Ezra 1:2 - Bible en Guidar

² Aŋki Sirus məlĩ na Persiya, apeli: Maŋgəlva Yawe apsiwik milyeŋge naka dələv pak ammba vawa, ndən sən kiyən, anah suwək nərkə səngən Gəla a Yerusalem na Yuda.

Ezra 1:2 ပူးပေါင်းရင်းမြစ်များ

1Milyeŋge 8:27

«Gesiŋ Maŋgəlva waɓap əsan aka dəlvafuŋ sa? Disiŋ, təki an balsən disiŋ pak aɓapaŋ na ətafkun ɓa! Sasak Gəla nərkəŋka.

2Alabaraɗe Də Mabərkiziti 2:12

Ya, yaŋ na, in tat əslən suk Huram-Abi, ɗəf məs dəsən wəza fok də fokə.

Ezra 1:5

Yaŋ migil gəla na Yuda də Benyamin, məsdəlveŋge gəm mə leviɗe asilyoŋgu, məza kazzeken wən ɓa na, en məs Maŋgəlva akol kiyit nadda ərka Gəla na Yawe an dəsan a Yerusalem.

Ezra 3:7

Dərɓagan na, apsitinik koɓeɗ sit məzəslmaŋ gərmeŋɗe, gəm sit məkpa'aŋ gəla, də zəga nawzəm gəm nawsa, may mẽl sit mə Sidonɗe dit mə Tirɗe, dəkiningin wəleŋɗe na muguguleɗ kəla pehe sə Liban a Yaffa, va Sirus, məlĩ na Persiya apəl sit tive.

Ezra 4:3

Yaŋ may Zorobabel, Yosuwa, gəm migil gəleɗe na Israyel, anahaŋ sitin na: «Məɓap na karka Gəla na Maŋgəlva nam sap də munokum ɓa: mənamtə narka Gəla sən Yawe, Maŋgəlva na Israyel kaka'ə, va Sirus, məlĩ na Persiya aɗi səm wən nani.»

Ezra 5:15

Anah sən na: ande zəgeɗiŋki ake dok azi addəv Gəla na Maŋgəlva na Yerusalem, karkan a gəlan təstəsə.

Ezra 6:10

Vi dəkiyaŋgən əvəl naffeten makra Maŋgəlva na disiŋ, gəm dəkkamaŋgən ammba məlĩ dit kirtini.

Ezra 6:3

«Wəzva maddaabəŋ na məlĩ Sirus, məlĩ Sirus aɗiyik wən nan na: Gəla na Maŋgəlva a Yerusalem. Kamnday ərkan Gəla van a təki adaɗɗaŋ matuya, a təki gabba gəla asan lahəŋka: wəɓay nan metir kaklaw hoku, slosloprok nan kaklaw hoku.

Ezra 7:12

Artazerses, məlĩ net milyeŋge, aza məsdələv Ezra, məs dəsən mahenziŋ na Maŋgəlva na disiŋ, nəsɗokuko, gəm dəgil va ndəni.

Nehemi 1:4

Səza nəprəm əpeliska, in ɗew əhəma; nəgəɗək əvoŋ diyɗa aka əɗəka də əɗɗa meme gəm əkkam aba Maŋgəlva na disiŋ,

Nehemi 1:5

nəmna: «Kamə, Yawe Maŋgəlva na disiŋ, Maŋgəlva metiŋ, məs dəgap nawgeslne' səni, məzərma wənmiyna də əɗɗa moggon azet ɗiy en dəŋglunəni gəm en dərmanən wən nan məs aɗiyə.

Gəlyaɗe 136:26

Məɗi ki Maŋgəlva na disiŋ, vi moggon nan tay hã faɗə.

Gəlyaɗe 85:2

Kərbanək wəŋgla nok vi dələv noko, Yawe! Kəmndegetik ɗiy na Yakob səka balamə;

Wənməkkpaŋga 21:1

Makra məlĩ tay va lolohõ a dagrakay va Yawe, tay ədawgən dəka an dədannek zən pakə.

Isaya 41:2

Naway dəsilgin ɗəf an təstəs sə dəmmba pay nampum aya dəzbangənəŋ di? Məs absin ɗiy ammba vani gəm akkpeŋget milyeŋɗe ammba təlni. Məs masalam nan adakkpeŋget va burɗuku, bəle nan adawtrayet va kevile məs səmyã adawkaŋ di?

Isaya 44:26

Nəziwik aka əpel na gawla nawa, nəɗɗak an maslənɗe naw aɗɗumongu. Nənahək na Yerusalem na: Waknah dit ɗiyi. Walaŋgəleɗe gugriɗ na Yuda na: karketi yi. Kawsilgini əɓzla nani.

Isaya 44:28

Ndən dəpel aka Sirus na: Məzutaɗa naw kənani. Waɗɗa an məs nəŋgəl pakə. Ka kawnah aka Yerusalem na, karkani gəm aka gəla nakkam na, kamsaki ərkani.»

Isaya 45:1

Aŋki an Yawe anah sən mesiya nani ana Sirus, məs nərma van dəzəŋ, ka kappet ɗiy net dəlveŋge avani, kaggbuk gagdak net milyeŋge, kawkol maddembeɗe net walaŋgəleɗe kol səbani, amsaŋ na ɓa.

Isaya 66:1

Vaŋ Yawe anahə: Disiŋgi mazaŋga na məlĩ nawa, dəlvafuŋ tamə təki nawɗi təlwa. Gəla mi kədarkaŋ suwən di? Təki mi gala naffet naw di?

Yeremiya 10:11

Vaŋ kədawnah sitini: Meŋgilveɗ məs ndəɗaŋ dəzəməɗən disiŋ gəm dəlvafuŋ ɓeŋki, wazaŋ səka dəlva gəm səmmba disiŋ.

Yeremiya 27:5

Intə nəzəməɗ dəlvafuŋ, ɗəf titire gəm zəga mamayã naka dəlvafuŋ də əɓap naw metiŋgini gəm də vaw paparra, yaŋ nədepsin ɗəf an nəŋgələ.

Yeremiya 29:10

Vi yaŋ an Yawe anahə: Ha'aw, an Babilon agəɗək əzva kaklaw buhul va nətawsən na, wanəzək slema akokum, asna wanəknahan əpel naw moggon vikum vi kawmilgukum a təkiyəŋka.

Daniyel 1:21

Daniyel asanək hã gap əzva maddaabəŋ na Sirus aka məlyã.

Daniyel 2:21

Ndəni dədaddəɗet əzvaɗe də paya; ndən dədaggbuk milyeŋge, ndən dədawɗiti; ndən dədapsit maɗɗula sit məsmaɗɗuleti, wəsən sit məs əsən aketi.

Daniyel 2:28

Də as pak na Maŋgəlva na disiŋ tay, ndən dədarban an dəsan məɗamən, ya arban sənək məlĩ Nabukodonozor an nazzan abe. Wəssine də ula nok yeŋki.

Daniyel 4:25

As pak arəhək məlĩ Nabukodonozor.

Daniyel 4:32

Ɗiy naka dəlvafuŋ pak dəgapaŋ zəga azan ɓa: tay əɗɗa va aŋgəl dit məzəlpaŋ na disiŋ gəm ɗiy naka dəlvafuŋgu; ɗəf tay nawɓap ətak van ɓa may nawnah sən na miy kədaɗɗaŋ di ɓa?

Daniyel 5:23

Kərgak mokrok də Daya na disiŋ, yas kigilgit hiliŋgiɗ na meleŋge səddəv gəla na Maŋgəlva. Isi, məɗɗaŋ wəza noko, gəreŋgiɗko gəm gil məɗɗaŋ wəza nok kəsaŋ mbazla dənɗaŋ. Yas kəgagdeket məŋgilveɗ na təbəz babara, na meleŋge, na təbəz pepreŋge, na təbəz titire, na wəlaŋga gəm na gərma, də aɓapaŋ na ula ɓa, əprəm ɓa, əɗɗum ɓaŋ pakə. Kəgagdakan Maŋgəlva məs əmpəs nok gəm tiveɗ nok pak assoŋ avan ɓa.

Daniyel 6:25

Məlĩ aɗiyək wən nani, dərmeningin ɗiy məs dəzəmən ki Daniyel, məzget sap dit kirtit gəm gil net addəv vov net Ɓooliɗi. Əgap net a vovu, Ɓooliɗ aveŋgeŋ aketi, aweslnin dit sleŋsleŋɗe neti.

Yonas 1:9

Azlan sitik na: «Mə Ibri nənani, in tat əgeslne sən Yawe Maŋgəlva na disiŋ məs dəzəməɗ pehe də dəlvafuŋgu.»