Ester 4:14 - Bible en Guidar

¹⁴ Vi an kəsokuk ɓatɓat aka pay va yaŋkəŋka, əkõh net mə Yudeɗ wade sə təki mbərən. Ya is də gəla na afuk na, wakəzaŋgə. Ya nawa dəsən di, kuzuŋ sən wən vaŋ vani kəgap ana məlĩ da.»

Ester 4:14 ပူးပေါင်းရင်းမြစ်များ

Va'Atəŋ 22:14

Abraham alvan təki nan na «Yawe Zire»; adawyanən dəpaŋkan na: «Aka mossorgo metiŋ na Yawe as waknahə.»

2Milyeŋge 13:5

Yawe apsənək məzukõh sən Israyel; Mə Israyelɗe akõhoŋguk səmmba va Aram. Səza dəpaski mə Israyelɗe assoŋ a gizlirke anetda va lahəŋka.

2Milyeŋge 19:3

dənah sənəngən na: «Vaŋki Hizkiya anahə: Dəpaŋki pay na tatwãh gəm nawzəmsahã, pay net wili yi, vi muzliya go'o yi nawgilyeni, gbogboŋ nanɗəsən kawan tay ɓa!

Ezra 9:9

Belemɗe mənani də məsam belemɗe dayday na, Maŋgəlva namə, dəppam ndol ɓa; abet milyeŋge na Persiya, aɗɗumək akam də wəɗɗa moggon nan dəpsəm zeŋgile, apsəmək tive narkan gəla na Maŋgəlva namə nawsilgit en dəɓəzlaŋgə, gəm dəpsəm zlava na dələv a Yuda gəm a Yerusalem.

Nehemi 6:11

Yaŋ nəzlansən na: «Ɗəf va inəŋ na, kanzan sa? Ɗəf va in awani nazzan ətoŋ addəv gəla na Maŋgəlva kawsan madaran di? Naw nətoŋ na adak ɓa.»

Ester 2:15

Adan pay nat Ester wətən Abihayil, madya Mardokay məs dəgəmət ananda va wətən agap naddat aza məlĩ tamə, zəga tay təssõh abbər an Hege gawla na məlĩ mətawkoyom məs dədawge gil arbə sət ɓaɓa. Kiyət Ester asanək nek avet ɗiy məs dulətən pakə.

Ester 2:17

Məlĩ aŋglutək Ester daykiyit gil pakə, tərahək kinenek də ulasahã nan daykiyit mambirgit gorɗeŋge ŋgbuɓɓo ŋgbuɓɓo vet pakə. Ndəni kan aɗup sət kupupu na məlĩ akata, aɗiyət ka ma'ãyək a gəlat Vasti.

Ester 2:7

Ndən dəzgələt Hadassa məs adawyaŋ na Ester, wətən madiyan, vi afət tay ɓa, mat tat ɓa. Waŋ vat moggottə sawɓa, badak zət lewi diyɗa. Dərɓaga əmta na afət dət mata, Mardokay agəmtək ananda va wətəni.

Ester 4:13

Mardokay aslənək ənah sət Ester na: «Kədaɗɗum na, nok wakəkõh takərguk səret mə Yudeɗ pak vi kəsok addəv gəla na məlĩ ɓa.

Ester 4:15

Yaŋ Ester təpel namndan sən Mardokay na:

Ɗerewel na Yob 9:18

Appaw əmpəs ɓa tay əknahu dit zəgeɗ nawdan su gədəvu ɗarə.

Məsmaɗula 3:7

pay na əŋgarani gəm pay na ərmahən, pay nassa ɓatɓatə gəm pay na əpele,

Isaya 49:23

Milyeŋge wassoŋ ka ɗiy nazgəlkuni, gil net milyẽŋge wadiɗkuni. Wappu'oŋ aboko, watarna'ən hologudum naza təlko. Wakəsən na intə Yawe, ɗiy en dəɗinən əɗɗum net akawa, arbaŋ na wil ɓa.

Isaya 54:17

Zəga məzaɓən nawgay də is pak ahhar na ɓa. Wakəslbe məkaŋ dolgoy akok pakə. Hara ərəh net məɗɗaŋ wəza na Yawe yaska, ndeni təstəs net məs dəsil səzawa Yawe aɗiymani.

Yeremiya 30:11

In tat də is vi kawkõhguko Yawe aɗiymani; pay nədawki əza aket dəlveŋge en nətraygukum adak pak na, istə kaka' məs nəzok na ɓa. Wanəzga suk va an dəslə nuluk na va ɗəf məs də mezlibezlibe na man ɓa!

Yeremiya 46:28

Is Yakob, gawla nawa, kəgeslne ɓa; Yawe aɗiymani, vi in tat də isi. Vi wanəggrek ɗiy-ɗar məs nəɓɓahuk adak pakə, nok hara na, nəzok na ɓa, ya wanəzga suk də ətawwəna. Wanəɗiyuk ka ɗəf də mezlibezlibe na man ɓa!»

Məsdəlveŋge 26:42

Wanəɗɗum aka wənmiyna naw də Yakob, wənmiyna naw də Isak gəm wənmiyna naw də Abraham; wanəɗɗum aka dəlva.

Matiye 16:18

Naw in tat ənah suko: Piyer (Milɓe) kənani, ya aka milɓes nədarka Gəla nakkam nawa, maddembeɗe na təki nanziya net mimtit aska na wəlan ɓa.

Matiye 24:22

Va Məduduɗukon pay nan ɓa ɗəf tay nawkõh kəta ɓa. Ya aka wən net ɗiy məwelti, kawduduɗukoni pay nan vanəska.

Əmsak aka Mahenziŋ 32:36

Yawe wataw wən net ɗiy nani, wawla sasẽhit belemɗe nani, pay awle addakaŋgə, balam tay ɓa, ɗəf na kiyən tay ɓa.

Mətawaŋwəna 15:6

Mə Filistiɗe aɓɗaŋ na: «Aŋ naway dəɗɗa zəgaŋ di?» Yaŋ ɗiy azlanən na: «Samson iyi! Dəhən mə Timna, vi ɗəf vanəs agəmət ga Samson apsənət zəbay na Samson vani.» Mə Filistiɗe apeŋgeŋ azlətən də afət pak də offo.

1Samiyel 12:22

Yawe azget na ɗiy nan ɓa ammba iya nan metiŋginiŋka, vi Yawe armak a makran ka kəssoŋgən ɗiy nani.

1Samiyel 17:29

Davit amna: «Yaŋkəŋ na miy nəgəɗ kan abbər əpel nəpel di?»