Filipi 2:13 - Bible en Guidar

¹³ Vi Maŋgəlva yi dədaɗɗan addəvkum, tay əpsukum əŋgla gəm əɗɗa wəza va an aziwgini.

Nouveau Testament en Guidar

¹³ Vi Maŋgəlvayi sən kiyən dədafɗaahan wəŋgla nan amakrokum, də wəpsukum sembe naɗɗa wəza nani, armak wənan vi ka koh gukum.

Bible en Guidar

¹³ Vi Maŋgəlva yi dədaɗɗan addəvkum, tay əpsukum əŋgla gəm əɗɗa wəza va an aziwgini.

Filipi 2:13 ပူးပေါင်းရင်းမြစ်များ

1Milyeŋge 8:58

Dəkkpaŋgangən makram kəlazan vi mədawgən aka tive nan təstəsə, mərmagən wəsəɓɗe nani, mahenziŋɗe nan dit tiveɗnanziya nan aɗi wən nan sit efiŋgiɗmə.

2Alabaraɗe Də Mabərkiziti 30:12

A Yuda vana'e gagdak na Maŋgəlva agəɗək wəza assoŋ mekret taka naɗɗa an məlĩ dit ɗiy naban aɗiyaŋ əzban aza əpel na Yawe.

Ezra 1:1

Aka wəzva maddaabəŋ na Sirus, məlĩ na Persiya, vi wəpel na Yawe dəgəɗgən va məskəleŋ Yeremiya apeli, Yawe akoluk kiy Sirus, məlĩ na Persiya, vi kawtəl ma aka dələv nan pak, gəm də əver wən nan vi kaprəman na:

Ezra 1:5

Yaŋ migil gəla na Yuda də Benyamin, məsdəlveŋge gəm mə leviɗe asilyoŋgu, məza kazzeken wən ɓa na, en məs Maŋgəlva akol kiyit nadda ərka Gəla na Yawe an dəsan a Yerusalem.

Ezra 7:27

Soko sən Yawe Maŋgəlva net migilmə, məs dəɗi əɗɗum a makra məlĩ, hara nawɗi ki Gəla na Yawe vaŋ a Yerusalem.

Nehemi 2:4

Məlĩ aɓsu na: «Ammba mi kədawgay yaŋkəŋ di?» Yaŋ nəkkaman Maŋgəlva na disiŋ,

Ɗerewel na Yob 33:29

Awle, zəgeɗiskiŋ pak Maŋgəlva adaɗɗa təl sula, təl hoku də ɗəfa.

Gəlyaɗe 110:3

Na mekret ɗiy noki yi gala gbogboŋ nok adarba də gagdak salala, gewleɗ azzoŋ azok va minɗe məs dəziyaŋ də bapummo.

Gəlyaɗe 119:36

Akkpaŋgan makraw dəza an kəziwgin temtemi, məza dəza wəndəreh ɓa.

Gəlyaɗe 141:4

kədakol makraw aka əɗɗum mbərayən ɓa, ka kawtoŋgu addəv wəza na daraw dit ɗiy məɗɗaŋ mbərayən ɓa: nədawsap dənɗaŋ addəv əzəm way net ɓa.

Wənməkkpaŋga 21:1

Makra məlĩ tay va lolohõ a dagrakay va Yawe, tay ədawgən dəka an dədannek zən pakə.

Isaya 26:12

Yawe, is tat əpsəm zazaya, vi wəza nam pakə, istə kəɗɗa vimə.

Yeremiya 31:33

Vi aŋki wənmiyna məs nədawziwgin dit ɗiy na Israyel dərɓaga payəska Yawe aɗiymani: Wanəɗi mahenziŋ addivti, wanəver a mekreti, wanəsaw Maŋgəlva neti, net wassoŋ ɗiy nawa.

Yeremiya 32:38

Wassoŋ ɗiy nawa, naw wanəsaw Maŋgəlva neti.

Luka 12:32

Kədawgeslne'eŋ ɓa, gebet muzliya, vi Afukum awlak lew napsukum məlĩ nani.

Luka 2:14

Gagdak sən Maŋgəlva a disiŋ məsəɗəɗə, zazay aka dəlva a walaŋgit ɗiy en aŋgələ.

Yohanna 3:27

Yohanna azlanəka, amna: Zəga tay ɗəf adawrəh təttaka dayday an sə disiŋ məpsən ɓa ɓa.

Yohanna 6:45

Məverni addivit məskəleŋɗe na: Maŋgəlva wayeget pakə. Ɗəf dəprəm məs dəde səza Afu gəm dəyak pak, wade azawa.

Yohanna 6:65

Anahək əmpa: Vi vaski nədawnah sukum na, ɗəf aɓap na əzzan azaw an Afən dəpsən tive nan ɓa ɓa.

Wəza net Masləŋɗe 11:21

Gbogboŋ na Daya tay dənɗaŋ, ɗiy diyɗa atafənək Daya, azbanənka.

Roma 12:3

Də mbəlembəle məs məvaya, in tat ənah sən ɗəf səmmbokum pak na: Kədaɗɗumoŋ aka gagdak na zukum dayki an dəslə sukum ɓa, ya məɗɗum əɗɗum an salala, naway pak va əsla na ətaf məs Maŋgəlva apsəni.

Roma 9:11

Tak məweti ɓa, moggoni awaniɓa mbərayən tay aɗɗaŋ ɓa, ka uwel na Maŋgəlva dəsangən faɗə,

Roma 9:16

Vas kan na, wən nan dəsil səza əŋgla na ɗəf ɓa, awaniɓa səza gurom na ɗəf ɓa, səza Maŋgəlva məzula sahãy yi.

1Korintus 12:6

Əɗɗa wəza tay temtemi, ya Maŋgəlva məstaka dədaɗɗa zəga pak addivit ɗiy pakə.

1Korintus 15:10

Də mbəlembəle na Maŋgəlva yi nəsaw va nəsawəŋka, mbəlembəle nan viyu dəsan ɗar ɓa. Nəgəɗək wəza daykiyit pak dərəŋgə, in nəɗɗa ɓa, mbəlembəle na Maŋgəlva məs dəsan də iyni.

2Korintus 3:5

Də əɓap nam sən kiyəm mədawɓap əɗɗa wəzas ɓa, əɓap nam səza Maŋgəlva ade.

Efesus 1:11

Addəvni yi'e məweləm ka məzəmgəngəla, məwelmi dafsən va aza əŋgla na məzəɗɗa wəza də zəga pak va aza aŋgla nani.

Efesus 1:5

Awelmək dafsən kəlaza Yesu Kristu ka məsamgən ka kirtini, va aza moggon na əŋgla nani.

Efesus 1:9

Arban səmək wən məɗama na əŋgla nan, va aza əɗɗum naɗɗa moggon məs aziwgin addəvni,

Efesus 2:8

Vi də mbəlembəle kəkõhoŋgu, də ətafa, as van dəde səzokum ɓa, əvəl na Maŋgəlva yi.

2Tesaloniki 1:11

Vi vaski mədakkam ɗayɗay vikum, vi Maŋgəlva nam dulukumgən va ɗiy məs dədahaŋ aza əya məs ayukum. Dəpsukumgən əŋgla naɗɗa moggoni, ətaf nokum dəsangən ɓəlɓələ.

2Timote 1:9

Ndən məs dəkõhgəmə, dəyəm də iya salala məza aza wəza nam ɓa, ya aza an aynə gəm mbəlembəle nani. Mbəlembəle məs məpsəm addəv Kristu Yesu far na sete,

Ibriɗe 13:21

dəkkpaŋgokum nawɓap əɗɗa an moggon pak naɗɗa əŋgla nani; dəɗɗa an nannek zən gesiŋ addəvəm də Yesu Kristu, məs gagdak asan ka nan na sete hã faɗə. Amin!

1Piyer 1:3

Məgəɗ sən soko sən Maŋgəlva, Afən Daya nam Yesu Kristu. Aɗɗak moggon nan azəmə, apsəmək zeŋgile meleketeni, vi asilgən Yesu Kristu səret ɗiy mimtiti. Aknahək makram də əga madarani,