Ester 9:18 - Bible en Guidar

¹⁸ Vasna mə Yudeɗ na Susan, məs dəpəlnən kiyit də əvoŋ kəlaw kiyən hoku gəm kəlaw kiyən poɗo na təla na Adar, net affeteŋgək də əvoŋ kəlaw kiyən sle', dəpaski net azləraŋ də ənnek tamə.

Ester 9:18 ပူးပေါင်းရင်းမြစ်များ

Ester 8:11

An məverin addivit na, mə Yudeɗ na walaŋgəleɗe gugriɗe naka dələv na məlĩ pak, dəkkalaŋgən dəhãyaŋgən ammba ziti. Məpəl siti tive, dəzetingin ɗiy en məzuzeletini, dəssoŋ mədəgaŋ di zlaŋ en dədawakaŋ sitin pakə. Dəbeyningin dit gil neti, dit kirtiti, dəndannəngən arya neti'e,

Ester 9:1

Də əvoŋ kəlaw kiyən hoku na təla makəlaw kiyən sulani, məs adawyaŋ na, Adar, pay an naknahan əpel də mahenziŋ na məlĩ yi, ka məzuzelɗe net mə Yudeɗ dəzetingən naki. Pəla', wən nan pirvik, mə Yudeɗ dezetin məzuzelɗe net dərəŋgə.

Ester 9:11

Pay dəpaska'e ləŋ, mənah sən əŋɗa net ɗiy en məbeyit sə Susan sən məlyã.

Ester 9:13

Ester təzlanəka, təmna: «An məlĩ gagdak atafək wən nan na, dəpəl tive sit mə Yudeɗ na Susan, dəɗɗaŋgən mazayin əmpa, va minan dəpaŋkəŋka'e, gəm dəlawəngən kigəbeyit kirtin Haman kəlawiŋ aka wəlaŋga.»

Ester 9:15

Mə Yudeɗ na Susan akkalaŋgək də əvoŋ makəlaw kiyən poɗon na təla na Adar əmpa, abayaŋgək ɗiy səkat hoku sə walaŋgəla-metiŋ, dəndanən zəga nawrəh na ma wəgay ɓa hara.

Ester 9:2

Mə Yudeɗ naka va na məlĩ Ahasuwerus gboŋ pak, akkalaŋgək addəvit walaŋgəleɗe gugriɗ məs assoŋgu, awakaŋ sitin ɗiy en dəɗɗumoŋ nawgəɗ sit mbərayən neki. Ɗəf tay dəziw abet təttaka dayday ɓa vi geslne net adek aket ɗiy pakə.

Ester 9:21

Anah sit dəzləraŋgən ama əzva pak, aka təla na Adar də wəvoŋ nan makəlaw kiyən poɗon də makəlaw kiyən sle'eni.