Filipi 3:10 - Bible en Guidar

¹⁰ Ka nəsəngən Kristu də əɓap na əsilye nan səka əmta, nəsapgən dəndən addəv əzəmsahã nani, nəsawgən va ndən addəv əmta nani.

Nouveau Testament en Guidar

¹⁰ An nədaŋgla na, nəsən gən Krestu də sembe nani məs asil sətəki əmta nani, də wəsap dəndən də wəzəm saha nani, nəsaw gən va ndən də wəmta nani.

Bible en Guidar

¹⁰ Ka nəsəngən Kristu də əɓap na əsilye nan səka əmta, nəsapgən dəndən addəv əzəmsahã nani, nəsawgən va ndən addəv əmta nani.

Filipi 3:10 ပူးပေါင်းရင်းမြစ်များ

Yeremiya 9:23

An ɗəf man aka əkaɓ na, dəkaɓ dərəŋ vi tay də əsən naprəm gabba wəna gəm asənwəka, Vi in Yawe tə nədaɗɗa an moggoni, an sarara gəm an təstəs aka dəlva. Vi addivit zəgeɗ vas nədawnan neki Yawe aɗiymani.

Matiye 20:23

Yaŋ Yesu aɓsit na: Wakəɓapən wəsət huloŋguk na tatwãh nawa, Ya wən nasa aka dəzəŋ naw gəm aka zlaɓay naw na, intə naɗɗan ɓa. Tay viyit ɗiy en Afu azaɓani.

Yohanna 10:18

Ɗəf tay nawɓap əgəm su ɓa, in nədappan də vawa. In tat də gbogboŋ nappani, in tat də gbogboŋ namsak əgəmən. Aski mahenziŋ nərah səza Əbba.

Yohanna 17:3

Zeŋgile an faɗə, ndəni dəsənkungən na istə kaka' Maŋgəlva an gesiŋ gəm Yesu Kristu məs kəslənə.

Roma 8:17

Ya an kirtin mənani, məzəmgəlaɗe mənani'e, məzəmgəlaɗe na Maŋgəlva gəm məzəmgəlaɗe sap də Kristu, an gesiŋ mənam tat əzəm sahã sap dəndəni, wamərah gagdak sap dəndəni'e.

Roma 8:29

Vi ɗiy en asən dafsən na, aɗiyik dafsəne'e dəssoŋgən va Wətən asani, vi nan dəsangən uwa maddaabəŋ naret milmiŋgiɗin diyɗa.

Roma 8:36

Va məverin na: Aka wən noki adawbaymən ɗayɗayə, tay uləmən va timeŋgiɗ nawtaw wəleti.

2Korintus 1:10

Ndən dəkõhgəm səma əmta metiŋgiska, ya wakõhgəmə'e, akani məɗi əga namə, wakõhgəm əmpa'e.

2Korintus 1:5

Va əzəm sahã na Kristu asan diyɗa ammbamə, vaski yi'e əsəɓ nam asan diyɗa səza Kristu.

2Korintus 13:4

Gesiŋ məkkpani aka məzliwrihe aka məddakən. Ya kakaŋ na madarani də əɓap na Maŋgəlva. Gesiŋ nam pak məddakəm mənan addəv əsap nam dəndəni. Ya waməsam madaram dəndən də əɓap na Maŋgəlva azamə.

Galatiyen 2:20

Madaraw nani ya intə əmpa ɓa, Kristuwi madaran addəvwa, vi əssa naw madaraw kakaŋkəŋka, in tat əsaw madaraw addəv ətaf Wətən Maŋgəlva məs dəŋgluwa gəm məs dəppan ki zən dəvan viwa.

Galatiyen 6:17

Təŋ kakaŋka, ɗəf adawki maw ɓa, vi naw, in tat dit voɗokeɗ na Yesu aka gəɓa zuwa.

Efesus 4:13

Hã gap məgapgən mənam pak addəv ətaf taka gəm əsən Wətən Maŋgəlva lewlewi, də əssa va ɗəf məsɓan nawsla addəv əɓay də gərrak na Kristu.

Filipi 3:8

Arbək na, in tat ula zəga pak ɗarə, vi nərahək zəga an na sləma dayə: Əsən Kristu Yesu Daya nawa. Aka batamni nətaf əzgan zəga pakə, in tat ula zəga pak va dagərgiya ɗarə, ka nərahgən Kristu.

Kolosi 1:24

Kakaŋ in tat ənnek addəv tatwãh naw vikum, in tat əknahan tatwãh na Kristu an dəpəl addəv gəɓa zuwa ammba gəɓa zəni, ana əsap net məzutafaŋgə,

Kolosi 2:13

Lahəŋka məmtukum kənanən viyit heslepeɗe nokum gəm gayã na gəɓa zukum, Maŋgəlva apsukumək zeŋgile dəndəni, avviyet sukumək heslepeɗe nokum pakə.

Kolosi 3:1

Adan kan məsilgukumi səka əmta də Kristu, vi vaski məkeyet zəgeɗ en na disiŋ, a təki Kristu asan aka va dəzəŋ na Maŋgəlva.

1Piyer 1:3

Məgəɗ sən soko sən Maŋgəlva, Afən Daya nam Yesu Kristu. Aɗɗak moggon nan azəmə, apsəmək zeŋgile meleketeni, vi asilgən Yesu Kristu səret ɗiy mimtiti. Aknahək makram də əga madarani,

2Piyer 1:13

Ya nəɗɗumonək na təsi, an in tat addəv gəɓa zuwəŋka, wanəfɗahokum də əɗɗumon sukum.

1Yohanna 2:3

Aza aski mədawsənən na məsənəka an mənam tat ərme mahenziŋɗe nani.

1Yohanna 2:5

Ya ɗəf an dərma əpel nani, əŋgla na Maŋgəlva tay gərak a makran gesiŋ. Də aski mədawsənən na mənam tat addəvən.

Hənhən 1:18

Intə ɗəf madarani, nəmtək lahəŋka, ya kakaŋ na madaraw nan hã faɗə. Intə tat də gagdaka aka əmta gəm aka təki nassa net ɗiy mimtiti.