Filipi 2:11 - Bible en Guidar

¹¹ Ma pak dənahgən na Dayay Yesu Kristu, ka gagdak na Maŋgəlva Afəni.

Nouveau Testament en Guidar

¹¹ Ndəɗaŋ pak waɗɗaŋ saydawa na Zezu Krestu Ɗəfdaya, gakdak na Maŋgəlva Affəni.

Bible en Guidar

¹¹ Ma pak dənahgən na Dayay Yesu Kristu, ka gagdak na Maŋgəlva Afəni.

Filipi 2:11 ပူးပေါင်းရင်းမြစ်များ

Gəlyaɗe 110:1

Gəlyanalva na Davit. Yawe aɗiyman aza Daya naw na: «Asok aka dəzəŋ nawa, hã gap an nəvoŋgitik məzuzelɗe nok ammba təlko!»

Gəlyaɗe 18:49

Is tat əkõhgu səvet məzuzelɗe nawa; gəm əmpa is tat əkõhgu səvet məzusilyoŋ akawa, gəm səvet məsgagayɗe.

Yeremiya 23:6

Aka pay nani, Yuda wakõhu, Israyel wasan kiyən foŋgo. Iya an adawyanən yaŋka: Yawe yi təstəs namə.

Matiye 10:32

Ɗəf awandi pak dərban abet ɗiy na nawi yi, naw pak wanərban aba Afu na disiŋ na nan nani.

Luka 2:11

Vi muwa sukumi məzukõh dəpaŋ a walaŋgəla-metiŋ na Davit, ndəni Kristu Daya.

Yohanna 12:42

Ya də as pak diyɗa səret ɗiy gugriɗ atafənka. Ya sən wən net Farisaɗe, dərbanən zit ɓa, vi adawgilgitin səddəv gəla nakkal net mə Yudeɗ ɓa.

Yohanna 13:13

Nokum, munokum tat əyəwən na Mərbəzəga mãy Daya, gesiŋ kədawnahaŋgə, vi intə gesiŋ.

Yohanna 13:14

Adan in Mərbəzəga gəm Daya nəɗa sukumuk təlkum na, nokum pak aslək kəɗanəngən təlkum a walaŋ zukum.

Yohanna 14:13

An məs kəssohoŋ də iya naw pak, wanəɗa, vi Afən dəsangən məgagdakan addəv Wətəni.

Yohanna 14:23

Yesu azlanka, aɓsən na: An ɗəf aŋgluwəka, warma əpel nawa, Əbba waŋgluwa. Waməde azani, waməzaɓ təki nassa nam azani.

Yohanna 17:1

Adan Yesu apel vaska, aslan haran a disiŋ, amna: Aw Afəni, pay agapka. Agagdakan Wətuko vi Wətən dəgagdakokgəni.

Yohanna 20:28

Tomas azlanka, aɓsən na: Daya nawa, Maŋgəlva nawa.

Yohanna 5:23

vi ɗiy pak dəgagdakanəngən Wətən va adawgagdakanən Afəni. Ɗəf məs awgagdakan Wətən ɓa, awgagdakan Afən məs dəslən ɓa.

Yohanna 9:22

Migilin anahaŋ vasna vi tay əgeslne'eŋ sit mə Yudeɗi. Vi mə Yudeɗ vet aslereŋgək na, an ɗəf anahək na Yesu yi Kristu na, kawgilgəni səddəv gəla nakkal net Yudeɗi.

Wəza net Masləŋɗe 10:36

Aslənək əpel sit məs Israyelɗe, də ərban sit alabara nenek na zazay də Yesu Kristu na: Ndəni Daya net ɗiy pakə.

Wəza net Masləŋɗe 2:36

Vi vaski, mə Israyelɗe pak dəsənən gesiŋ na, Yesu vanəŋ məs kəkkpa'aŋ aka məzliwriheŋka, Maŋgəlva aɗiyək ka Daya gəm ka Kristu.

Roma 14:11

Vi məverni na: Də zeŋgilewa Daya anahə, ɗiy pak wakdukun takperet abawa, ma pak wagagdakan Maŋgəlva.

Roma 14:9

Vi aski Kristu amtə, amsak əmbəla, vi kawsan məlĩ aket ɗiy məmtiti gəm aket ɗiy medereti.

Roma 15:9

Ɗiy ɗar tam dəgagdakanəngən Maŋgəlva sən ulasahã nani, va məverin na: Sən aski, nadawɗi kiyuk aret ɗiy-ɗarə gəm wanətibiren iya nok də gəlya.

1Korintus 12:3

Vini nədarban sukum na: Ɗəf tay nawpel an Əmpəs na Maŋgəlva armak na: Yesu məraygəni ɓa. Ya ɗəf tay nawpel na Yesu Daya iyi an Əmpəs na Maŋgəlva dərban sən ɓa ɓa.

1Korintus 15:47

Ɗəf an daabəŋ məɗɗan də dələv na naka dəlvi. Ɗəf masula'ən sə disiŋ ade.

1Korintus 8:6

Ya nam na, Maŋgəlva taka kaka məsənə, Afən məs dəɗɗa zəga pakə, azani mədaddamə. Daya taka yi ndəni Yesu Kristu. Dəndəni zəga pak asani, dəndəni məsamə.

1Piyer 1:21

Dəzani kətafən Maŋgəlva məs dəsilgən səret ɗiy mimtiti, apsənək gagdaka, vi ətaf nokum də əga nokum dəsangən aka Maŋgəlva.

1Yohanna 4:15

Ɗəf dənah na Yesu Wətən Maŋgəlva yi, Maŋgəlva tay addəvən, tay addəv Maŋgəlva.

1Yohanna 4:2

Aza aŋki kədawsənnən Əmpəs na Maŋgəlva: Əmpəs an məzunəh na Yesu Kristu adek də gəɓazəni na, na Maŋgəlva yi;

2Yohanna 1:7

Vi muwaŋ tepelkeɗ tahəŋ aka dəlva. Dəŋgereŋ ətafən na Yesu Kristu adek də gəɓa zəni ɓa. Aski dədarban məwə tepelke gəm məzuzel na Kristu.

Hənhən 3:5

Məskəwəla wagul lukutɗe baberɗe vaska; nəvvuyon na iya nan səddəv ɗerewel na zeŋgile ɓa. Ya wanənah aba Afu gəm abet maslayɗe nan na, ɗəf nawi.