Filipi 2:17 - Bible en Guidar

¹⁷ Ya an anəsaw va mbazla nawpesl aka əzaɓ-Maŋgəlva gəm aka wəza na ətaf nokum dayday na, zu neki, zu neki də mənokum pakgukum.

Nouveau Testament en Guidar

¹⁷ Ya an zəŋgiləw taya zokum va mbel na sazlaga ka meŋgeslin aka wətaf nokum aba Maŋgəlva, an vini gesiŋ na zu anneki wanəsapan wənek nokum.

Bible en Guidar

¹⁷ Ya an anəsaw va mbazla nawpesl aka əzaɓ-Maŋgəlva gəm aka wəza na ətaf nokum dayday na, zu neki, zu neki də mənokum pakgukum.

Filipi 2:17 ပူးပေါင်းရင်းမြစ်များ

Əŋɗa 28:6

Ndəni əvəl nawzla kurmbuɗuk an ɗayɗayə, va mədan aggərəm na Sinay məŋgənən affeteŋ makrani, way məhhətən sən Yawe yi.

Əŋɗa 28:7

Mbazla nawpesl nan ammba wət time mizilin an də mompumo na, litər taka də wəɗak nani. Ndəni mbazla nawpesl tatrãh napsən Yawe a təki nawzaɓ-Maŋgəlva.

Wəza net Masləŋɗe 20:24

Ya naw nawla zeŋgilew va zəga ɓa, abbər ki əgapgən ənza nawa gəm wəza naw məs nərah səza Daya Yesu: Ndəni ərban alabara nenek na mbəlembəle na Maŋgəlva.

Wəza net Masləŋɗe 21:13

Ya nan azlan na: Vimi kədawhəmaŋ gəm kədawzlagənən makraw di? Vi naw na, nəslak zuwa, vi kaɓrukwi kaka ɓa ya kamta'e a Yerusalem aka wən na Daya Yesu.

Roma 12:1

In tat əɓɓəlokum kana milmiŋgiɗwa, də ulasahã na Maŋgəlva kərahaŋgəŋ na, məpsən zukum ka əzaɓ-Maŋgəlva madarani, salala, məs dəslə sən Maŋgəlva. Aski əpəl nokum dəslə na əpalən.

Roma 15:16

ka nəsawgən aka wəza na Yesu Kristu viyit ɗiy-ɗarə. Nəppanək ki zu sən Alabara Nenek na Maŋgəlva. Vi ɗiy-ɗar dəssoŋgən əvəl məpsən Maŋgəlva məs ataf lewlewi, məs Zeŋgile Salala akkpaŋget salala.

2Korintus 12:15

Azaw na, də ənneki nədawzan zəga naw pakə, wanəzan kiyu dayday vi zeŋgilokum. Wakəgəsgənən əŋgluwu vi nəŋglukum day sa?

2Korintus 4:12

Vasna: Əmta tay əɗɗa wəza addəvmə, zeŋgile tam əɗɗa wəza addəvkum.

2Korintus 6:10

Mədan səmi gədəvmə ya mənam tat zəm nek pay pakə, va məssehẽŋɗe, ya mənam tat əɗɗa ɗiy diyɗa ka məsaryeɗi, va zəga tay avam ɓa, ya mənam tat də zəga pakə.

2Korintus 7:4

Nəppanək makraw gərak akokum, ənnek naw diyɗa yi vikum, makraw affetke, nəknahək də ənnek diyɗa addəv əzəm sahã namə.

Filipi 1:20

Vi va aza əŋgla naw gəm əga nawa, zəga tay nədarba wil akan ɓa, gesiŋ va pay pak gəm kakaŋka, kawɗiyni ki Kristu addəv gəɓa zuwa, addəv zeŋgilewa awaniɓa addəv əmta nawa.

Filipi 2:18

Vaski mənokumə'e, mənneki, mənnek də iyna.

Filipi 2:30

Vi aka wən na wəza na Kristu akay əmta. Akay əzan zeŋgileni vi kawkisu əbbah məs kəɓapnən na əki su mənokum zək nokum ɓa.

Filipi 4:18

In tat də an wərayu asan azan pakə, addəv əba nani, tay məs dəkkpap su səza Epafroditus aki su an səvokum ɓa, tay va əvəl məs də məŋgənən neki. Əzaɓ-Maŋgəlva məs Maŋgəlva atafi, neki azani.

Kolosi 1:24

Kakaŋ in tat ənnek addəv tatwãh naw vikum, in tat əknahan tatwãh na Kristu an dəpəl addəv gəɓa zuwa ammba gəɓa zəni, ana əsap net məzutafaŋgə,

1Tesaloniki 2:8

Də zev əzga sləma vaski, mulak lew, nawpel sukum Alabara Nenek na Maŋgəlva yi kaka ɓa ya məpsukumək zeŋgilem zək namə'e, vi kəkkpaŋgaŋgək ɗiy na makramə.

2Timote 4:6

Naw na, vi mbel naw aggbo'oŋguk səkayə, pay nadda naw agapka.

1Piyer 2:5

Nokum van kpakə, va gərmeŋge medereti, məssoŋ mərkukum ka gəla nassa na Zeŋgile Salala, ka əsap net məsdəlveŋge salala napsən əzaɓ-Maŋgəlva na əmpəs sən Maŋgəlva məs adawtaf də Yesu Kristu.

1Yohanna 3:16

Də aŋki məsən zəga adawyaŋ əŋgla, Yesu Kristu appanək zeŋgilen vimə. Aslək nam pak məppangən zeŋgilem viyit milmiŋgiɗmə.