Ezra 2:1 - Bible en Guidar

¹ Kirtin kivadələv məs dəmndoŋ səka balam, en Nabukodonozor məlĩ na Babilon arəm ake a Babilon məs dəmndoŋ a Yerusalem na Yuda, naway pak a walaŋgəla-metiŋ nan nek yeŋki:

Ezra 2:1 ပူးပေါင်းရင်းမြစ်များ

2Milyeŋge 25:11

Nebuzaradan, daya net məzugaŋ məlĩ akek ɗiy na walaŋgəla-metiŋ dəppaŋ pakə, məs dəppanən ki zit sən məlĩ na Babilon dit en dəssoŋ a walaŋgəla-metiŋ pakə.

1Alabaraɗe Də Mabərkiziti 9:1

Mə Israyelɗe pak məŋɗeti, yeŋ məverit addəv ɗerewel net milyeŋge na Israyel. En na Yuda na, məsimgiti a Babilon, vi araygənən mahenziŋ na Maŋgəlva.

1Alabaraɗe Də Mabərkiziti 9:2

Ɗiy en dəmilyoŋ daabəŋ aka dələv net a walaŋgəleɗe gugriɗ net na, ndəɗaŋgə: Israyelɗe, məsdəlveŋge, mə Leviɗe, məɗɗaŋ wəza addəv Gəla na Maŋgəlva.

Ezra 1:11

Sapgit zəgeɗ na meleŋge, dit en na təbəz babar pak, gabal sle' də səkat poɗo. Sesbasar akek pak, gala ɗiy mərmet adamndoŋ sə Babilon a Yerusalem.

Ezra 2:2

Ɗiy en dəmilyoŋ dit may Zorobabel, Yosuwa, Nehemi, Seraya, Re'elaya, Mordokay, Bilsan, Mispar, Bigway, Rehum, Ba'ana. Iya net yaŋ də əŋɗa net mə Israyelɗe, məs dəsapaŋ ŋgbim-ŋgbimi.

Ezra 2:70

Məsdəlveŋge, mə leviɗe, ɗiy en na wəzaŋ ɓa meɓɓeti, miyaŋ gəlya, məgaŋ maddambeɗe dit məɗɗaŋ wəza abet ɗiy naddəv Gəla na Maŋgəlva, assoŋguk a walaŋgəla gugriɗ neti. Mə Israyelɗe beymet assoŋguk a walaŋgəleɗe neti.

Ezra 5:8

Məlĩ dəsən na, məmbatək aka va na Yuda, addəv Gəla na Maŋgəlva metiŋ. Dit gərmeŋɗe məslmet adarkanəni, gəm dədəkeɗ gəsl gəsl addəvit en adarkaŋ veti. Wəza nan minya' minya' adawmbat aveti.

Ezra 6:2

a Ekbatan, walaŋgəla net gulomɗe akki va dələv na Medə, mərəh ɗerewel məktəmən məs məverin addəvən na: Ɗerewel net wənɗe en dətoŋgoŋgu.

Ezra 8:35

en mərmet dəmilyoŋ sə təki məket ka balam, adaŋgək əvəl nawzla kurmbuɗuk sən Maŋgəlva na Israyel, dit medgeɗgeɗe kəlaw kiyit sula ammbet mə Israyelɗe pakə, ndargenyeɗ kaklaw vaytak kiyit sləre, kirit timeŋgiɗ mezeŋgleket kaklaw buhulu kiyit buhul, porsokɗe ka nawzaɓ-Maŋgəlva navvuyon mambray kəlaw kiyit sula: məhhətit pak sən Yawe.

Nehemi 12:1

Eŋkiŋ məsdəlveŋge dit mə leviɗe məs dəmulyoŋ səka balam də Zorobabel wətən Salatiyel gəm Yosuwa: Seraya, Yirmeya, Ezra,

Ester 1:1

Aka pay na Ahasuwerus na, Ahasuwerus van dəzəm məlĩ təŋ sə Indiya hã gap a Etiyopi, kivadələv temtem səkat də kaklaw sula kiyən buhul.

Ester 1:11

dəkitən ma'ãyək Vasti aba məlĩ də kulpup nat ma'ãyək akata, karban lelew nat sit ɗiyi gəm sit deyeɗe. Vi moggottə aza ula.

Ester 1:3

Addəv əzva nan mohoko'ən aka məlyã, adək waynabaya sit ɗiy gugriɗ na wəza nani gəm məɗɗaŋ wəza nan beymeti. Məzəlpaŋ na Persiya dit na Mediya gəm deyeɗe na kivadəlveŋge dit milyeŋge azoŋguk abani.

Ester 1:8

Tive tay vi nawaydi pak dəsəgən məza ɗəf ədoɗ kiyən dədoɗ ɓa, vi məlĩ aɗiyək wən nan sit deyeɗe na magulo baymet dəzbanəngən əŋgla na ɗəf pakə.

Ester 8:9

Dəpaska'e məye məzuvereŋ na məlĩ aka təla mohoko'ən, təla na Siwan əvoŋ nan kaklaw sula kiyən hoku. Məverni pak va Mardokay aɗi wən nan sit mə Yudeɗi gəm sit deyeɗe na bərzləŋ na kivadəlva, sit deyeɗe na kivadəlva deyeɗe naka kivadəlva səkat də kaklaw sula kiyit buhuliŋki təŋ sə Indiya hã gap a Etiyopi. Kivadələv pak va aza əver nani, ɗiy pak va aza ma neti, gəm mə Yudeɗi va əver neti gəm va aza ma neti.

Isaya 48:20

Məgil sə Babilon, mənzoŋ faraɗa sit mə Kaldiyeɗi. Də vaŋvəl nanneke, məprəman wən nani hã dəgapgən a təki dələv abaymani. Mənah na: Yawe akõhgənək gawla nan Yakob.

Yeremiya 50:19

Wanəmndagan Israyel a təki nawtaɗ nani. Wataɗ aka Karmel gəm aka Basan; aka mossorgo metiŋ na Efrayim gəm a Galad, wabə.

Əɓuhma 1:3

Duɓ əduɓ kiyən addəv ərba wili, məkani Yuda aka wəza na balamə. Aweleŋgit dilveŋge asani, ya awrəh təki naffet ɓa. Məzuzelɗe nan pak arufunək addəv əɓuhmani.

Əɓuhma 1:5

Meseŋgiɗin askanən wəlani, məzuzelɗe nan tahəŋ zit neki. Vi Yawe tay əzəmgən sahã, sən kiɓəɓəl nan dayəŋka. Masan almetik kirtin mezeŋgleket aban ake aka balamə.

Əɓuhma 4:22

Waŋ na Siyon, heslepe nok agraka, kazbani əkuk aka balam əmpa ɓa. Ya nok na waŋ Edom, atawək wən aka mambray noko. Wappasan ɗarɗar noko.

Sefanya 2:7

Wasan ka kiyva net madembirgit ɗiy na Yuda; wataɗaŋ akani, wavoŋgoŋ addəvit gəleɗe na Askelon də moskoyo, vi Yawe Maŋgəlva net wazgə sləma aketi, wazaɓan wən neti.

Wəza net Masləŋɗe 23:34

Səza aŋɗan ɗerewel vani, assõh na sə kivadələv awani di. Arəh na, sə Silisi yi.