Filipi 3:9 - Bible en Guidar

⁹ Vi nədawsaw aban də təstəs na kiyu məs dəde səza mahenziŋ ɓa, abbər an dəde səza ətaf Kristu, təstəs dəde səza Maŋgəlva dəziw aka ətafa.

Nouveau Testament en Guidar

⁹ Say wəsap də ndən kaaka nədaw kayani. Nəkayna ɗaah təstəs aba Maŋgəlva sən kiyu də wənna ma henziŋ ɓa. Amma əntatə kay əsso təstəs aba Maŋgəlva də ətaf Krestu, asna wanəsaw təstəs aba Maŋgəlva.

Bible en Guidar

⁹ Vi nədawsaw aban də təstəs na kiyu məs dəde səza mahenziŋ ɓa, abbər an dəde səza ətaf Kristu, təstəs dəde səza Maŋgəlva dəziw aka ətafa.

Filipi 3:9 ပူးပေါင်းရင်းမြစ်များ

Va'Atəŋ 7:23

Yas azan zəga an dəsan aka dəlvafuŋ pak faffaɗə, ɗiyi, zəgeɗ memeyẽɗi, vẽvẽɗe dit biŋgeɗ na disiŋ daydayə. Azetik kakãh pakə, Nuwe dit en naddəv bəlay azan dəppaŋ kaka'ə.

1Milyeŋge 8:46

An aɗɗaŋgək mambray azoko, vi ɗəf tay məza aɗɗa mambray ɓa ɓa, ya an kədək gədəv aketi gap kədeppet avet məzuzelɗe neti, gəm ɗiy dəskanən wəlet aketin aka balam aka dələv net məzuzelɗe net faraɗa awaniɓa go'o pakə,

2Alabaraɗe Də Mabərkiziti 32:25

Ya Hizkiya dəgəɗ soko ammba moggon an Yawe agəɗ sən ɓa, vi əkaɓ atoŋguk a makrani. Ndəni aprikgit herɗe na Yawe akani, aka Yuda gəm aka Yerusalem.

2Alabaraɗe Də Mabərkiziti 32:31

ya pay əzza net ɗiy gugriɗ na Babilon məslinit əssohõn wən na sekene məs dəgəɗ aka dələv van na, Maŋgəlva mbagəni, kawla nazani, vi kawsən an dəsan a makran pakə.

Gəlyaɗe 14:3

Dəwənnet amzlahaŋ məstaka, arayaŋka; məgəɗ moggon tay ɓa, təttaka dayday tay ɓa.

Gəlyaɗe 143:2

Kətoŋ addəv ətawwən də balam nok ɓa, vi ɗəf madaran tay təttaka təstəs abok ɓa.

Gəlyaɗe 19:12

Wakol sənənən hara gawla nok pak bodoŋgu; watər sən wəray diyɗa dawɓesiti.

Məsmaɗula 7:20

Vi ɗəf tay təttaka təstəs aka dəlvafuŋ məzəɗɗa an moggon məs aɗɗa mambray ɓa ɓa.

Isaya 46:13

Təstəs naw gu'oyi, tay ɓa' ɓa! Əkõh naw wanzi ɓa, wanəpsən əkõh naw sən Siyon. Wanəpsən gagdak naw sən Israyel.

Isaya 53:11

Səɓɓa tatwãh məs azəmə, wawla əkeɗeɗe'e, wabə. Gawla naw təstəs wakkpeŋget ɗiy diyɗa təstəs də əsən nani də əslan heslepe net akan dəvani.

Isaya 53:6

Mənam pak məzək va gilewi, naway pak agəmək tive nani. Yas Yawe aggbo' heslepe nam pak akani.

Isaya 6:5

Yaŋ nənah na, əray akawa! Nəzəka vi ɗəf məs man məpel daryaw nani, in tat aweleŋgit ɗiy məs met adawpel daryawə. Vi haraw awlak Yawe Məzuɓappakə.

Yeremiya 23:6

Aka pay nani, Yuda wakõhu, Israyel wasan kiyən foŋgo. Iya an adawyanən yaŋka: Yawe yi təstəs namə.

Yeremiya 33:16

Aka pay nanəska, kawkõhgəni Yuda, Yerusalem wasan fedeŋge. Va adawyanən yaŋka: «Yawe yi təstəs namə.»

Daniyel 9:24

Mətaw siti lumu taka təl kaklaw buhul sit ɗiy noko də walaŋgəla-metiŋ nok salala, vi kawtak əggbak ma gəm kawziwgin mambraya, kavvuyon heslepe, təstəs dəsangən hã faɗə, vi ula də kəleŋ dəsoŋgən gesiŋ gəm kawpesl məwele an salala day.

Matiye 9:13

Məddoŋ məyagan an dəɗam addəv wənəŋka, ulasahã nəŋgələ, əzaɓ-Maŋgəlva yi ɓa. Vi naw nəde vi kawye ɗiy en salala ɓa, abbər ɗiy mbəreyit ɓa.

Roma 1:17

Vi təstəs na Maŋgəlva tay ərba addəvən də ətafa gəm sən ətafa, va məverin na: Ɗəf təstəs wasan madaran də ətafa.

Roma 10:10

Vi a makra iyi ətaf nawka ɗəf aka təstəs asani, də ma ɗəfi əfet adawgilye nawka ɗəf aka əkõho.

Roma 16:7

Məsɗet mãy Andronikus də Yuniyan həlfiŋgiɗwa, makayeŋgiɗu na fərsənaŋ. Də gagdakəŋ a walaŋgit maslənɗe, ndəɗaŋ dətafən Kristu daabəŋ kiwa.

Roma 5:21

Vi, va mambray azəm məlĩ addəv əmta, vaska'e mbəlembəle adawzəm məlĩ də təstəs vi zeŋgile an faɗ də Yesu Kristu Daya namə.

Roma 8:1

Vas kan na, kakaŋ na ətawwən tay narme ɗiy dəsapaŋ də Yesu Kristu ɓa.

Roma 8:3

Vi, zəga an mahenziŋ aɓap na ɓa yi, vi gəɓa zə ɗəf tay əddakani, Maŋgəlva aslənək Wətən də gəɓa zən va gəɓa zə ɗəf na mambraya, dəwəl sən mambray na, atawwən aka mambray addəv gəɓa zə ɗəfa.

1Korintus 1:30

Dendəni, nokum, kəssoŋ addəv Yesu Kristu, məs dəkkpaŋ maɗɗula dəde səza Maŋgəlva vimə, gəm əmpa təstəsə, salala gəm əbite.

2Korintus 5:17

An ɗəf tay addəv Kristu na, akkpaŋgək ɗəf meleketeni. Zəgeɗ məzvet pak atoŋgoŋko, zəgeɗ pak akkpaŋgək meleketeni.

2Korintus 5:21

Ndən məs dəsən mambray ɓa, akkpaŋgan ka məs dəgəɗ mambray vimə, vi namə, məkkpaŋgən təstəs na Maŋgəlva addəvni.

Galatiyen 2:16

Məsənka, ɗəf tay nawsan təstəs də wəza na mahenziŋ ɓa. Abbər də ətaf Yesu Kristu ɓa, nam pak mətafək Yesu Kristu, vi məsamgən təstəs də ətaf Kristu məza də wəza na mahenziŋ ɓa. Vi ɗəf tay nawsan təstəs də wəza na mahenziŋ ɓa.

Əmsak aka Mahenziŋ 27:26

«Wəray aka ɗəf məs dəzban wəpel na mahenziŋgəŋ kaɗɗa wəza dəndən ɓa!». Ɗiy pak dəzlanəngən na: «Dəsan vaska!».

Filipi 3:6

Dəwəl sən əsok zu na, məsər met məzutafaŋgə, dəwəl sən əssa təstəs addəv mahenziŋ na, məza heslepe ɓa.

2Timote 1:9

Ndən məs dəkõhgəmə, dəyəm də iya salala məza aza wəza nam ɓa, ya aza an aynə gəm mbəlembəle nani. Mbəlembəle məs məpsəm addəv Kristu Yesu far na sete,

Titus 3:5

akõhgəməka, vi wəza an məgəɗ təstəsi ɓa, ya vi ulasahã nani, də ərəh baptem nakkpaŋ meggeɗe gəm nakkpaŋ meleketem də Zeŋgile Salala;

Ibriɗe 6:18

Zəgeɗ tahəŋ sula məza awpəlaŋ ɓa, ndəɗaŋgə iynama gəm əswaya, Maŋgəlva awəna wən dənɗaŋ ɓa, tay əsɓamən diyɗa mənam məs məppan zəga pak vi karma əga an məs anah napsəmə.

Yakob 3:2

Mənam pak mənam tat əraygən wən pay pak də tive temtem diyɗa. Ɗəf məs awraygən wən də wəpel nan ɓa, nan ɗəf moggoni sawɓa, asənək ərma zən səza mambray pakə.

2Piyer 1:1

Simeyoŋ Piyer balam gəm maslən na Yesu Kristu, sit ɗiy məs də ətaf məstaka də mənam addəv təstəs na Maŋgəlva namə gəm na Məzukõhgəm Yesu Kristu.

1Yohanna 3:4

Ɗəf məgəɗ mambray pak ki mahenziŋ adaggara'e, vi mambray əggar ki mahenziŋgi.