Ester 6:4 - Bible en Guidar

⁴ Məlĩ amna: «naway a daŋglas di?» Daka' Haman adek a meŋgle ana məlĩ da vi kawnah sən məlĩ kawlaw Mardokay aka wəlaŋga məs azaɓ viyən naka.

Ester 6:4 ပူးပေါင်းရင်းမြစ်များ

Ester 4:11

«Gewleɗ na məlĩ beymeti, may ɗiy temtem naka kivadələv na məlĩ asənnənək na, ɗəfa awaniɓa gulku məs nawtoŋ aza məlĩ a daŋgla məza iya məyan ɓa na, mahenziŋ nan takayi, əbayni. Kar ɗəf an məlĩ atəlsən zleŋge na meleŋge nani, nan kappani madarani. Ya naw əvoŋ kaklaw hoku yaŋka, məyuwi nadda aza məlĩ ɓa.»

Ester 5:1

Əvoŋ mohoko'ən na, Ester lukut nawzəm məlĩ kulo' azata. Ndət ziw a daŋgla na mahara gəla na məlyã. Məlĩ tay ɗewwe aka mazaŋga na məlĩ nan addəv gəla na məlyã, haran sek də metive.

Ester 5:14

Yaŋ Zeres guluk nani gəm beyneŋgiɗin pak aɓsənən na: «Ɗiy dəzaɓaŋ wəlaŋga məs əɓay nan metər kaklaw sula kiyən sle'i, də pummo na, kənah səngən məlĩ dəlawəngən Mardokay van akani, kedegən əzəm waynabaya də məlĩ də zuk neki.» Əpel van asanək nek aza Haman, yaŋ azaɓ wəlaŋga vani.

Ester 6:3

Yas məlĩ amna: «Mi məɗɗa nawgagdakan may nawɓaygən Mardokay aka as di?» Gewleɗ na məlĩ en məɗɗaŋ wəza nan aɓɗaŋ na: «Zəga tay məgəɗ sən ɓa.»

Ester 6:5

Gewleɗ na məlĩ aɓsənən na: «Haman yaŋ ziwwe a meŋgle.» Məlĩ amna: «Dətoŋgu.»

Ester 7:9

Harbona, taka naret mətawaŋkoyom naba məlĩ amna: «Wəlaŋga tay məs Haman azaɓ ammba Mardokay məs dəpel moggon ammba məlyã. Tay tukko əŋgil ana Haman da, əɓay nan metər kaklaw sula kiyən sle'i.» Məlĩ amna: «Məlaw akani!»

Ɗerewel na Yob 5:13

Ndən məzərma məsmaɗɗulet addəv pepet net tusso, də əraygən an aynan naɗɗa.

Gəlyaɗe 2:4

Məs dəsan a disiŋ wamasə; Yawe wamas aketi.

Gəlyaɗe 33:19

vi kawkõhgit səma əmta dəssoŋgən mederet gala mayã.

Məsmaɗula 9:10

An vok arah naɗɗa pakə, aɗɗa də gbogboŋ noko; vi a təki net ɗiy mimtit məs kədaddok adakəŋka, wəza tay ɓa, əɗɗum tay ɓa, əsən tay ɓa, maɗɗula tay ɓa.