Ezra 3:1 - Bible en Guidar

¹ Adan təla mabuhulon na wəzva agapə, yaŋ mə Israyelɗe na walaŋgəleɗe gugriɗe, akkalaŋgək va ɗəf taka tuɓuk a Yerusalem.

Ezra 3:1 ပူးပေါင်းရင်းမြစ်များ

Nehemi 7:72

«Yas kan məsdəlveŋge, mə leviɗe, məgaŋ maddamba, məyaŋ gəlya, may ɗiy meɓɓet va məɗɗaŋ wəzeɗe meɗmeɗ addəv gəla na Maŋgəlva, gəm mə Israyelɗe beymet assoŋguk naway pak a walaŋgəla-metiŋ nani.» Təla mabuhulon agil na, mə Israyelɗe baymet assoŋguk a walaŋgəleɗe gugriɗ neti.

Nehemi 8:1

Ɗiy pak akkalaŋgək va ɗəf təttaka a təki naba metive net iŋkile, anəhaŋ sənən məzuver Ezra dəki ɗerewel na mahenziŋ na Moyis, məs Yawe aɗi wən nan sən Israyel.

Nehemi 8:14

Arəhnən məverin addəv ɗerewel na mahenziŋ məs Yawe aɗi wən nan dəza Moyis na, mə Israyelɗe dəvoŋgoŋgən addivit guɗukɗe də wəzləra naka təla mabuhuloni.

Məsdəlveŋge 16:29

As mahenziŋ məs addəɗ na ɓa vikum yi: aka əvoŋ kəlaw na təla mabuhuloni, kəɗɗaŋgən meme, wəza tay kədaɗɗaŋ kof ɓa, vas adawsan sən wətdəlva də molhõyõ nawalaŋkum pakə.

Məsdəlveŋge 23:24

«Apel sit mə Israyelɗe na: əvoŋ maddaabəŋ na təla mabuhuloni, pay naffet nokumi yi, pay məs kədaɗɗumo wəni, kədawtibirewən də əkkal salala yi.

Sefanya 3:9

Vi wanəkkpaŋgan metteɓ met ɗiy kotakə, vi ndəɗaŋ pak diyanəngən iya na Yawe, vi dəɗɗaŋ sənəngən wəza də mekret taka.

Wəza net Masləŋɗe 2:46

Pay pak awbeweŋ səddəv gəla na Maŋgəlva ɓa va aslereŋgi, ndəɗaŋ ərɗaŋ way sap anetda, əzəmaŋ də zit neki, mekret taka.

Wəza net Masləŋɗe 4:32

Məzutafaŋ addəv əsap net pak tahəŋ mekret taka, megenegenet taka, ɗəf taka tay dədawnəh na arya nani ɓa, zəgeɗ net pak tahəŋ sapə.

1Korintus 1:10

Milmiŋgiɗwa, in tat əsɓokum də iya na Daya nam Yesu Kristu, ka mokum dəsangən taka, uɗak adawsan awalaŋkum ɓa, məsleri, kəssoŋgən əɗɗum taka gəm maɗɗulokum taka.

Əmsak aka Mahenziŋ 16:16

Ama wəzva pakə, ɗiy mezeŋgleket na vanday nok waddoŋ təl hoku ula hara Yawe Maŋgəlva nok a təki an adawele: Pay wəzləra na peŋ məza wuɗo ɓa, wəzləra na əvoŋ kaklaw sle' gəm wəzləra na gizlirke nalma də Maŋgəlva. Ɗəf adazzan abaw van halay halay ɓa:

Mətawaŋwəna 20:1

Mə Israyelɗe agulyoŋguk beymet aba Yawe a Mispa, təŋ sə Dan hã a Ber-Seba gəm dələv na Galad asapaŋgək va ɗəf təttaka.