Filipi 4:1 - Bible en Guidar

¹ Milmiŋgiɗu na makrawa, maw aka ulukum, mənokumtə ənnek gəm gagadak nawa, vasna məziw ɓəlɓəl addəv Daya bayneŋgiɗwa.

Nouveau Testament en Guidar

¹ Munokum milmiŋgiɗu bayneŋgiɗwa, vi vaski məsap vas də Ɗəfdaya, əntatə ɗum na məsa ulukum sawɓa, munokumtə wənnek nawa, munokumtə mətər kiya nawa.

Bible en Guidar

¹ Milmiŋgiɗu na makrawa, maw aka ulukum, mənokumtə ənnek gəm gagadak nawa, vasna məziw ɓəlɓəl addəv Daya bayneŋgiɗwa.

Filipi 4:1 ပူးပေါင်းရင်းမြစ်များ

Ɗerewel na Yob 31:36

wanəslan akki vawa, wanəɗup va kulpup na məlĩ akawa.

Gəlyaɗe 125:1

Gəlya nawpeŋ ədda əkkam a Yerusalem. Məs dəppanən əɗɗum net aka Yawe tahəŋ va mossorgo metiŋ na Siyon: aɓla ɓa, tay hã faɗə.

Gəlyaɗe 27:14

Aga Yawe; ampa təlko, asok zuko; aga Yawe.

Matiye 10:22

Ɗiy pak wazelkumən vi iya nawa. Ya ɗəf an dəziw ɓəlɓəl hã aza əgrak na wakõhu.

Yohanna 8:31

Yaŋ Yesu anah sit mə Yudeɗ məs dətafən na: An munokum tat addəv əpel nawa asna gewleɗ naw kənanaŋ gesiŋ.

Wəza net Masləŋɗe 11:23

Adan agapə, awla mbəlembəle məs Maŋgəlva agəɗ siti, zən anneke, yaŋ asɓet pak dəziwginingən a mekret nasso faɗ də Daya.

Wəza net Masləŋɗe 14:22

Aɓɓəletinik məzutafaŋgə gəm asɓetinik dəssoŋgən pay pak addəv ətafa. Aɓɗaŋ na: Də əzəm sahã diyɗa mədawtoŋ məlĩ na Maŋgəlva.

Wəza net Masləŋɗe 2:42

Assoŋguk pay pak aba əyak net maslənɗe, addəv əsap a walaŋ ziti, addəv uɗakan waya gəm addəv əkkama.

Roma 2:7

Zeŋgile nassa faɗ sit en məsokən zit əɗɗa moggoni, məkayanən gagdaka, əɗi kiya gəm zeŋgile məs amta ɓa.

1Korintus 15:58

Vini, milmiŋgiɗu na makrawa, məssoŋ ɓəlɓələ, kədaɓlaŋ ɓa. Məddoŋ abe abe addəv wəza na Daya pay pakə, məsən na əzəm sahã nokum asan na ɗar addəv Daya ɓa.

1Korintus 16:13

Məga, məmpa təlkum addəv ətafa, məssoŋ ɗiyi, məsɓan zukum.

2Korintus 1:14

adan kəsənən kiyən kiyən na, mənamtə zəga nawkaɓ nokum va nokum kəssoŋ zəga nawkaɓ nam pay na Daya nam Yesu.

Galatiyen 5:1

Ka məsamgən na kiymi Kristu apəlmə, məziw kan ɓəlɓələ. Ɗəf adakkpaŋgokum belemɗe əmpa ɓa.

Filipi 1:27

Ənziya nokum dəslə də Alabara Nenek na Kristu kaka'ə, vi an nədek ulukum, kəta in tat ɓa zlaŋ na, nəprəmgən alabara nokum na, munokum tat təstəsə, maɗɗulokum taka, megenegenekum taka, mənokum tat əgayaŋ sap də ətaf dəziw aka Alabara Neneke.

Filipi 1:8

Maŋgəlva yi miziwe nawa, nəŋglukumək diyɗa də əŋgla na Yesu Kristu.

Filipi 2:16

də ərma əpel na zeŋgile ɓəlɓələ. Wasan ənnek naw pay na Kristu, vi nənzaw ɗar ɓa, nəyə ɗar ɓa.

Filipi 2:26

Vi man aka ulukum pakə, azəmək sahã sawɓa va kəprəmənən na gbəgba' armaka.

Kolosi 4:12

Epafras ɗəf na nokum da asɗokumko, məgəɗ wəza na Yesu Kristu wi. Pay pak tay əgay də əkkaman vikum, vi kəssoŋgən ziw ɓəlɓələ, gərrakə gəm təstəs naɗɗa an Maŋgəlva aŋgələ.

1Tesaloniki 3:13

Vi dəsɓangən mokrokum, kəssoŋgən məza heslepe ɓa, salala aba Maŋgəlva Afəm pay əzza na Daya nam Yesu dit ɗiy salala nan pakə.

2Tesaloniki 2:15

Vas kan na milmiŋgiɗwa, məmpa təlkum mərma əsərək məs məyagan sukum ɓəlɓələ, an də əpel na mami, an də letər nami.

2Timote 2:1

Anoko wətuwa, asok ɓəlɓəl addəv mbəlembəle məs dəsan addəv Kristu Yesu.

Ibriɗe 10:23

məzban səm ərban əga nam məza əddak ɓa, vi məs diynan səm mani, nan akkpaŋgan man ɓa.

Ibriɗe 3:14

Vi mənam pak məkkpaŋgək ɗiy na Kristu, an mərmak wən nan də makram taka məppan ɓa va mərma wən nan aka wətəŋ nani.

Ibriɗe 4:14

Adan mənam tat də daya net məsdəlveŋge metiŋgini, ana Yesu Wətən Maŋgəlva məs dəgap a təki nassa na Maŋgəlva, mərmasəm ətaf mədawpel wən nanəŋ ɓəlɓələ.

2Piyer 3:17

Ya nokum bayneŋgiɗwa, kəsənənək wən nan daabəŋ. Məzi zukum, vi ɗiy məza mahenziŋ ɓeŋ adawzokumən kəskotoŋgən səka əziw ɓəlɓəl nokum ɓa.