Ezra 9:1 - Bible en Guidar

¹ Səza as agrakə, ɗiy gugriɗ azzoŋgək azaw kawnah su na: «Ɗiy na Israyel, məsdəlveŋge gəm mə leviɗe duɗakaŋ dit ɗiy naka dəlvəŋ ɓa. Agəmənək tilit daɗɗa zəga daryaw va net mə Kana'anɗe, mə Hitɗe, mə Perziɗe, mə Yebusiɗe, mə Ammoniɗe, mə Mo'abɗe, mə Eziptiɗi gəm mə Amorɗe,

Ezra 9:1 ပူးပေါင်းရင်းမြစ်များ

Va'Atəŋ 15:16

Aka sayit kirtuk məpoɗoti, wamndoŋ aŋka, vi mambray net mə Amorɗe dəknah ɓa hã kakaŋka.»

1Milyeŋge 11:1

Məlĩ Salomoŋ akayək gil na guw diyɗa: mbəksa wətən Farawən əmpa na, mə Mo'abɗe, mə Ammonɗe, mə Edomɗe, mə Sidonɗe gəm mə Hitɗe.

2Alabaraɗe Də Mabərkiziti 33:2

Yas agəɗ zəga mbərayən ama hara Yawe, zəgeɗ daryawɗe va net ɗiy-ɗar məs Yawe arɓah səbet mə Israyelɗe neki.

2Alabaraɗe Də Mabərkiziti 8:7

Ɗiy en dəppaŋ pak, va mə Hitɗe, mə Amorɗe, mə Perziɗe, mə Hiviɗe dit mə Yebusɗe, net mə Israyelɗeŋ ɓa.

Ezra 10:2

Yaŋ Sekaniya wətən Yehiyel, taka səweleŋgit kirtin Elam, anah sən Ezra na: «Də əkay gil molhõyẽɗ, kirtit ɗiy-ɗariŋki, məzban Maŋgəlva təstəs ɓa. Ya kakaŋ aka wənəs na, makra Israyel tay kəɗehe əmpa:

Ezra 10:8

Addəv pay hoku ɗəf məs dəde ɓa na, kawtakni arya nan pakə, ndən sən kiyən kazgani sə weleŋgit ɗiy, va deyeɗe dit ɗiy məsɓet anahaŋgə.

Nehemi 13:23

Aka pay dəpaska'e, nərəh na, mə Yudeɗ akayaŋgək gil na mahəlfa net mə Asdodɗe, mə Ammonɗe may mə Mo'abɗe.

Nehemi 4:3

Ndəni kan məkkaman Maŋgəlva namə, məɗi məgaɗe na dəfəɗ də kapay sən wən net kawtər kiyəm səbeti.

Nehemi 4:7

Yaŋ kan nəso' təki afuŋ dəɓɓa zlava appaka, nəziwgit ɗiy adak aza məlma na zit dit masalamɗe neti, tulhoŋge may bəleɗe neti.

Nehemi 9:2

Zev mə Israyelɗe zit welwel səret molhõyẽɗ baymeti, aziweŋ aɗiyaŋ marava aka wən na mambray neti gəm heslepe net efiŋgiɗti.

Gəlyaɗe 106:35

Aslãhaŋgək dit ɗiy ɗaɗarɗe, ayaganənək zəga naɗɗa neti.

Əgilye 13:5

Ya, pay Yawe adawkuk kəlaka dələv net mə Kana'anɗe, net Hittiɗe, net Amorɗe, net Hivviɗe gəm net Yebusɗe, məs asway sit afiŋgiɗkum napsuko, dələv məs moŋvo də amama adawdawaŋ akan lokloku. Wəzaŋka, aka təlaŋki kədaɗɗani:

Əgilye 23:23

Vi maslay naw wadaw aboko, watoŋguk kəlanet mə Amorɗe da, mə Hittiɗe da, mə Perziɗe da, dit mə Kana'anɗe da, mə Hivviɗe da, gəm kəlanet mə Yebusɗe da, ya wanəzeti,

Əgilye 33:16

Ya kawsənən aza miy na kəɗɗak moggon nok viwa in dit ɗiy nok di? Pay kədaddok də mənami gəm mədawsam temme səzet ɗiy naka dəlvafuŋ pak ɓa sa?»

Isaya 52:11

Məddoŋgu, məddoŋgu, migil siske! Kədawrəŋgənən zəga mərnokun ɓa. Məgil səddəvən. Məbbur zukum mənokum məsletin zəgeɗ na wəza na Yawe.

Yeremiya 26:10

Səza ɗiy gugriɗ na Yuda aprəmən əpeləska, apeŋgeŋgik səna məlĩ da addəv gəla na Yawe, assoŋ aka wən nan ama maddamba meleketen na Yawe.

Yeremiya 26:16

Yaŋ ɗiy gugriɗ dit ɗiy pak anah sitin məsdəlveŋge gəm məskəleŋɗe na, ɗəfəŋ dəslə nawbay ɓa vi də iya na Yawe Maŋgəlva nam apel səmə.

Məsdəlveŋge 18:3

Kədaɗɗanən an dədaɗɗa aka dələv na Eziptə ɓa, a təki məs kəssoŋ də gəla lahəŋ ɓa; kədaɗɗanən an dədaɗɗa aka dələv na Kana'an ɓa, a təki nedawtoŋgukum ɓa; kədazbanən mahenziŋ net ɓa;

Malakiya 2:11

Yuda azəmək kiya. Məɗɗay zəga daryaw a Israyel gəm a Yerusalem. Gesiŋ Yuda araygənək təki salala na Yawe, də əŋgləwət gəm əɗiyət wətən məzbə maŋgəlva maɓɓani.

Əŋɗa 23:9

Nəsawək a dadwar kiyit milɓeɗ uleti, Nəsəŋgləketik nəsaw aket mossorgoɗe; ɗiy net ənziya net tay temme, awsapaŋ azet ɗiy meɓɓet ɓa.

Əŋɗa 25:6

Ya daka' na, mə Israyel mbərən tay əzzan dət mə Madiyankə, agap addekit milmiŋgiɗni; as pak a mahara Moyis gəm ŋgboŋ net kirtin Israyel beymeti, aka tay əhəmaŋ a metive na gizlirke nalma də Maŋgəlva əŋki.

Əmsak aka Mahenziŋ 18:9

An kəgapək aka dələv məs Yawe Maŋgəlva nok adapsuko, kədawyagan əɗɗa zəga daryaw va net ɗiy nadak ɓa:

Əmsak aka Mahenziŋ 23:8

Kədawzel mə Edom ɓa, vi məlmuki yi; kədawzel mə Eziptə ɓa, vi kəsokuk molhõyõ aka dələv nani.

Əmsak aka Mahenziŋ 7:1

Pay Yawe Maŋgəlva nok agapguk aka dələv kədawtoŋ adak kawtafən ka nokəŋka, warɓeh ɗiy naket dəlveŋge temtem diyɗa səboko, mə Hittiɗe, mə Girgasɗe, mə Amorɗe, mə Kana'anɗe, mə Perziɗe, mə Hivviɗe gəm mə Yebusɗe, dəlveŋge buhul məs ɗiy aket diyɗa gəm də gbogboŋ day kiko.

Yosuwa 23:12

An kəmzlahaŋgək səmmbani, an kəbayənək zukum ezet ɗiy en dəmmbraŋ awalaŋkuməŋki, an kəɗɗaŋgək dəha dənɗaŋ, an kəslahaŋgək ereti, ndəɗaŋ tam orokum,