pak də Yesu Kristu va aza gagdak nan metiŋgini.

Filipi 4:19 ပူးပေါင်းရင်းမြစ်များ

Va'Atəŋ 48:15

Aɓuhma sən Yosef amna: «Maŋgəlva məs afiŋgiɗu, Abraham də Isak adawaŋ abani, Maŋgəlva məs dətaɗu səza məwu hã gap dəpaŋkəŋka,

2Samiyel 22:7

Addəv tatwãh nawa, nəyak Yawe, yaŋ nəya Maŋgəlva nawa. Aprəmək wəlaw səddəv gəla nani, əhəm naw agapək a sləmani.

2Alabaraɗe Də Mabərkiziti 18:13

Yaŋ Mika amna: «Də iya na Yawe madaran, an Yawe Maŋgəlva naw adawnah suwa, anan nədawpele.»

2Alabaraɗe Də Mabərkiziti 31:8

Hizkiya dit ɗiy gugriɗ naban, payaŋ ulanən məkkelet neti, aɗɗaŋ soko sən Yawe gəm sit ɗiy nan mə Israyelɗe.

Nehemi 5:19

«Aɗɗum akaw moggoni Maŋgəlva, sən an nəgəɗ ammbet ɗiyiŋ pakə.»

Nehemi 9:15

Hã sə disiŋ kipsit way nawbay may neti, kəgilgit sit iŋkile səddəv milɓe vi kawbey sit meme neti. Yaŋ kənah sit dəzzoŋgən əmõh dələv məs kəslan vok napsiti.

Gəlyaɗe 104:24

Wəzaɗe nok diyɗaŋgə, Yawe! Də maɗɗulok kəɗɗe pakə, dəlvafuŋ aknahək dit zəgeɗ en kəzəməɗə.

Gəlyaɗe 130:7

Aga səva Yawe Israyel, vi Yawe tay də mbəlembəle də əvəla, gəm əbite.

Gəlyaɗe 36:8

Maŋgəlva moggon nok na sləma yi! Ɗəf titir ara zeŋgile na perslekok adawɗama.

Gəlyaɗe 84:11

Vi əvoŋ taka adaŋgla anokda, adayək ki əvoŋ gabal a təki mbərni, An nəwel na: əssa aka ma tive na gəla na Maŋgəlva nawi, day ki əssa a gizlirkeɗe net məs mambrayɗe.

Daniyel 6:22

Yaŋ Daniyel azlan ama məlĩ na: «Məlyã! Ənziya nok dəsan hã faɗə!

Mika 7:7

Ya nawa, aza Yawe nədawla, səza Maŋgəlva nədawga əkõh nawa, Maŋgəlva naw waprəmwa.

Malakiya 3:10

Məki makəlaw zəga nokum pak addəv gəla nawzaɓa. Zəga nawzəm dəsangən addəv gəla nawa. Əŋga məslu kan aka wənəska, Yawe Məzuɓappak anahə, kulanəŋgən an kpak nəkol ma disiŋ vikum də wəɗɗa zazay akokum diyɗa ɓa.

Matiye 6:32

Vi zəgeɗis pak ɗiy-ɗar tay əkeyetin met homtokhomtoku. Vi Afukum na disiŋ asənək na mokum tay aket zəgeɗis pakə.

Yohanna 20:17

Yesu aɓsət na: Kədawrəŋgu ɓa, vi nəpeŋ aza Afən tagay ɓa, ya dok azet milmiŋgiɗwa, anah sit na, in tat əpeŋ aza Əbba məs dəsan Afukum, aza Maŋgəlva nawa məs dəsan Maŋgəlva nokum.

Yohanna 20:27

Yaŋ aɓsən Tomas na: Atəl pərəŋ vok aŋka. Awla vawa, atəl voko, agul aka təkzləmwa, apan ənzla ma, atafə.

Roma 1:8

Dabəŋ nani, in tat əɗɗa əsoko sən Maŋgəlva naw də iya na Yesu Kristu aka wən nokum pakgukum, vi tay əpeleŋ aka wən na ətaf nokum aka dələv gboŋgu.

Roma 11:33

Arya, maɗɗula gəm əsən na Maŋgəlva kpumi. Ətawwən nan gabban akkos ɓa. Gabbet tiveɗ nan awsən ɓa.

Roma 2:4

Awaniɓa moggon nani, əssa nan haran sekke gəm əɓəs nan kədawzelen sa? Məza əsən tay akan ɓa, kəsən na moggon na Maŋgəlva tay əreɗuk kəɗigən marava ɓa sa?

Roma 8:18

Vi in tat ula əzəmsahã na pay an kakaŋkəŋ aslə na də gagdak məs narbə səməŋ ɓa.

Roma 9:23

gəm karban diyɗa na gagdak nan sit mesteɓet na ulasahã məs azaɓ dafsən sən gagdaka,

2Korintus 12:21

An nədek anokumda əmpa na, nəŋgəl Maŋgəlva naw dəgəsawgən abokum gəm nəhəmgən viyit ɗiy diyɗa məɗɗaŋ mambraya, ya dəɗiyaŋ marava aka mambray də polkoyo gəm ɗarɗar net adaɗɗaŋgəŋ ɓa.

2Korintus 4:17

Vi əzəm nam kakaŋkəŋ kafkafi aza teɓelteɓel na gagdak an faɗ məs adawzaɓan səmə.

Efesus 1:18

Dəkekeɓe hara mokrokum vi kəsənəngən va an nawga dəde səza iya nan asani, va arya na gagdak na əzəmgəla asan a walaŋgit ɗiy salala.

Efesus 1:7

Addəvni mərah əbit kiyəm dit mbel nani, əvvuy net heslepeɗe, va aza mbəlembəle nan məza man awsla ɓa.

Efesus 2:7

vi karban arya na mbəlembəle nan məs dəday ki zəga pak addəv pay məs dədazzan də moggon nan viyəm addəv Yesu Kristu.

Efesus 3:16

Vi dəpsukumgən əɓap va aza arya na gagdak nani, kəssoŋgən gboŋgboŋ də Əmpəs nani, dəsangən ərəh na ɗəf na kəleŋgili.

Efesus 3:8

Su in məs nadəmmbet ɗiy en salala pak məvay mbəlembəle əŋ narban arya na Kristu məs akkpe' ɓa.

Filipi 4:7

Zazay na Maŋgəlva dədayki zəga məs ɗəf adawɓap əsən pak waga mokrokum də əɗɗum nokum addəv Yesu Kristu.

Kolosi 1:27

Maŋgəlva aŋgələk ərban gagdak na wən məɗama nan metiŋgin məs azaɓan viyit ɗiy-ɗar pakə, ndəni Kristu məs na mokrokum, əga na gagdaka.

Kolosi 3:16

Əpel na Kristu dəsan a walaŋkum də ərəh nan pakə, məyagan gəm məbbah sən zukum də maɗɗula. Məyə sən gəlya sən Maŋgəlva də mokrokum, gəlyanalva, gəlya gəm gəlya dəde səza Əmpəsa.

1Tesaloniki 2:12

Məpel sukumko, məsɓokumko, məziwgukumko vi kədawaŋgən va an dəslə də Maŋgəlva məs dəyukum aka məlĩ nan də gagdak nani.

1Timote 6:17

Aɗi sit wən nan sit məsaryeɗ kakaŋ naka dəlvəŋka, adawkaɓaŋ ɓa, adawɗiyən mekret aka arya məs asana faɗ ɓaŋ ɓa, ya dəɗiyən mekret aka Maŋgəlva məs dədapsəm zəga pak na mekeleŋ, mənekengən zəm dəndən.

Filemon 1:4

In tat əgəɗ sən soko sən Maŋgəlva pay pak in tat əɗɗum akok addəv əkkam nawa.

1Piyer 5:1

Yaŋkəŋ kan na, in tat əsəɓ sit ɗiy məsɓet na walaŋkum, in ɗəf məsɓaw va ndəɗaŋ, miziwe na əzəmsãhã temtem na Kristu, in məs də haran naw addəv gagdak narban zəni.

1Piyer 5:10

Ya Maŋgəlva afən mbəlembəle məs dəyukum addəv gagdak an faɗ addəv Kristu wasɓokum dəvani dərɓaga sãhã məs kəzəmaŋ ənziya siɗikke; waɓɓəlokum, wapsukum gbogboŋgo, waziwgukum ɓəlɓələ.