Ezra 7:10 - Bible en Guidar

¹⁰ Vi gesiŋ nan na Ezra, appanək makran, aka wəkayan mahenziŋ na Yawe, wəzbani, gəm əyagan mahenziŋɗe sit ɗiy, gəm va asərəkaŋ əɗɗaŋ a Israyel.

Ezra 7:10 ပူးပေါင်းရင်းမြစ်များ

1Alabaraɗe Də Mabərkiziti 29:18

Yawe, Maŋgəlva na Abraham, na Isak, na Israyel, efiŋgiɗmə, azaɓan zev əɗɗuməs a mekret ɗiy nok faɗə, asɓan mekret ka noko.

2Alabaraɗe Də Mabərkiziti 12:14

Yaŋ agəɗ mbərayən, vi dəsok zən əkayan Yawe də makran pak ɓa.

2Alabaraɗe Də Mabərkiziti 19:3

Ya wəzeɗe mogget tahəŋ mərəhit azoko, vi kəzargitik astereɗi, agrakaŋgək səka dəlva, gəm kəsokuk zuk əkayan Maŋgəlva.»

2Alabaraɗe Də Mabərkiziti 30:22

Hizkiya apelik nawsokon mekret mə leviɗe məs dəssoŋ də əɗɗum moggon aka Yawe baymeti. Azəmaŋka, aɗɗaŋgək pay buhul va məɗiyən aka əzaɓ-Maŋgəlva nawrəh zazaya gəm əgəɗ sən soko sən Yawe Maŋgəlva net efiŋgiɗti.

Ezra 7:11

An naddəv ɗerewel an Artazerses averiŋ yaŋ apsən sən məsdələv Ezra məzuvere, məzuver əpel en Yawe aɗi wən net dit mahenziŋɗe nan aka batam wən net mə Israyelɗe:

Ezra 7:25

An dəwəl suk na Ezra, də maɗɗula Maŋgəlva apsuk əŋka, aɗi mətawaŋwəna, prefeɗe dətawanəngən wən sit ɗiy na dəgar ki Efrat, sit ɗiy en dəsənən mahenziŋ na Maŋgəlva nok pakə, kərbet singin ɗəf an dəsin ɓa.

Ezra 7:6

Ezra van sə Babilon ade. Məzuver məs dəsən mahenziŋ na Moyis lewlew məs Yawe, Maŋgəlva na Israyel apsəni. Məlĩ apsənək an assohõn pakə, vi va Yawe Maŋgəlva nan tay akani.

Ɗerewel na Yob 11:13

Noko, an kəsɓanək mokroko, an kətələk vok azani,

Gəlyaɗe 1:2

ya məzənneken zən addəv mahenziŋ na Yawe gəm ə'oron mahenziŋ nan kapay də dəfəɗ pakə!

Gəlyaɗe 10:17

Yawe, is tat əprəm wəray net məzurayɗe, is tat əsɓan sit mekreti, is tat əpak sləmok geŋge,

Gəlyaɗe 119:112

Nəppanək makraw kazbet əsərəkɗe nok hã ŋgbu'u.

Gəlyaɗe 119:45

Wanəbbal kiyu foŋgo, vi nəkayetik wəsəɓɗe noko.

Gəlyaɗe 19:7

Sə metteɓ ma disiŋ agili, ndən kpaŋ a metteɓ man mbərən, zəga tay nawkõh səma əzla nan ɓa.

Gəlyaɗe 57:7

Enslininik mazzaɗ aka tivewa, adoɗənək kiywa, aso'oŋguk vov abawa, askotoŋ addəvən. Əziwe

Malakiya 2:7

Gesiŋ nan na, əsən tay a ma məsdəlva, wəzga' an təstəs tay a barani vi ndəni maslən na Yawe Məzuɓappakə.

Matiye 5:19

Ɗəf an dəzelen mahenziŋ akən muzliyəkə, awaniɓa arban sit ɗiy dəɗɗaŋgən vaska, nan wasan muzliya addəv məlĩ na Maŋgəlva. Ya ɗəf an dərma wən nani, arbanək sit ɗiy dərmanəngən wən nan vaska, nan wasan ɗəf metiŋgin addəv məlĩ na Maŋgəlva.

Matiye 7:24

Ya məs dəprəm əpel nawəŋ pakə, dəgəɗ wəza dəndəni, agilik va ɗəf məs maɗula, dərka gəla nan aka milɓe.

Yohanna 13:17

An kəsənənək vaska, zukum wasan neki, an kəɗɗanənka.

Wəza net Masləŋɗe 1:1

Baynaw Teyofil, addəv ɗerewel naw maddaabəŋ na, nəverik an Yesu atəŋ əɗɗa gəm an arban baymani

Əmsak aka Mahenziŋ 16:12

Kəɗɗumongən na, balam kənan a Eziptə lahəŋka, kərmegin mahenziŋɗeŋki, kəgəɗgən wəza dənɗaŋ.

Əmsak aka Mahenziŋ 33:10

Tahəŋ iyaganən tiveɗnanziya nok sit mə Israyelɗe gəm mahenziŋ noko; tahəŋ əɗiyən tursan ama məŋkənko, gəm əvəl nawzla kurmbuɗuk aka təki na matuya noko.

1Timote 3:2

Aslək kan na, daya dəsangən məza də wən akan ɓa, dəsan guluk taka, məzərma zəni, məs maɗɗulani, məgəɗ məs dəslə, mətaf melekeɗi, məɓap ərba zəga.

2Timote 4:2

Arban wən na Maŋgəlva pay pakə, wasan sit lewi də asan sit na lew ɓa pakə. Arban sit mbərayən neti, aheyẽti, asəɓsiti, də əɓəs addəv əyaka.

Titus 2:1

Ya noko, apel an məs dəslə də əyak an moggoni,

Titus 2:15

Apel wənəska, asɓeti, ahayẽt zuk soksoku. Ɗəf adawzelok ɓa.

Hənhən 22:14

Zəzay azet ɗiy məs dəskoɓən lukutɗe neti ndəɗaŋgəŋ dərəhaŋ tive nawzəm uwa na wəlaŋga na zeŋgile, warəhaŋ wətoŋ kla madambeɗe na walaŋgəla-metiŋ neki.

1Samiyel 7:3

Yaŋ Samiyel anah sit mə Israyelɗe dəwən neti amna: «An də mokrokum taka kəɗɗumoŋ namndo aza Yawe na, məzergit meŋgilveɗ melekeɗ gəm tuya astera sə walaŋkum, məkkpaŋgan mokrokum aza Yawe, məgəɗ wəza sən kaka'ə, wakõhgukum səvet mə Filistiɗe.»