Ester 4:3 - Bible en Guidar

³ Kivadələv an əpel na məlĩ də mahenziŋ nan agap adak pak na, gəlabay metiŋgini azet mə Yudeɗi: əɗɗa meme, wəhəma may əɓuhma; gabaga na sakə may moŋglo dəssoŋ zəga nawvoŋ net ɗiy diyɗa.

Ester 4:3 ပူးပေါင်းရင်းမြစ်များ

Ester 1:1

Aka pay na Ahasuwerus na, Ahasuwerus van dəzəm məlĩ təŋ sə Indiya hã gap a Etiyopi, kivadələv temtem səkat də kaklaw sula kiyən buhul.

Ester 3:12

Yaŋ Məye məzuvereŋ na məlĩ aka təla maddaabəŋ də əvoŋ kəlaw kiyən hoku nani. Yaŋ məverin səɗek va an məs Haman aɗi wən nan sit daya na bərzləŋ na kivadələv na məlyã may deyeɗe na kivadələv temtemi, gəm sit deyeɗe net ɗiy pakə. Sən kivadələv pak də zev əver nani, sən mahəlfa pak də ma nani. Məverin də iya na məlĩ Ahasuwerus, mərga ndama na məlĩ van akani.

Ester 4:16

«Dok akkelet mə Yudeɗ dəssoŋ a Susan baymeti, məgəɗ' meme viwa, əvoŋ hoku də əsɓəta hoku kədawsaŋ ɓa, kədawzəmaŋ ɓa. In dit belemɗe naw pak vas nədaɗɗa. Asna, wandaw aza məlyã də asan əzlah ki mahenziŋ zlaŋ; an wanəzə nəzə!»

Ester 4:2

Ndən gap hã a meŋgle na məlyã, ya ɗəf awgap aza məlĩ də lukut na gabaga na sak ɓa.

Ester 4:4

Gorɗeŋge dit zel mətawaŋkoyom məɗɗaŋ wəza nat Ester azzoŋguk ənah səta. Ma'ãyək təttapək sawɓa. Yaŋ təslən lukutɗe nawgul sən Mardokay may kakgbuk gabaga na sak səzani, ya dətaf ɓa.

Ester 9:31

Vi kawɗi əvoŋɗe na Purim iski də pay net məɗiyən va Mardokay mə Yuda gəm Ester ma'ayək aɗiynən wən nani, va aɗiynən əɗɗa meme gəm əhəm sən kiyit zək neti gəm sən mazlalwẽti.

Ɗerewel na Yob 2:8

Yaŋ asan aka moŋglo, agəmək galmayã ərreɗen zən dəndəni.

Isaya 22:12

Pay dəpaska, Daya, Maŋgəlva Məzuɓappak wayukum kəhəmaŋgəni kəskaŋgən morkoyo, kəfaɗəngən kiykum gəm kəguloŋgən lukut na gəlabaya.

Isaya 22:4

Vi vaski nənah na: Kədawlaŋ azaw ɓa, məppaw əhəm haraw pəreŋgi sin zletzleti. Kəyanən zukum əɓətgu aka əray na walaŋgəla net ɗiy naw ɓa.

Isaya 58:5

Vaski əɗɗa meme nəŋgəl adawsan sa? Aski əɓegeŋ kiykum sa? Mənokum tat ədoɗ kiykum va eflere, mənokum tat əgul lukut na gəlabaya, gəm əvoŋ aka moŋglo, gesiŋ aski kədawtəlaŋ ma əɗɗa meme, pay an dəslə sən Yaweŋ sa?

Ezekiyel 27:30

Wahəmaŋ ammboko, wahəmaŋ heret pərreŋgi, waggbo'oŋ burɗuk aka kiyti, waputkuloŋ aka moŋglo.

Daniyel 9:3

Yas nəzi haraw sek aka Daya Maŋgəlva, nəkkamani də əɗɗa meme gəm də əgul lukut na sakə.

Yonas 3:6

Alabaras agapək asləma məlĩ na Niniwe, ndən prik səka mazaŋga na məlĩ nani, lukut na məlĩ səzan gbuku, an na taɓak kulo, ndən aka moŋglo ɗewi.

Matiye 13:42

wazgetin addəv movoro na offo. Əhəm də əpəran slay ɗəfi dədawsan adaka.

Matiye 22:13

Yaŋ məlĩ anah sit məɗɗaŋ wəza na: Məɓruk tələn də van pak məzgan ara guzli nappaka, dəhəmgən də əmpəran slayən adaka.

Matiye 25:30

Balam məs tay də ətər ɓaŋka, məzgan appaka ara guzliyo. Adak əhəm gəm əmpəran slay ɗəf asani.

Yosuwa 7:6

Yosuwa dit ɗiy gugriɗ na Israyel lukutɗe səzet ngar ngar əŋgereti, aziyaŋgək burɗuk aketi, agdukoŋ əppu' aba akoti na Yawe hã moskoy gap aket aka vaska.

1Samiyel 11:4

Metiveɗ addoŋguk a Gibeya, a walaŋgəla na Sawlu, aboton sitin wən nan a sləmet ɗiyi. Ɗiy pak aslanənək wəlet ahəmaŋka.