Ester 9:22 - Bible en Guidar

²² Vi addəvit əvoŋɗeski mə Yudeɗ arəhnən kiyit səvet məzuzelɗe neti; aka təlaski əzəmsahã net agrakə, makret avoŋgu. Adahək dəɗɗumotingən wənɗes də wəda waynabaya, də əvəl a walaŋ ziti, də wəpsit zəgeɗ sit məzurayɗe.

Ester 9:22 ပူးပေါင်းရင်းမြစ်များ

Ester 9:19

Vaski kan mə Yudeɗ na kəlawra gəm na walaŋgəlaɗe gugriɗ azləraŋ pay taka, aka makəlaw kiyən mapoɗo'ən na təla na Adar: Azləraŋgək də waynabaya də zit ənneke, abbalanənək wəvəl a walaŋ ziti.

Ester 9:21

Anah sit dəzləraŋgən ama əzva pak, aka təla na Adar də wəvoŋ nan makəlaw kiyən poɗon də makəlaw kiyən sle'eni.

Ester 9:23

Mə Yudeɗ atafənək an Mardokay aver sit akani, akkpaŋgək zəga nazba neti.

Gəlyaɗe 103:2

In tat əsokon Yawe, nəzgət ki moggon nan agəɗ pakəŋ ɓa!

Gəlyaɗe 149:7

Kampəlkiya aket ɗiy-ɗarə gəm ərbəsit ɗiyi,

Gəlyaɗe 30:11

Aprəmwa Yawe, awlu sãhə! Yawe, asok ka məzəbbah nawa!»

Gəlyaɗe 30:12

Kəkkpaŋganək əska morkoyo naw ka wəskəla, akkpaŋgan lukut na gəlabay naw ka lukut na əzləra.

Gəlyaɗe 37:15

Ya masalam net divetdivet watilik gidivti, bəleɗe net waŋzlaŋgə.

Isaya 14:3

Pay Daya adapsuk əffet sədərɓaga tatwãh gəm əzəmsahã nok metiŋgini, gəm wəza ɓəɓəl na balam məs kəgəɗə,

Zakarya 8:19

Vaŋ an Yawe Məzuɓappak anahə, amna: Wəɗɗa meme na təla mapoɗoni, na təla masle'eni, na təla mabuhuloni gəm na təla makəlawan wassoŋ ka pay na hĩyã hĩyã də nanneke gəm wəzləra nannek viyit ɗiy na Yuda. Məŋglu gegesiŋ də zazaya.

Matiye 5:4

Əzaɓ aket məzəmaŋ sahã, vi Maŋgəlva waffeten makreti.

Luka 11:41

Məvəl də an dəsan addivti, asna zəgeɗ pak wassoŋ sukumən salala.

Galatiyen 2:10

Məssehẽŋɗe kaka mədaɗɗum aketi, ndəni vani yi'e nəgəɗ də kakara.

Əmsak aka Mahenziŋ 15:7

An məssahã tay anok da sə weleŋgit milmiŋgiɗuk addəv taka na walaŋgəla-metiŋ noko, dələv məs Yawe Maŋgəlva nok apsuko, kədaɓɓəlan mokrok may əros vok sən məlmuk məssahãŋ ɓa.

Əmsak aka Mahenziŋ 16:14

Kənnekgən addəv wəzləra nok is də wutuko, dət wutuko, də balam noko, dət balamək noko, də mə levi na walaŋgəleɗe gugriɗ noko, də molhõyõ, də mitiwe dət gagəbay məs dəssoŋ awalaŋkum.

Əmsak aka Mahenziŋ 16:15

Pay buhul kədaɗɗa wəzləra van vi Yawe Maŋgəlva nok a təki məs Yawe aweli, vi Yawe Maŋgəlva nok waɗɗa əzaɓ nan akoko, aka zəga na guli nok baymani, aka wəza an kəgəɗ pakə, wakəknah də ənneke.

Hənhən 11:10

Ɗiy naka dəlvafuŋ wannekenən zit də əmta neti. Wassoŋ addəv ənneke, də əɗɗa əvəl a walaŋ ziti, vi məskəleŋɗe suleŋ akiyaŋ sitinik tatwãh diyɗa sawɓa.

1Samiyel 25:8

Assõhẽt kirin noko, wanahaŋ sukuni. Horok dula sasẽhit gewleɗ newiski, vi aka pay moggon məde; kamə apsəm an vok arah sit belemɗe noko gəm sən Davit wətuko.»