Filipi 3:19 - Bible en Guidar

¹⁹ Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

Nouveau Testament en Guidar

¹⁹ Wəgrak na wənnet pak say də wəzzan ziti, gədəfti maŋgəlva neti zəga na willi azet ka gakdak neti. Wəɗum net say aka zəga nanziya egge kaaka'ə.

Bible en Guidar

¹⁹ Əgrak net na əzay yi, gədəvti maŋgəlva neti, zəga net willi gagdak neti. Əɗɗum net na aka zəga negge yi.

Filipi 3:19 ပူးပေါင်းရင်းမြစ်များ

Gəlyaɗe 17:14

Yawe azet sə weleŋgit ɗiy də voko, səret ɗiy gəm səka dəlva, haran net yaŋ addəv ənziyaŋka! An dəpəl suk na, azlər sit əzəmsahã addəvti! Kirtit dəbaŋgəni, dəppaŋgən madambərgən tam sit kirtiti.

Gəlyaɗe 52:1

Səza daya net məyaŋgəlya. Əpel-məmyã'ən na Davit.

Yeremiya 44:17

Vi əpel an dəgil səmam pak mədazba, kawzla tursan sət Ma'ãyək na disiŋ, waməpeslit va məgəɗə, mənamə, efiŋgiɗmə, milyeŋge namə, deyeɗe namə, a walaŋgəleɗe gugriɗ na Yuda gəm aket tiveɗ na Yerusalem. Gala mədaɗɗa zəgeɗiski, mənam tat əba də zəga nawzəma, mənam tat əsam zayə tatwãh tay məwəl ɓa.

Ezekiyel 13:19

Mənokum ərnokowən abet ɗiy nawa. Ammba kawrəh hay vokum zloŋ gəm way pəɗaw mənokum əbey ɗiy naw en nawbayəŋ ɓa, əppetin en nappaŋ ɓa, uwaŋ wən sit ɗiy naw dəŋglaŋ əprəm uwa wəna.

Ezekiyel 34:3

Moŋvo kədawsaŋgə, lukut na zeŋze kədawguloŋgu, gilew məkirit kədawtawaŋ a matuya; ya gilew vet kawteɗnin ɓa.

Hose'a 4:7

Va assoŋ diyɗeŋki, aɗɗaŋgək mambray akawa, wanəkkpaŋgan gagdak net ka ərba wili.

Mika 3:11

Ɗiy gugriɗ tay ətawənwən ammba əraha; məsdəlveŋge tahəŋ ərbanən wən ammba ərəha məskəleŋɗe tahəŋ əskaŋ helig vi kawrah koɓeɗi. Də as pak tahəŋ əziw aka Yawe də ənah na: Yawe tay a walaŋgəm ɓa sa? Tatwãh ade na akam ɓa!

Mika 3:5

An Yawe anah aket məskəleŋɗe məzetin ɗiy nan yaŋka: An zəga tay a bereti, ndəɗaŋ ənahaŋ na zazay tayi, ya ndəɗaŋ əɗɗa əgay də ɗəf an dəgul sit zəga a beret ɓa.

Malakiya 1:12

Nokum dərəŋ na, mənokum tat əraygən də wənah na: «Tabəl na Yawe na mərnokni. Way nakan na zəga ɗari.»

Matiye 16:23

Yaŋ Yesu akkpaŋgan harani, aɓsən Piyer na: Azar səzawa Satan! Zəga nazbərgu kənani, vi əɗɗum nok tay va na Maŋgəlva ɓa əɗɗum nok va net ɗiyi.

Matiye 25:41

Asna wanah sit ɗiy en naka van zlaɓay na: Məzar səzaw faraɗa munokum məs məraygukum, məddoŋ aka offo məs amta ɓa hã faɗə, məs məzaɓan vi diyabəl dit maslayɗe nani.

Luka 12:19

Asna wanənah sən megenegenew na: Megenegenewa, is tat dit zəgeɗ mogget diyɗa məzeɓet viyuk vi wəzva diyɗa. Affeti, azəmə, asə, azlərə.

Luka 16:19

Ɗəf maɓɓan tay məsarya, məzugul lukutɗe pepreŋɗe na gabaga na ngərayã kukulfuto. Pay pak ndən əɗɗa əzləra gədakə.

Luka 18:4

Ya mətaw wən van anziyək aka əɓoŋgo, ya dərɓagani, aɗɗumuk a makran na: Də nawgeslne' sən Maŋgəlva ɓa, ɗəf titir ɓa zlaŋ,

Roma 16:18

Vi zeŋvit ɗiy en veski, wəza na Daya nam Kristu adaɗɗaŋ ɓa na gədivti. Tay əmbəɗetin ɗiy məs dəsənaŋ gabba zəga ɓa də ma neneke gəm də əpel nawmbəɗa.

Roma 6:21

Mi kərəhaŋ kan də wəza nan di? Gesiŋ wil tay ədukumən sit zəgeɗ kəɗɗaŋ vet kakaŋka, vi əgrak net zəgeɗ vet əmta yi.

1Korintus 3:3

Vi addəv əŋgla na gəɓa zukum kənanaŋgə'e. Adan kotorok də əgay tay a waloŋkum na, addəv əŋgla na gəɓa zukum kənanaŋ gəm va əŋgla na gəɓa zə ɗəf kədawdawaŋ ɓa sa?

1Korintus 5:2

Yaŋ kədawkaɓaŋgə! Əhəm kədawhəhəmaŋ dərəŋ ka ɗəf məgəɗ zəga vas dəgilgən sərokum ɓa sa?

1Korintus 5:6

Əkaɓ nokuməs lewi ɓa, kəsənən na wuɗo siɗikke dədawhəs gəpa məllaɓəŋ pak ɓa sa?

2Korintus 11:12

An məs nədaɗɗa, anan nədaɗɗa'e, vi kawtak met ɗiy məzukayaŋ batam nawgagdakan zit dawla zit məstaka də mənamə.

2Korintus 11:15

Vini, tay naɗɗa gərəŋ akan an məɗɗaŋ nan tay əɗinən zit va məɗɗaŋ wəza na təstəs ɓa. Əgrak net wasan məstaka də wəza neti.

Galatiyen 6:13

Vi, də assoŋ məskilit awra zlaŋ, armanən mahenziŋ van ɓa, ya aŋglaŋ kəskəlaŋgən awra, vi kawkaɓaŋ də an məs aɗɗaŋ addəv gəɓa zukum.

Filipi 2:21

Vi pak zəga sən kiya adawkayanəni, məza en na Yesu Kristu ɓa.

Kolosi 3:2

Məɗɗum aket zəgeɗ en na disiŋ, məza aket zəgeɗ naka dələv ɓa.

2Tesaloniki 1:9

Əzga' an adawrahaŋ na, əza hã faɗi, faraɗa sə ma hara Daya gəm faraɗa səza gagdak na gbogboŋ nani,

2Tesaloniki 2:12

Vi wən dəsangən mətawən aket ɗiy məs dətafən gesiŋ ɓa pakə, məs dədannekeŋ də an məs təstəsi ɓa.

2Tesaloniki 2:8

As kan na, ɗəf mbərayən nak warban zəni, Daya Yesu wabay də əmpəs na mani, wazan də gagdak na əzza nani.

1Timote 6:5

əgay nan məza meŋge ɓa yi a walaŋgit məza əsən aket ɓa, gegesiŋ azək sə ma hereti. Azet na, əgeslne sən Maŋgəlva na, suwer ərəh arya yi.

2Timote 3:4

Məzəmaŋ kiyit ɗiyi, mədaŋgədəva, məɓaygənən kiyti, məŋglaŋ əŋgla na gəɓa zit dayki Maŋgəlva.

Yakob 4:16

Ya munokum dal wəgakdakan zukum də wəɗi kizukum də wəpel nokum. Zev wəɗi kizukum an vas tay lew ɓa.

2Piyer 2:1

Va məskəleŋɗe məwaŋ tepelke azzoŋ aweleŋgit ɗiy lahəŋka, vaski yi'e mərbaŋ wən na tepelke adazzoŋ a waloŋkum. Wakiyaŋ zəga narba na tepelke məs nawkan a təki nawza, wazelenən Daya məs dəkõhgiti, vi vaski əza warihe.

2Piyer 2:13

Wazəmaŋ sahã a gəla mbərayən neti. Tahəŋ ənnekenən zit də əknahan əsim zəga na gəɓa zit mbərayən a maheret ɗiyi, tahəŋ əzəmaŋ də munokum, tahəŋ ənnekenən zit də əɗɗa vurum neti.

2Piyer 2:3

Addəv əsim deleɗ neti, wawaŋ sukumən tepelke vi kappətkumənən. Far mətawwən aketi, əza net aliy na ɓa.

Zuda 1:10

Ya ɗiy vetiski, tahəŋ ərahnən zəga məs dəsənən ɓa. An məs asənaŋ na gəɓa zit va zəga mamayã ndən dədawzeti.

Zuda 1:16

Ɗiy veti, tahəŋ əpeleŋ wərwər əɓuhnən meti, əzbanən əsim zəga neti. Tahəŋ əgagdakanən ziti, tahəŋ əɗinən kiziti, vi dərəhaŋgən an məs aŋglaŋ.

Zuda 1:4

Vi ɗiy meɓɓet tahəŋ dətoŋgoŋ a walaŋkum, məs məver wən nawtaw aket farə, ɗiy mbəreyit məs dədakkpaŋganən mbəlembəle na Maŋgəlva nam azet ka zəga ɗarə, dəppanən mərbəzəga an taka ana Daya nam Yesu Kristu.

Hənhən 18:7

Va adattəman nek addəv gagdak nan gəm addəv ərəh nan diyɗaŋka, məwan əzəmsahã nan də wəska morkoyo nan gbaska, vi tay ənah a makran na: Aka mazaŋga na məlĩ nan va ma'aykə, gagəbay nan kpak ɓa, əmta arəhu na ɗah ɓa.

Hənhən 19:20

Mərmani zəga mamayã nak a fərsəna, gəm məskəleŋ məwə tepelke məgəɗ sekeneɗ aban məs dəmbəɗet ɗiy dətafən voɗoko na zəga mamayã naka gəm agagdakanən zeŋgileni. Zəga mamayã də məskəleŋ məwə tepelke nek pak məzgeti mederet addəv vov na offo muhurən.

Hənhən 21:8

Ya ɗiy mədekti, məɓoŋti, məɗɗaŋ zəga an na henziŋ, mãy məbayaŋ ɗiyi, məkuhwaŋ a gizbe, məɗɗaŋ sekene, məzbetin zəgeɗkamaŋgəlva, məwaŋ tepelke pakə, net təki net na, ndəni pehe məs offo adawzla adak va muhurən, ndəni kan əmta an ma sula'ən.

Hənhən 22:15

Ya məɗɗaŋ ɗarɗarə, dit məɗɗaŋ sekene na tuya, dit məɗɗaŋ mana'a, dit məbayaŋ gəbaya, dit məzugagdeketin zəgeɗkamaŋgəlva, dit məŋglaŋ tepelke dit məwaŋ tepelke, vavyak azeti wassoŋ amapoho na walaŋgəla nani.

1Samiyel 2:29

Vimi kədawndapanən əzaɓ-Maŋgəlva naw gəm əvəl məs nəɗi wən nan a təki nassa nawa, kəɗi kiyit kirtuk daykiywa, kawkərgən zukum də zəga nawvəl maddaabəŋ na Israyel ɗiy naw di?