Ezra 4:12 - Bible en Guidar

¹² Mam aka əprəman sən məlĩ metiŋ wən net mə Yudeɗ, dəzzoŋ sənokda adak, azam aŋ a Yerusalem, tay ərkanən walaŋgəla-metiŋ məɓoŋgən məsdarawəŋka; warkanən zlava na dələv, gəm kawzeɓeɗ gebbet gəleɗe məɗiyiti.

Ezra 4:12 ပူးပေါင်းရင်းမြစ်များ

2Milyeŋge 18:20

Nəmna, əpel na ma ɗəf na əsəɓi gəm apsa gbogboŋ addəv əgaya. Kakaŋ na aka naway kəɗi əɗɗum nok kəɓoŋgən akawəŋ di?

2Milyeŋge 24:1

Gala pay nani, Nabukodonozor, məlĩ na Babilon, asilik əgaya; Yoyakim asanək ammba van gap wəzva hoku, ndən həmndak ɓoŋ akani.

2Alabaraɗe Də Mabərkiziti 36:13

Gəm ndən əmpa tem aka məlĩ Nabukodonozor məs dəswaygən də iya na Maŋgəlva naka. Yaŋ aɓɓəlan kiyən də makran dərəŋgə, ki ndən əmə' aza Yawe Maŋgəlva na Israyel.

Ezra 4:11

An məverən addəv ɗerewel van yaŋka: Sən məlĩ Artazerses, məɗɗaŋ wəza noko, dit Mədəgar ki Efrat, gəm dəgil va ndən.

Ezra 4:15

vi dəkayanəngən addəv ɗerewel net efiŋgiɗko. Wakərəh addəv ɗerewel naɗɗumon wəna, gəm a kəsən na, walaŋgəlas na walaŋgəla məɓoŋni, appan wəraygən sit milyeŋge dit kiva dəlveŋge net ɗah ɓa, farfari hoyohoyo na walaŋgəla nani. Sən aski məraygən walaŋgəlas bolyoməŋka.

Ezra 4:19

Nəɗiyək wən nani, məkayani gabbani mərəni na walaŋgəlas farfar van na məɓoŋni aket milyeŋge, əɓoŋ də əraki dəzəm məlĩ akani.

Ezra 5:3

Pay nan na, Tatnay, guverner na dəggar ki Efrat, də Setar-Boznay, gəm geleŋgiɗit, azzoŋguk azeti, apsitin na: «Naway dəpsukum tive narka Gəlaŋ gəm nagrakan di?

Ezra 5:9

Yaŋ məssohẽt ɗiy məsɓet veti, mənah sit na: “Naway dəpəl sukum tive narka Gəlaŋ gəm nagrakan di?”

Nehemi 1:3

Aɓsuwən na: «En dəppaŋ dəssoŋ akkiva adak vet tahəŋ addəv tatwãhã gəm ərba wil diyɗa. Zlava na Yerusalem foŋfoŋgi, offo azimik maddambeɗe nani.»

Nehemi 6:6

Məverin addəvən na: «Ɗiy pak aprəmənka, Gasmu pak tay əpelin na: Isi dit mə Yudeɗ na, mənokum tat iynan nawɓoŋgo, ndəni kədarka zlavaŋka. Va əzban əpel vanəs na, istə kan kədakkpaŋ məlĩ neti.

Ester 3:8

Haman aɓsən məlĩ Ahasuwerus na: «ɗiy tahəŋ net temmeŋ səzet ɗiyi, dətrayaŋ aret ɗiy aka kivadələv nokuŋ pakə. Mahenziŋ net temme səzan net ɗiy pakə. Azbanən mahenziŋ na Məlĩ ɓa. Dədah aza məlĩ dəppetigin effet ɓa!

Yeremiya 52:3

Aka wən nawdagədəv na Yawe yi, zəgeɗis aɗɗaŋ aka Yerusalem də Yuda, hã ndən ndol əndolit faraɗa sə maharanəŋka. Sedekiya aɓoŋguk aka məlĩ na Babilon.

Daniyel 3:8

Aka as ləŋgə, ɗiy na Babilon azzoŋ əzəm kiyit mə Yudeɗi.

Daniyel 9:25

Asən kana, aprəm gabbani: Səza əpel agil nawmilye vi karkan Yerusalem hã gap aza wəzza na mesiya na, wəzva buhul təl buhul wagəɗə. Dərɓaga wəzva buhul təl kaklaw sləre kiyən sula na, karkani walaŋgəla-metiŋ də zlava nani, ya pay nan watoŋ də tatwãh diyɗa.

Luka 13:34

Yerusalem, Yerusalem, is məbay məskəleŋɗe, məskə en məslən azok dit gərmeŋge. Təl gbəgbar nəŋgəl əkkelet ɗiy nok va gəmnda adakkelet kirtin ammba persleken kawvoŋ aket di, ya kəŋgereŋ ɓa.

Wəza net Masləŋɗe 24:5

Mulak na ɗəfəŋ gəbay yi, tay əsilgən wən a walaŋgit mə Yudeɗ nammba dələv pakə. Ndeni daya net ɗiy dəgohoŋ adawyaŋ mə Nazaretɗe.

1Tesaloniki 5:22

Məzar səza mambray zev awandi pakə.