Ezra 1:1 - Bible en Guidar

¹ Aka wəzva maddaabəŋ na Sirus, məlĩ na Persiya, vi wəpel na Yawe dəgəɗgən va məskəleŋ Yeremiya apeli, Yawe akoluk kiy Sirus, məlĩ na Persiya, vi kawtəl ma aka dələv nan pak, gəm də əver wən nan vi kaprəman na:

Ezra 1:1 ပူးပေါင်းရင်းမြစ်များ

Ezra 1:5

Yaŋ migil gəla na Yuda də Benyamin, məsdəlveŋge gəm mə leviɗe asilyoŋgu, məza kazzeken wən ɓa na, en məs Maŋgəlva akol kiyit nadda ərka Gəla na Yawe an dəsan a Yerusalem.

Ezra 4:3

Yaŋ may Zorobabel, Yosuwa, gəm migil gəleɗe na Israyel, anahaŋ sitin na: «Məɓap na karka Gəla na Maŋgəlva nam sap də munokum ɓa: mənamtə narka Gəla sən Yawe, Maŋgəlva na Israyel kaka'ə, va Sirus, məlĩ na Persiya aɗi səm wən nani.»

Ezra 6:14

Ɗiy məsɓet net mə Yudeɗ azbanənək wərka gəlaŋ məza əggbi' ɓa, va məskəleŋ Haggay də Zakarya wətən Iddo anahaŋgə; agrakənək ərka Gəlaŋ va Maŋgəlva na Israyel aɗi wən nani, gəm va milyeŋge na Persiya, Sirus, Dariyus gəm Artazerses aɗi sitin wən nani.

Ezra 6:22

Aɗɗaŋgək wəzləra na peŋ məza wuɗo ɓa, də wənnek pay buhulu, vi Yawe, annekenək zit də wəkkpaŋgan makra məlĩ na Asiri kəlazeti, vi kasɓan vet aka wəza na Gəla na Maŋgəlva, Maŋgəlva na Israyel.

Ezra 6:3

«Wəzva maddaabəŋ na məlĩ Sirus, məlĩ Sirus aɗiyik wən nan na: Gəla na Maŋgəlva a Yerusalem. Kamnday ərkan Gəla van a təki adaɗɗaŋ matuya, a təki gabba gəla asan lahəŋka: wəɓay nan metir kaklaw hoku, slosloprok nan kaklaw hoku.

Ezra 7:27

Soko sən Yawe Maŋgəlva net migilmə, məs dəɗi əɗɗum a makra məlĩ, hara nawɗi ki Gəla na Yawe vaŋ a Yerusalem.

Gəlyaɗe 106:46

Akkpaŋganək mekret ɗiy en dərmenin duletingin sãhə.

Wənməkkpaŋga 21:1

Makra məlĩ tay va lolohõ a dagrakay va Yawe, tay ədawgən dəka an dədannek zən pakə.

Isaya 44:28

Ndən dəpel aka Sirus na: Məzutaɗa naw kənani. Waɗɗa an məs nəŋgəl pakə. Ka kawnah aka Yerusalem na, karkani gəm aka gəla nakkam na, kamsaki ərkani.»

Isaya 45:1

Aŋki an Yawe anah sən mesiya nani ana Sirus, məs nərma van dəzəŋ, ka kappet ɗiy net dəlveŋge avani, kaggbuk gagdak net milyeŋge, kawkol maddembeɗe net walaŋgəleɗe kol səbani, amsaŋ na ɓa.

Yeremiya 1:1

Əpel na Yeremiya wətən Hilkiya, taka səret məsdəlveŋge na Anatot, aka dələv na mahəlfa na Benyamin.

Yeremiya 29:10

Vi yaŋ an Yawe anahə: Ha'aw, an Babilon agəɗək əzva kaklaw buhul va nətawsən na, wanəzək slema akokum, asna wanəknahan əpel naw moggon vikum vi kawmilgukum a təkiyəŋka.

Ezekiyel 38:5

Persiya, Etiyopi gəm Put, wassoŋ dənɗaŋ pakgit dit barayɗe gəm kulpupu nawgaya.

Daniyel 1:21

Daniyel asanək hã gap əzva maddaabəŋ na Sirus aka məlyã.

Daniyel 2:1

Addəv əzva masula'ən na Nabukodonozor aka əzəm məlyã, Nabukodonozor assinik əssine mbərayən. Makran azlahka yas dəɓap əleŋ ɓa.

Daniyel 6:25

Məlĩ aɗiyək wən nani, dərmeningin ɗiy məs dəzəmən ki Daniyel, məzget sap dit kirtit gəm gil net addəv vov net Ɓooliɗi. Əgap net a vovu, Ɓooliɗ aveŋgeŋ aketi, aweslnin dit sleŋsleŋɗe neti.

Daniyel 9:2

aka əzva nan taka aka məlĩ nani, in Daniyel, nəŋɗanək addəv ɗerewel salala na, Yerusalem wasan va kiməski wəzva kaklaw buhul va Yawe anah sən məskəleŋ Yeremiya.

Yohanna 1:23

Yaŋ aɗiman na: Intə wəla dədaŋzla vaŋvəl a kapta-muyã na: Meziwgin tive na Daya sarra va məskəleŋ Isaya anahə.